رواية نغم بقلم الكاتبه لبنى دراز الفصل العاشر

يعنى لما تنطق حاجة غير بابا تطلقنى كدا ع طول ههههههههههههه
نغم ههههههههههههه مش انت اللى عايزه يتكلم زعلان لييييه بقى
أسيل طالق طالق سحلان ليه
طارق ههههههههههههه فاضلى طالقة كمان يا سيلو و كدا تبقى جبرت يا قلب أبوكى و ل نغم يلا يا حبيبتى أجهزى و جهزى الولاد عشان نخرج
نغم حاضر يا حبيبى
ف أوضة أحمد
حياة مقموصة .. اتأخرت ليه بقى يا سي أحمد
أحمد بتعب .. معلش يا حياتى سامحينى
حياة بأستغراب .. مالك يا أحمد فيك ايه يا حبيبى
أحمد بۏجع جواه بيحاول يداريه .. مافيش يا حبيبتى انا كويس
حياة لأ انت مش كويس يا أحمد أرجوك طمنى فيك ايه عشان خاطرى
أحمد يا حبيبتى صدقينى أنا كويس ما تقلقيش بس مصدع شوية
حياة سلامتك يا حبيبى استنى أنا معايا مسكن .. و جابت له شريط الاقراص خدلك واحدة تضيعلك الصداع ع طول
أحمد بهمس ل نفسه و لا اقراص العالم كله هتضيع التعب اللى جوايا يا حياة
حياة شافت انه بيقول حاجة بس مش سامعاه .. بتقول حاجة يا أحمد !
أحمد لأ يا حياتى ماقولتش .. و أخد منها قرص المسكن .. تسلم إيدك يا روحي .. أجهزى بقى يا قلبى و جهزى ميزو عشان هنخرج
معتز كان نايم و صحي ع صوت أحمد و نط ف حضنه .. باباااا بيبيييي
أحمد حبيبى يا ميزو صح النوم يا بطل
حياة فضل يعيط كتير لما قام الصبح و مش لاقاك و نام تانى من كتر العياط
أحمد ل معتز و دموعه بتهدد بالنزول .. هو في راجل بيعيط يا ميزو !
معتز حط إيده الصغيرة ع وش أحمد ميزو حب بابا ميزو عيط قول بابا
أحمد و بابا بيحب ميزو كتييير خالص
حياة بمرح .. اه يانا اه ياللى ما لاقية حد يحبنى اه الواد و أبوه عاملين فيها العشق الممنوع وسايبينى لوحدى أه
أحمد ضم حياة ف حضنه مع معتز و باسها من خدها هو انا ليا غيرك يا حياتى ربنا يخليكى ليا انتى و ميزو و يباركلى فيكم يارب
حياة و يبارك لنا فيك يارب يا حبيبى
أحمد طيب يلا بقى أجهزوا عشان نخرج قبل طارق ما يقيم علينا الحد
و بالفعل جهزوا كلهم و خرجوا و كانت المفاجأة اللى عاملها طارق ل نغم انهم انتقلوا من برلين ل ميونخ و وزاروا كل الاماكن الجميلة فيها و اتصوروا كتيييييير جدا و منها راحوا مدينة كولونيا و قضوا يوم ع ضفاف نهر الراين و الغابة السودا و لفوا كتير جدا و كل مكان يروحوا فيه يصمم طارق انهم يتصوروا فيديو و كمان صور فوتوغرافي و رجعوا بعد كام يوم برلين عشان يبتدى اول جلسات العلاج
ف مصر
ڤيلا العامري
رجع طارق بعد مرور شهر من رحلته اللى ماحدش يعرف عنها غير انها فسحة و بس و قابلته
غالية بأبتسامة غيظ .. حمد الله ع السلامة يا حبيبى يارب تكون انبسطت ف رحلتك
طارق بتعب خدها ف حضنه .. الله يسلمك يا حبيبتى وحشتينى اوى يا أمى
غالية و انت كمان يا حبيب ماما وحشتنى اوى و بصت ل نغم ببرود يارب تكونى ارتاحتى و انبسطتى
نغم الحمدلله يا طنط
غالية بعد ما خرجت من حضڼ طارق فتحت دراعتها ل إياد و أسيل .. حبايب أنة وحشتونى
أسيل أنة ألية بيبى غالية حبيبتى
إياد أنة بابا طالق بااااااى ماما نخم باااااى سيلووو باااااى
طارق بضحك .. يا ابنى يا حبيبى بقالى شهر بحفظك اسمى طاااارق
إياد ضحك ببراءة طااااالق ههههههههههههه
غالية بتضحك ع إياد و مش فاهمة كلامه و ل طارق بيقول ايه الولد ده
طارق بيقول هو كان بيخرج مع بابا طارق و ماما نغم و سيلو
غالية بلوى شفايفها و همس ل نفسها اه شهر بحاله بتخرج و تتفسح مع الغندورة و ناسي أمك و ل طارق شكلك تعبان يا حبيبى مالك
طارق ماليش يا حبيبتى ده بس تعب السفر و انتى عارفة بقى رحلة علمية وع طول خروج ف اماكن معمارية جديدة بنتعرف فيها ع الجديد ف مجال الهندسة المدنية و شوية ف الجامعة بندرس اخر التطورات و شوية برة الجامعة ف ما كانش فى نوم خالص
غالية بغيظ متدارى .. ايه ده بجد معلش يا حبيبى المهم تكون استفدت
طارق و هو بيقوم يطلع اوضته .. باس إيدها و راسها أستفدت كتير يا حبيبتى اسمحيلنا نطلع نرتاح شوية
غالية اطلع يا حبيبى و خد راحتك .. و بعد ما طلع طارق هو و نغم .. بنرفزة ل نفسها بقى كدا يا طارق لسة بتكدب عليا حتى بعد ما رجعت مااااشى يا طارق براحتك خليك ماشى ورا الهانم بتاعتك لما نشوف أخرتها
وليد داخل الڤيلا و شايفها متنرفزة .. مالك يا غالية مين منرفزك و معصبك بالشكل ده
غالية هيكون مين يعنى غير أخوك و الجربوعة بتاعته
وليد مالهم بس يا غوغو عملولك ايه
غالية بغيظ أخوك راجع