غدر الزين بقلم مروة البطراوي الفصل السادس والعشرين

انت سمعت بنفسك ان الحمل ضعيف لان الرحم صغير جدا .
ظهرت علامات الضيق علي وجه زين حيال حالتها الصحيه وتحذيرات الطبيب لها بالراحه التامه لضعفها ولصغر سنها ...كان يود ان تبقي علي حالتها النشيطه ولكن ما باليد حيله فهذه رغبتها في ابقاء الحمل...رفع انظاره لها قائلا بصوت منخفض
خلود ...انا مش عايزك تفهميني غلط ...بس لو الحمل ده هيأثر علي صحتك اكتر من كده ...احنا ممكن
انت وعدتني ...انك مش هتطلب مني الاجهاض ...حتي لو الاجهاض ده في صالحي .
وانا مش عايز اجهضه ...صدقيني انا متمسك بيه اكتر منك ...كفايه انه منك ...بس صعبان عليا حالتك ...انتي لسه في الاول وتعبانه ...ما بالك في الاخر هتعملي ايه .
همست خلود بحب وقالت
اخيرا ...حسيت انك نفسك في ايه ...صدقني انا راح كل التعب اللي في جسمي بعد ما انت تقبلت الحمل ده .
وضع زين يدها علي راسها وفك عقده شعرها ونثره علي وجهها وقال
انا تقبلته من اول لحظه عرفت بيه ...بس المفأجاه خليتني اقول كلام مش عارف خرج مني ازاي ...وانتي كمان ماسكتيش .
عبست خلود وقالت
اسكت ليه ان شاء الله ...وانت قولتيلي اني عارفه ومخبيه ...وانا هعرف منين بقي ان شاء الله .
ابتسم زين علي تذمرها وقال
خلاص بقي يا خلود ...قلبك ابيض ...انا كنت مفكر انك زى بقيه الستات بتحسبي وكده انتي فهماني بقي .
خجلت خلود وارتبكت من كلامه وقالت
انا مش زى بقيه الستات ومبحسبش حاجه ...وبعدين هو انت كنت بتديني فرصه ...ده احنا علي طول يا بناقر في بعض ...يا بنحب في بعض .
اخذ وجهها بكلتا يديه وقال
اخيرا ...رجعتي  تعانديني تاني ...ايوه بقي كده انا اطمن عليكي ...وعادت خلود من جديد .
ابتسمت خلود بسعاده واضافت بمرح
طب ايه رايك ارجع بكل اسلحتي الفتاكه ...ارقصلك يا زين ...ولا اغنيلك في ودانك .
قال لها 
انا نفسي ترجعي ترقصي ليا ...بس عارف انه غلط عليكي ...انا هكتفي تسمعيني اغنيه من صوتك الحلو في وداني .
همست خلود في اذنه وغنت وقالت
انت بجد تجنن انت هواك محصلش
وانا وياك بطمن ليه وازاي معرفش
وياك حاسه اني ممكن انسى الدنيا وكل الناس
لا دانا شايفه اني لاقيه نفسي بسلملك وخلاص
وقلبي وخدني احبك وقلبي مبيهزرش
من اول ما قابلتك وانا مرتاحه بجد
واللي مفرح قلبي اننا لايقين على بعض
وياك حاسه اني ممكن انسى الدنيا وكل الناس
لا دانا شايفه اني لاقيه نفسي بسلملك وخلاص
وقلبي وخدني احبك وقلبي مبيهزرش
حبك غير فيا واتعودت عليه
يعني سنيني الجايه هعيشها لمين غير ليه
وياك حاسه اني ممكن انسى الدنيا وكل الناس
لا دانا شايفه اني لاقيه نفسي بسلملك وخلاص
وقلبي وخدني احبك وقلبي مبيهزرش
رفع راسها وهمس قائلا بعذوبه
قلبك ده ...بحمد ربنا انه ليا وبس ...وبحبك قد ما بتحبيني واكتر ...وقلبي كمان مبيهزرش .
وضعت يدها خلف راسه وجذبته اليها قائلا
بعدك عني ڼار ...وقربك مني شرار ...وانا في الحالتين في دمار .
قال
يااااه ...اعمل انا بقي ايه عشان حبيبتي متتدمرش ...هقول انا هقوم اخد شاور ...وهروح شركتي وانتي ترتاحي ...وربنا يصبرني ويصبرك علي فترة الحمل دي
عبست خلود وقالت بدلع طفولي
مش ناوى مرة تاخد اجازة من الشركه ...وتقعد معايا ...انا ببقي مبسوطه اوى وانا جمبك .
نظر لها بخبث وقال
طب ايه رايك تيجي معايا ...واهو فرصه اني اشوفك قدامي ...ومتبعديش عن عيني لحظه.
تذكرت ما حدث بينها وبين اسرفارتبكت وقالت
مش هينفع يا زين ...ياريت كنت اقدر ...الحمل محجم حركتي .
قال
ولا يهمك يا حبي ...طبعا انتي عارفه اني بهزر ...انتي والطفل