رواية نغم بقلم الكاتبه لبنى دراز الفصل الثالث عشر

عشان ماشوفتهاش و أنا داخلة .. إياد و أسيل رجعوا ولا لسة
شيرين رجعوا من شوية و كان شكلهم باين عليهم التعب بس طلعوا دخلوا اوضتهم وما نزلوش تانى
رغد طيب كويس هطلع أطمن عليهم
شيرين ب شك .. مالك يا رغد فيكى ايه يا حبيبتى طمنينى
رغد بحزن .. مافيش حاجة يا مامى
شيرين رغد حبيبتى انتى لو خبيتى ع الدنيا كلها مش هتخبى عليا .. قوليلى مالك شاركينى اللى جواكى يا رغد و أحكيلى مالك
رغد مش عارفة يا مامى أقولك ايه فى حاجة حصلت النهاردة ف الشركة غريبة و ما فهمتهاش
شيرين خير يا حبيبتى إيه اللى حصل و بعدين ما سألتيش باباكى ليه عشان يفهمك
رغد مش عارفة يا مامى أنا لما سألته عشان أفهم رده كان غريب جدا
شيرين أحكيلى طيب ايه اللى حصل
رغد و أحنا قاعدين بنراجع شوية ملفات خاصة بالشغل طنط نغم جات و قعدت تزعق ع بوابة الشركة عشان حارس الأمن يدخلها او بابى ينزل يقابلها و فضلت تقول كلام كتير زى انا عارفة أنك موجود انزل يا حرامى قول ولادى فين قول إياد و أسيل فين
شيرين بشرود .. جه اليوم اللى كنتى خاېفة منه يا شيرين اااااه يارب يعديها ع خير
رغد يوم ايه يا مامى اللى خاېفة منه
شيرين بأنتباه .. قوليلى يا رغد أنتى متأكدة أنها نغم يا حبيبتى
رغد أنا ف الاول ما كنتش أعرفها و لما سألت بابى قالى انها واحدة مچنونة بتيجى كل شوية تعمل شوشرة قصاد الشركة وتمشى.. بس بعد كدا لاقيتها بتقول انها نغم و أستغربت لما لاقيته بيكلم الأمن و يقولهم قولولها انه لسة مسافر و لو جات مرة تانية اطلبولها البوليس
شيرين غمضت عينيها بۏجع .. هو ده اللى انا كنت خاېفة منه طول السنين اللى فاتت 
و قامت سابت رغد ف حيرتها و طلعت اوضتها هى كمان و مش عارفة تعمل ايه اما رغد زادت حيرتها أكتر و أكتر و قررت تصبر و تشوف ايه اللى هيحصل ف الأيام الجاية
نغم بقلمى_____________لبنى دراز
انا هسيب البارت مفتوح لتوقعاتكم 
ياترى هيحصل ايه 
مين هيوصل الأول نغم و لا ولادها
ولا أحمد 
يتبع