رواية نغم بقلم الكاتبه لبنى دراز الفصل السادس

البارت_السادس
ليس آلموت هو آكبر خسآرة بالحيآة فأكبر خسآرةهي مآ ېموت بدآخلنا ونحن مآ مازلنآ على قيد آلحيآة ..
نغم بقلم لبنى دراز
ف شركة العامري
تانى يوم نغم و حياة رجعوا الشركة بعد أجازة الامتحانات اللى أخدوها .. و هما شغالين وصل
وليد بجدية و هو داخل مكتبه .. صباح الخير
وفاء بجدية .. صباح الخير يا مستر
وليد ل حياة هاتي ملف الشحنة الاخيرة و تعالى

حياة حاضر يا مستر وليد و بالفعل دخلت وراه بالملف
وليد اخد الملف من حياة راجعه و مضاه و هو بيسلمه ل حياة أبعتى إيميل ل أسلام المعداوى مدير المصنع بلغيه ان الشحنة جاهزة ع الاستلام ف المينا خليه يروح بنفسه يستلمها مع طارق
حياة حاضر يا مستر بعد أذنك و خرجت حياة تخلص الشغل اللى طلبه وليد
وليد طلع موبايله و عمل مكالمة .. الووو طارق باشا
طارق بنوم .. الوو صباح الخير يا وليد
وليد صباح الخير يا دكتور ايه ده انت لسة نايم و أنا اللى قولت هلاقيك من الفجر ف المينا بتستلم الشحنة
طارق أتعدل ف مكانه و ابتدا يفوق .. ما انت يا باشا مابلغتنيش انها وصلت هعرف منين أنا يعنى .. بنجم مثلا و لا بقرا الفنجان
وليد طيب يلا بسرعة قوم ألحق اليوم من اوله و انا بعتت إيميل ل أسلام المعداوى هيكون هناك
طارق خلاص تمام مسافة الطريق ما تقلقش يلا سلام مؤقت 
و بالفعل قام طارق بسرعة عشان يسافر يستلم الشحنة
برة عند نغم
وفاء بزهق .. أوووف ايه الزهق ده
حياة وهى بتبعت الايميل .. مالك يا متدلعة زهقانة من أيه
وفاء انتى بتكلمينى انا يا حياة
حياة أه ياختى بكلمك هو فى متدلعة غيرك هنا
وفاء بتنهيدة .. طارق وحشنى اوى ليا شهرين ماشوفتهوش
نغم أنتبهت ع الأسم بس ماحطيتش ف دماغها و لنفسها يمكن طارق تانى
حياة طارق ده خطيبك يا بت!
وفاء بهيام .. لأ دكتور طارق العامري .. حاجة كدا وااااو چان بجد .. ياااه أمتى يرجع بقى وحشنى اوى
نغم بغيرة و من غير ما تحس .. نعععععم قولتى مييين
وفاء بأندهاش من تصرف نغم .. مالك يا نغم اتخضيتى ليه كدا
حياة ردت بسرعة قبل نغم .. عادى يا وفاء نغم هتتخض ليه يعنى .. بس قوليلى مالك بدكتور طارق يا منحنحة انتى
وفاء حطت إيدها ع خدها و بتنهيدة .. بحبه يا حياة و هو تقلان عليا
نغم بع ص بية وغيرة قامت قالت كدا كتير اوى بصراحة .. و خرجت برة المكتب و الشركة و راحت قعدت ف كافيه جنب الشركة و بتتصل ب طارق فونه مغلق طول الوقت
وفاء استغربت أكتر رد فعل نغم .. و ل حياة هى مالها صاحبتك ايه اللى غيرها كدا
حياة بغيظ متدارى .. مالهاش هى بس اعصابها تعبانة و متوترة بسبب النتيجة .. و ل نفسها جاتك نيلة يا مايصة جاية قصاد نغم و تتغزلى ف جوزها ده انتى ليلتك فل
ف شركة أبوضيف للتخليص الجمركى
أحمد وصل فعلا ل والد حياة ف شركته و طلب يقابله و بالفعل خبط و استنى الأذن
محمد أدخل
أحمد دخل .. السلام عليكم ورحمة الله
محمد و عليكم السلام و رحمة الله
أحمد حضرتك أستاذ محمد أبو ضيف
محمد بتأكيد .. أيوا انا .مين حضرتك
أحمد دكتور أحمد ألاسيوطى
محمد تحت أمرك
أحمد انا جاي ل حضرتك بخصوص الانسة حياة
محمد بمحاولة تذكر .. حيااااة حيااااة .. و بأستنكار .. حياة مين اللى حضرتك جاى بخصوصها
أحمد بذهول .. بنت حضرتك الأنسة حياة معقول نسيتها !!!
محمد أه أه افتكرت معلش يا دكتور السن بقى و مشاغل الدنيا كتير .. مالها حياة خير
أحمد بذهول .. مشاغل الدنيا تخليك تنسى بنتك يا استاذ محمد !
محمد ببرود .. انت عارف بقى هى عايشة مع والدتها و أكيد مرتاحة معاها و مش فاكرانى اصلا
أحمد بأستغراب .. عايشة مع والدتها ! واضح انك ماتعرفش حاجة عن بنتك يا محمد بيه
محمد بنفس البرود .. حضرتك قولت جاى بخصوصها خير
أحمد أنا كنت جاى حسب الأصول أطلب إيدها من حضرتك و...... قبل ما يكمل كلامه دخلت
سما بسعادة باااابى وحشتنى اوى جدا خالص
محمد خدها ف حضنه حبيبة بابى انتى كمان وحشتينى يا سمسمة
سما بابى