إسكرايبت مجنـــــونه الفرعــــــون الصغيـــــــر بقلم ايمان خالد

إسكرايبت مجنونه الفرعون الصغير
قال تبارك و تعالى 
ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة ۚ إن في ذلك لآيات لقوم يتفكرون
بقلم إيمان خالد 
في إحدى عمارات المنطقه السكنيه دخل حازم وبمجرد ما طلع ودخل شقته جريت عليه أميره وقامت بإحتضانه وهي بتقوله بسهوكه... 

أميرة حمدلله على سلامتك فرعوني الصغير الكبير خمس دقايق والأكل هيكون على السفره فرعوني. 
وبعد ما سابته ودخلت المطبخ تجيب الأكل حازم بكل إندهاش وصدمه من كلام مراته قال... 
حازم بسم الله الرحمن الرحيم هي دي اللي إيديها لسه معلمه على رقبتي من ليلة إمبارح إسترررر يارررب. 
أميرة إتفضل يا فرعوني الأكل يارب يعجبك. 
حازم بقلق إيه الدلع دا كله في إيه يا أميرة إنتي فيكي حاجه! 
أميرة بدلع أبدا ياحبيبي دا حقك عليا. 
حازم طيب ياستي ألف شكر على الأكل الجميل دا. 
أميرة بهمس يلا بالسم الهاري على الله يتطمر. 
حازم بإستغراب نعم بتقولي إيه..!! 
أميرة أبدا ياحبيبي بقولك خلصت أكل ولا أجيبلك أكتر. 
حازم أممم لأ كفايه كدا خلاص مش هقدر. 
أميرة يلا على الله يكبس على قلبك يا بعيد. 
حازم نعم..!! 
أميرة بقولك بألف هنا وشفا لقلبك يا بريء تشرب إيه يا فرعوني الصغير الكبير..! 
حازم مالك يا أميرة إنتي مش طبيعيه ليه النهارده مين اللي قلبك كدا..! 
أميرة ولا أي حاجه يا فرعوني و نسيم أيامي أنا بس بديلك جزء من واجبي ليك. 
حازم لااااااا الموضوع كدا كبر أوي أنا خارج. 
أميرة ترجع بالسلامه عزيزي متتأخرش عليا يا فرعوني. 
حازم وهو نازل على السلم بيضرب كف على كف مش طبيعيه بالله إنتي حصل لعقلك حاجه. 
من شدة إستغراب حازم من أميرة واللي بتعمله سابها وراح قعد ما صاحبه في الكافي وأميرة قعدت تتكلم مع سها صاحبتها في التليفون... 
سها أي يا أوختي عملتي إيه..! 
أميرة زي ما إتفقنا وإنتي.. 
سها نفس الكلام. 
أميرة جدعه يابت آل يشبهني أنا بواحده زي دي و كمان عاوز يبهدل هدومي و يدوس عليها وحياتك عندي لأكرهه ف صنف الحريم كله بس صبرك عليا. 
سها لا و المحروس التاني جاي يقولي يا رجال العالم إتحدوا هيهيي يوريني هيعمل إيه هو وقوم الرجال اللي بيقول عليهم دول. 
أميرة أومال هو عندك ولا فين.. 
سها لأ ياختي لقيت وشه أحمر كدا وقالي والله لأخرج وأسيبلك البيت. 
أميرة تلاقيه راح يقعد مع سبع الرجال بتاعي بيحكوا عن التغيير بتاعنا دا. 
سها تفتكري نعمل إيه فيهم تاني.. 
أميرة بصي فاكرة الصواريخ اللي كنت عيناها وبعمل مقالب فيكم بيها. 
سها مالها.. 
أميرة أنا هراقبه أول ما ألاقيه طالع السلم هحط واحد على العتبه و واحد في الدولاب و واحد في الحمام أقولك على القاعده نفسها علشان أول ما ييجي يقعد يقطع الخلف في ساعتها. 
سها لا ياختي دا محمود يطلقني فيها أنا بس هطلع الحيوانات السيليكون وأخليه جاي ينام أرميهم