العرافه
ولا أنا هاخد موقف
نسرين احست پخوف من داخلها تجاه لطيفه فهى لم تعد تتوقع رد فعلها ولكن اخفت ذلك التوتر - هتعملى ايه ها ولا تقدرى تعملى حاجه
- تمام أولا يا نسرين مافيش مليم تانى هدفعه فى البيت لا نور ولا غاز ولا ميه ولا الهوا الاكل والشرب هجيب على أدى اكلى نفسك معاش ابويا اللى انتى واخداه انا هعمل فيزا جديده ليا وهاخده منك اوعي تكونى فاكره أنى نسيت انك واخده معاش ابويا بتاعى اللى كده كده هيتقطع بعد ما اتجوز وده سبب محاولتك انك تفشكلى الموضوع انا بقيت فهماكى كويس يا نسرين بس ملحوقه وتركتها ودلفت لغرفتها تتحدث بالهاتف مع خطيبها
مرت ايام قليله وكانت لطيفه تتجول داخل الشركه ووجدت امامها اسلام تجاهلته واكملت طريقها لكنه ذهب خلفها وحاول ايقافها
-خير يا اسلام عايز ايه
- انا عايز اعتذرلك عن الكلام اللى قلته زمان
- تمام يا إسلام مش زعلانه عن ازنك
إسلام بفرحه
-بجد يعنى موافقه ترجعيلى تانى
- ارجعلك انا قلت خلاص مش زعلانه لكن مين جاب سيره رجوع
- منا جاى عايز اعتذرلك ونرجع لبعض
- وخطيبتك فين
- منا سبتها
- متفقناش جه معاد الجواز وغيروا الاتفاق وغير كده هى سابت الشغل
قاطعته لطيفه واكملت بإستهزاء
وطبعا انت جايلى هنا فاكر انى بقيت يا ما هنا ويا ما هناك
انت عارف يا اسلام انت مش راجل انت شبهه راجل الراجل اللى بيدور على ست عشان تساعده ده ماسموش راجل وانا لما احب اتجوز اتجوز راجل بجد مش شبهه راجل
كان هانى يقف اخر الممر وسامع حديثها معه عندما انتهت لطيفه اقترب منها وامسك يدها
- فى حاجة يا حبيبتي
نظرت له لطيفه بإبتسامه - لا يا حبيبي ده واحد غلطان فل العنوان
- طيب يلا عشان ننزل نختار العفش سوا
ذهبت لطيفه برفقه هانى وتركوا اسلام يقف ينظر إلى طيفهم وحديث لطيفه يتردد فى اذنه هل هو حقا بتلك البشاعه هو فقط يريد واحده تقف بجانبه تشاركه مسئوليات الحياه
هو لا يستطيع فتح بيت بمفرده يريد أن يتزوج من فتاه لتقف بجانبه
خرج هانى ومعه لطيفه وذهبوا لشراء احتياجاتهم وبدأوا فى تجهيز منزلهم الزوجى وساهم معهم والد هانى
فى تلك الأثناء اصبحت لطيفه تقوم ببيع الاثاث القديم وتشترى اثاث جديد لمنزلها واصبحت نسرين تفتعل معها مشاحنات كثيره لكن دائما ما كانت تنتصر لطيفه
تدخل بعض الرجال من كبارات الحى وتدخل هانى ووالده وتم الانتهاء من تلك المشكلة عن طريق بيع المنزل وكل منهم يأخذ نصيبه من المال وافقت لطيفه ونسرين ونورين على ذلك الاقتراح حتى يتم حل الڼزاع
اخذت لطيفه نصيبها من المال ووضعته فى البنك
بعد مرور شهرين تم عقد قرآن لطيفه وهانى وسط مباركات أهل الحى وانتقلت لطيفه لمنزل زوجها
عاشت حياه سعيده فاستقرت لطيفه فى عملها مر ست اشهر على الزواج استطاع خلالها هانى تكوين مبلغ من المال وأيضا لطيفه وباع والده قطعت ارض كانت لديه
جمع هانى ذلك المبلغ وشاركته لطيفه وقاموا بفتح صيدليه كبيرة داخل حى راقى خلال فتره بسيطه تبدل حالهم للأفضل بشكل ملحوظ مر على تلك السنوات سنه كامله
كانت لطيفه تجلس بالشرفه فجأه رن هاتفها
