شعر محمد سيد عبد الحميد سليمان

اية إللي هيحصل لو رجعولي الأماكن !؟

اية إللي هيحصل لو رجعولي 
الأماكن 
هلاقي العواصف بټضرب شباكى 
والبرد ساكن .
هلاقي الرفاق مش موجودين 
والصبح داكن .
هلاقي الضباب مخيم فى روحى 
وعلي كل المساكن .
....
أية إللي هيحصل لو رجعولي 
الأماكن .
هيسود الصمت وميبقاش غير كلامى .
هيسود الفراغ أحلامى ومنامى .

هيسود الصمت الغرف وهعيش بأوهامى .
هضحك وحيد ومحدش قدامى .
...
أية إللي هيحصل لو رجعولي 
الأماكن 
هتبقي أصواتكم كيانات مرعبة فخيالي 
هتلاقونى قاعد ساكت في حالي 
مش هيكون أى شيء غالي 
وهيناقض الهدوء انفصالي 
...
اية إللي هيحصل لو رجعولي 
الأماكن 
مش هتكونى فيها وهتبقي مخيم 
مش هيكون العشق ضاحك ومتيم 
مش هكون غير هيكل فارغ مغيم 
...

أية إللي هيحصل لو رجعولي الأماكن 
مش هيكون في عينى غير أمطار 
هكون لوحدى اللي باخد القرار 
هتبقي العيشة بين الضواحى ڼار 
هيبقي طرد لعمرى من غير إنذار

أية إللي هيحصل لو رجعولي الأماكن 
#محمد_سيد_عبد_الحميد_سليمان 
#من_كلماتى_وتاليفي_واشعارى