قصة انطفاء الروح بقلم ياسمين احمد
أكدلنا أننا كويسين وأن موضوع الخلفه بوقته.
طب بقولك أيه يابنى أنا شوفت على الفيس أعلان عن مركز أسمه الرحمه للأنجاب بيقولوا أن كل اللى راحو المركز ده خلفوا بالجوز.
ربنا يسهل يا أمى.
عاصم أخد مراته لمركز الرحمه والدكتور اللى هناك أكدلهم أن فرصه نجاح الأنجاب مضمونه بس هتكون عن طريق عملية الحقن المجهرى.
أميرة وافقت بدون تردد عشان تشوف الفرحه فى عين جوزها وبعد شهرين حملت لكن للأسف الجنين ماستمرش فى الرحم أكتر من أربع شهور ونزل مېت وكررت عمليات الحقن المجهرى مرتين كمان ورغم أنها كانت بتتعب بسبب العمليات دى لكنها كانت فرحانه لما تعرف أنها حامل وبرضه الحمل مابيكملش وأهل عاصم أقترحوا عليه أنه يتجوز من دون علم مراته وبعد إلحاح منهم وافق لأنه هو كمان كان مشتاق للخلفه وأنه يكون أب وله أبن يكون سنده وعكازة لما يكبر وبالفعل وأتجوز واحده تانيه من غير مايفكر للحظه أنه بكده هيهد علاقته بأميرة وبعد شهرين مراته الجديدة حملت على طول كل ده وأميرة نفسها ماتعرفش حاجه عنه لأنه كان معيشها النعيم كله ومش محسسها بأى نقص كأنهم فى أول جوازهم لحد مافى يوم كانت أميرة نازله تشترى طلبات وبالصدفه قابلت واحده صاحبتها من أيام الطفوله ومحضرتش فرحها لأنها كانت مسافرة مع جوزها وبعد السلامات قالتلها.
خير ياسلوى.
هو جوزك أسمه أيه
أسمه عاصم .
عاصم أيه
أميرة أتنابتها الحيرة وقالت لازمته أيه كل الأسئله دى ياسلوى
عشان خاطرى جاوبينى.
أسمه عاصم محمود السخاوى لكن ليه بتسألى
أصل شوفت يافطه كبيرة بأسمه.
آه ماهو عمل مكتب هندسى.
عارفه بس لما طلعت أنا وجوزى عشان نقابله لأنه كان عاوز يبنى عمارة قابلتنا السكرتيرة وقالت أنها مراته وشكلها كده حامل هو معرفكيش أنه أتجوز عليكى
معرفش والله يا أميرة السكرتيرة اللى هناك أكدتلى أنها مراته وشكله متجوزها من شهور بسيطه لأنها لسه فى أول الحمل.
أميرة حست أن الدنيا بتدور بيها وأن الحياة كشرت لها عن أنيابها ورجعت بيتها تبكى بأنهيار وبعد ما عاصم رجع البيت مسكته من هدومه بع نف وفضلت تهز فيه وقالت بالدموع اللى ماجفتش من كتر العياط والبكاء.
أميرة أنا.
ولا كلمه أنت هتغير هدومك دلوقتى وترجعنى بيت أهلى وبكرة هتطلقنى عند المأذون.
أميرة عشان خاطرى أقعدى وأنا هفهمك.
مش عاوزة أسمع ولا أفهم حاجه من واحد ندل زيك طلقنى ياعاصم.
أميرة أنا بحبك.
أنت كداب لو بتحبنى
