رحله مخيم تنقلب ل كابوس

في مشهد كابوسي خارج من چحيم دانتي ..
.
أسرة لطيفة من اللّي بيخرجوا يعملوا مُخيّمات زيّ ما إحنا كنا بنُخرج للجناين كدة زمان قبل عصر الإنترنت وسجن الشاشات، كانوا في خروجة لقضاء الكريسماس في جزيرة مُنعزلة إلى الغرب ساحل من موطنهم، لمّا فقط وسط القعدة في مُنتصف الليل اتفاجئوا بالمنظر اللّي قدّامك اللّي يشيب لوهله الولدان دا ..
.
الكيوت الغلبان اللّي ملوش ذنب في شكله دا هو Robber Crab أو Coconut Crab والمعروف لدينا باسم (سړطان جوز الهند) أو (السړطان الحرامي)، هو نوع بري من السرطانات عشريات الأرجل، والنوع دا أغلب أفراده حيوانات بتقتات على بقايا غذاء الحيوانات والكائنات التانية بما إنّهم بيقدروا يتمشّوا على رجليهم برّة الميّا عادي، والنوع دا بالذّات مشهور بأنه أكبر نوع مفصلي بري في العالم، فوزنه بيعدّي الـ ٤ كيلو كاملين، وعرضه بيوصل لكام بقى ..؟ 

.
فالطبيعي الناس عندها فوبيا فطرية للكائنات اللّي عندها رجول كتير، فمُتخيّل لمّا تلاقي قدّامك كائن بالمنظر دا بالحجم دا ..؟
.
بغض النظر عن منظره المُرعب إلّا إنّه مُسالم تمامًا ومبيسبّبش أي أذى ومتعوّد على وجود البشر عادي خصوصًا إنّه لما بيتخطّى مرحلة الطفولة وبيكبر بيتنفّس من رئتيه بدلًا من الخياشيم اللّي بتبقى عنده وهو صغيّر، ومع الوقت بيكوّن هيكل خارجي تقيل عشان يحميه وبالتالي بوزنه دا مبيقدرش يعوم زيّ الإول فممكن يغرق لو نزل الميّا كتير، دا غير حاسة الشم القوية جدًا اللّي بتبقى عنده وبتساعده يوصل لبقايا الأكل على البر ..
.
طبعًا الأسرة دي لمّا اتجمّعوا كان معاهم أكل وشُرب، مع الوقت الريحة بدأت تنتشر في المكان وتحملها الرياح لأماكن تجمّع السرطانات دي اللّي قالتلك أوبااا وليمة، عندنا طلعة يا شباب والناس اتفاجئت بيهم في وسطهم بالمنظر المُخيف دا، دا لو إنت مش متعود عليهم أو لو متعرفهمش مُمكن يجيلك سكتة قلبية، أصل فجأة تلاقي رجول بتتحسسّك في الضلمة لكائن عرضه متر ياخدك بالحُضن عشان ريحتك أكل، لعڼة والله ..
.
وطبعًا مش محتاج أقولك بلد الأسرة دي إيه عشان أكيد إنت تقدر تخمّن ..