رواية نغم بقلم الكاتبه لبنى دراز الفصل الثالث

البارت_الثالث
نغموجع_و_دموع
الوحدة مؤلمة لكنها أجمل بكثير من أناس يتذكرونك فقط وقت أحتياجهم.
سيأتي يوم وتجد من يضحي من أجل ابتسامة يرسمها على وجهك فلا تغلق أبواب قلبك فليس كل من يدقها ينوي جرحها.
نغم بقلمى_____________لبنى دراز
ف ڤيلا محسن الهلالى
بعد ما رجع محسن من عند نغم و هو بيفكر ازاى يخليها توافق تعيش معاه دخل ڤيلته شاف ولاده و مراته استقبلته

منال بتساؤل .. ها عملت ايه مع بنت أخوك يا محسن
محسن طيب قولى حمد الله ع السلامة الاول
منال ماتعصبنيش يا محسن .. أخلص قول عملت ايه مع الغندورة بنت أخوك
محسن رفضت تيجى معايا بحجة الكلية و الشغل
منال بع صب ية يعنى ايه رفضت يا محسن انت كان لازم تجبرها .. فاهم لااازم تجبرها
سامى ماينفعش يا ماما تجبروها تيجى تعيش هنا
منال و ليه بقى يا استاذ سامى ماينفعش
سامى عشان يا ماما حضرتك زمان خليتى بابا يوديها مدرسة داخلية و ما كنتيش بتزوريها تسألى عليها و حتى وقت الاجازة ماسمحتيش انها تاخدها معانا ف طبيعى انها ترفض و مهما حاولتوا تقنعوها هترفض
منال و انا قولت تجبروها مش تقنعوها
نادر نجبرها ازاى يعنى يا ماما نشيلها شيل مثلا و لا نخ ط فها .. قولى كلام معقول يا ماما لو سمحتى
منال ل محسن و سامى و نادر أسمعوا انتوا التلاتة نغم لازم تيجى تعيش هنا بأى طريقة ده لو عايزين تطلعوا من الوحلة اللى وقعتوا نفسكم فيها و ماتعلنوش افلاسكم و تدخلوا السچن
محسن و نغم علاقتها ايه باللى أحنا فيه يا منال
منال نغم هى اللى هتنقذكم من السچن
سامى ازاى بقى يا ماما ممكن نفهم
منال ل سامى نغم جميلة جدا لو أهتمت بجمالها شوية و لبست حلو الف مين هيعجب بيها من رجال الأعمال و خصوصا عادل الجيار
سامى انتى قصدى اننا نعزم عادل الجيار عندنا و نخليه يشوف نغم
منال بالظبط كدا يا سامى بعد ما نلبسها كويس مع شوية ميك أب و نخليها تقعد معاه و انت عارف بقى هو بيقدر الجمال ازاى
نادر ايوا يا ماما بس عادل الجيار أكبر من بابا
منال و ايه يعنى الراجل ما يعيبهوش غير جيبه و عادل الجيار ملياردير يعنى بمجرد بس ما يشاور عليها انتوا كل مشاكلكم اتحلت و كمان اسمكم كبر ف السوق
محسن و أفرضي بقى يا فالحة عملنا كل ده و عادل نفسه رفض نغم هنعمل ايه
منال مش هيرفضها ماتخافش .. سيبولى بس نغم و مالكمش دعوة انتوا
محسن هتعملى ايه يعنى عايز افهم
منال هروح لها الجامعة انا و سامى و أكلمها الاول بالزوق و لو رفضت يبقى بالعافية هجيبها
محسن ماشي يا منال أعملى اللى انتى عايزاه
و فعلا ساب منال تتصرف عشان تخلى نغم تروح معاهم الڤيلا
ف الجامعة
تانى يوم راحت نغم الجامعة و تركيزها مشتت مش قادرة تستوعب اى حاجة من المحاضرة و أستأذنت من طارق و خرجت من المدرج قعدت ف كافيه الجامعة و فجأة شافت
منال بأبتسامة مصطنعة .. نغم حبيبتى عاملة ايه وحشتينى
سامى ازيك يا بنت عمى وحشتينا
نغم بخضة .. طنط منال ! سامى
خير فى حاجة !
منال هو لازم يبقى فى حاجة عشان نيجى نشوفك يعنى يا نغم
نغم أبدا يا طنط انا بس استغربت اصلكم من سنين طويلة ماحدش سأل عنى
سامى ظروف يا نغم معلش و دلوقتي خلاص الدنيا اتظبطت و عايزينك ترجعى تانى تعيشى معانا
نغم و انا قولت ل عمى مش هينفع أرجع أعيش معاكم 
منال بغيظ مش هينفع ترجعى تانى ليه يا ست نغم .. عجبتك القاعدة لوحدك عشان تلفى و تدورى براحتك و لا ايه
نغم انا مش قاعدة لوحدى يا طنط معايا حياة و بعدين أصلا ماعنديش وقت ل حاجة غير دراستى و شغلى و بس
سامى بهدوء اسمعى يا نغم دلوقتي انتى ماشاء الله ف كلية الهندسة يعنى محتاجة مصاريف كتير و أكيد معاش عمى مصطفى مش هيكفيكى و ....
منال بمقاطعة .. أسمعى بقى يا نغم عشان نخلص انتى لازم تيجى معانا سواء رضيتى او رفضتى
نغم بنرفزة .. و انا رافضة يا مرات عمى هتعملى ايه بقى عشان تخلينى أروح معاكى و ليه اصلا مصرة تاخدينى
سامى عشان زى ما قولتلك يا نغم .. انتى محتاجة حد يساعدك ف مصاريف كليتك
منال ل سامى لأ مش زى ما قولت يا سامى و ل نغم من الاخر كدا عمك شركته خسړت صفقة كبيرة و هيتسجن لو ما رجعتيش معانا و وافقتى تقابلى الملياردير عادل الجيار 
نغم بتسمع منال و دموعها نازلة ع خدها و بأنهيار .. قوووولى كدا. بقى يعنى انتوا افتكرتونى لما خلااااااااص فلستوا و خايفين تتسجنوا و تترموا ف الشاااااارع هو ده بس اللى خلى عمى يفتكر ان ليه بنت أخ يتيمة و محتاجة السؤاااااال اسفة يا منال هانم طلبك مرفوووووض