لقاء صحفي مع الكاتبة ايمان صالح
انت في الصفحة 1 من 7 صفحات
" السلام عليكم ورحمة الله وبركاتة "
دعونا نرحب معًا بهذه الموهبة المتألقة ، فهيا معًا لِنبدأ ♡♡
︎الاسم؟ : إيمان صالح
︎السن؟ : ٣٧
▪︎المحافظة؟ : الاسكندريه
الموهبة؟ : كتابة القصص والروايات والأشعار والخواطر
لقبك؟ : إيمان صالح
︎ هل بإمكانك أن تحدثنا عن نفسك ؟! : ايمان صالح ،اهوى الكتابة بأنواعها والأقرب الخواطر والشعر والړعب ،هناك من لقبني بملكة الغموض ،أعشق أن اسطر إحساسي على هيئة ابيات شعر أو خاطرة .
▪︎كيف إكتشفت موهبتك ؟ منذ الصغر
▪︎ متى بدأت الكتابة ؟ : الشعر منذذ الطفولة والقصص ٢٠٢٠
▪︎ من أول مشجع لك؟ أمي
▪︎ماهي الصعوبات التي واجهتها؟ وكيف تخطيتها؟ : هناك بعض العقبات دوما وإلا ماكان للنجاح طعما
▪︎هل تعتقد أنك ستتخلى يومًا عن موهبتك؟! : لأ
︎ماذا تمثل لك موهبتك؟ :كل شي
▪︎أرِنا بعض من كتاباتك :
▪︎من هو مثلك الأعلى في هذا المجال؟ : حسن الجندي ،محمد شعبان ،احمد خالد توفيق ،
︎هل ترى أن التواصل الإجتماعي لهُ دورًا في هذا المجال؟ : طبعا
▪︎ما هي طموحاتك؟ : الوصول إلى العالمية
▪︎رسالة توجهها لِكل كاتب مبتدئ؟ : اعطي لحلمك مايستحق
اسم الاسكريبت:لغز برمودا
اسم الكاتبة: ايمان صالح
عن أول لقاء بيننا عن أول نظرات الحب اللي بتيجي بعدها الشرارة عن إبتسامة العيون وإنت بتتكلم أول مرة مع حبيبك وقلبك بيدق بصوت عالي عن إحساس بتسأل فيه نفسك ياترى هو دة النصيب! مابتبقاش عارف وقتها بيبقى هو دة النصيب ولا لأ بس لو حصل النصيب ساعتها هتاخد الشخص كدة زي مابيقولوا باكيدچ على بعضه وممكن بعدها تعيش أحلى أيام حياتك أو تعيش حياتك كقنبلة موقوتة..
وقتها صحبتي اللي لفتت إنتباهي له وهي بتسأل على حجات معينة ووقفت تسأل عامل في المحل..
_لو سحمت مافيش هنا بنتكورات وبرمودات رجالي مقاسات كبيرة ! أنا جيالكم على هنا على طول الناس قالتلي إنكم عندكم من كل حاجة مقاسات..
_إستني ياأستاذة برمودا يابرمودا تعالى شوف الزباين دول..
_إتفضلي يااستاذة بتسألي على حاجه معينة
_آه على مقاسات برمودات كبيرة لوالدي موجود
سابها وبص لي وسرح في وشي أنا لدرجة إني أتوترت وعرقت ووطيت في الأرض وبدأ يكلم صحبتي ويوريها الحاجة ومابطلش بص عليا وقررت أحرجه..
_فيه حاجة ياأستاذ!
_ آه فيه حد قدامي حاسس اني أعرفه من زمان من زمان قوي..
بصيت له بإستغراب وبصيت لزميلتي وزعقت لها عشان نمشي..
_يلا يابنتي خلصي عاوزة أمشي..
ومشينا وأنا مستغرباه إزاي بيقول انه حاسس انه يعرفني وأنا أول مرة أشوفه النهاردة
وبعد فترة طويلة..
أتقابلنا تاني بالصدفة وبدأت تحصل بيننا قصة حب وطول مدة تعارفنا كنت بشوف معاه تصرفات غريبة ومنها وقت ماجيت أعرفه على أهلي
_تقابلهم برة ليه يعني!
_عادي يعني تعالي نتقابل في مكان مفتوح أيه المشكلة يعني هو بباكي هيعترض لما تقوليله كلامي ده
_أكيد طبعا ياسيدي وهيقولي دة مش جاي دغري هو ليه بس انت مش عاوز تروح البيت
_على فكرة لما نتخطب كمان مش هروح بيتكم كتير أنا بحب أكون خفيف كدة على أي حد..
_محمد إنت غريب قوي على فكرة حاسه إنك مخبي عني حجات كتير عنك وشخص غامض كدة ولا أنا بتهيألي
محمد إرتبك وقتها وقاللي
_لأ وء وأنا هخبي إيه يعني! اصل أنا أول مرة صراحه يعني أبقى بحب وهخطب وكدة يعني..
قلتله بدهشه وأنا بقاطعه في الكلام
_بت إيه
بص لي وحسيت إنه اتكسف بس رجع وهو بيبصلي جامد وقال لي
_بحبك ياداليابحبك من أول يوم ماجيتي مع صحبتك وأنا حسيت إنك هتعوضيني عن اللي راح مني.
بصيتله وأنا مكسوفة وقلت له وخدودي إحمرت
_وأنا كمان أ ول مرة أخرج مع شاب وأكون حاسة بالسعادة دي كلها يامحمد والحمد لله ربنا بعتلي الشخص اللي مش هيكسرني ولا هيلعب بعواطفي وهيفضل معايه لبقيت العمر مش كدة ياحبيبي!
_يعني بعد ياحبيبي دي هقولك إيه! أكيد طبعا هفضل معاكي طول العمر لحد آخر نفس..
_وأنا كمان ياقلبي لحد آخر يوم..
وعدت علينا الأيام وإحنا مع بعض منتهى الرومانسية والحب كل حاجة حلوة عملهالي وكل أيامنا مع بعض جميلة لحد ماجه يوم مقابلة بابا
ووقتها قعدت أكلمه وأقوله عالحاجات اللي بابا هيتكلم فيها و قدام بابا قعدوا وبدأو يتكلمو..
_ يابني أنا هديك أغلى جوهرة عندي دي الكبيرة اللي بتمنى أشوفها متجوزة دكتور ولا مهندس لكن مش مهم الشهادات قدام الكلام اللي بتقوله هي عنك دي بتقول فيك أشعار على فكرة..
_والله ياعمي وهي أغلى عليا يمكن من نفسي وعلى فكرة مش كل حاجه الشهادات وبالناسبة أنا معايا ليسانس حقوق بس الليسانس بشغله مايفتحش بيت بفلوسه عشان كدة قررت آخد المحل دة وشغلته بقالي سنين وكلهم هناك حبايبي روح إسأل عني لو قلقان يعني..
_لا ياحبيبي مش قلقان إنت شكلك إبن ناس ومحترم وان شاء الله هتصون بنتنا ألا هما فين الحج والحجة ماجوش يعني معاك ليه
كنت واقفه ساعتها جوه وهو وبابا قاعدين في جنينة البيت بتاعنا شيفاه من شباك صغير كدة جوة الشقة ومرة واحدة لقيته بدء يعرق ويجيب ميه من كل ناحية إستغربت جامد وندهت على ماما وقلتلها
_ماما إلحقيني باين بابا زانق محمد وهاتك ياأسئله..
_ياختي سيبيه يزنقه هو يعني بيعمل عشان إيه مش لمصلحتك لما يعصره كمان
