رواية غدر الزين بقلم مروة البطراوي

افضل عند حسن ظنك 
وقالت
انا منستش وعدي ليك وفي المكان ده من شهر وبوعدك تاني ان في خلال الشهر التاني هترجع يا زين تلاقي شركتك فوق اوى 
قائله
انا نفسي لما تقوم بالسلامه تسامحني ونبدا مع بعض من اول وجديد مع اني والله من يوم ما اتجوزتك اتغيرت علي ايديك لدرجه اني بحس نفسي بنتك 
رغم ان الوقت كان مبكرا الا ان ارهاق عمل خلود اجبرها علي النوم وما زال زين يراها في غيبوبته كطيف من الاحلام ويستمع الي همساتها ولكن مع تطور العلاج بدا يستمع الي كلمات غيرمفهومه منها ليظن انه بحلم هادئ ومتطلب بالنسبه له 
الفصل الثاني عشر
تململت خلود في الفراش بصعوبه فهناك شئ يعيقها علي النهوض لانها كانت عازمه ان تختفي من امامه فور علمها بافاقته نهضت من الفراش بفزع وظلت تنظر اليه وتلطمه علي وجهه ولكن لم يحرك ساكنا تنهدت براحه شديده توجهت الي غرفته القديمه لتاخذ حماما وترتدي ملابسها لتذهب الي الشركه قابلت الممرض في طريقها وودت ان تساله عن شئ فتنحنحت قائله
اخبار زين الصحيه ايه في تحسن ولا لسه
احمممم اقصد ينفع مريض في حاله زين يقدر يستجيب للعلاج ويفوق من الغيبوبه قبل ما العلاج يخلص
استغرب الممرض لسؤالها وقال
مش ممكن طبعا لان لازم ياخد حقن للافاقه قبلها 
رد ت عليه پخوف قائله
امتي هيبتدي ياخد الحقن دي ولا انت ابتديت تديهاله
رد عليها قائلا
حسب خطه العلاج هنبدا بيها الاسبوع الجاي 
سالته بشك قائله
ممكن لما ياخد حقنه بس يبدا يحس باللي حواليه
الممرض 
مش ممكن يا مدام 
نظرت له خلود بعدم تصديق وقالت
ولا يحس بحد جمبه او بيلمسه مثلا
شعر الممرض بذكاء خلود فرد عليها بثبات قائلا
اه لا يحس ولا يسمع 
تنهدت بارتياح وقالت
طيب شكرا تقدر تتفضل وقبل ميعاد الافاقه بيوم ولا اتنين بلغني لو سمحت 
انصرف الممرض بحزن فهو الوحيد الذي يعلم بافاقه زين وكان يريد ان يعلمها فهي تخشي مواجهه زين ولكن ما باليد حيله فهذه هي اوامر الزين 
دخل الممرض جناح زين ليجده جالسا علي الفراش ينتظره
ساله بادب
اتاخرت علي حضرتك
رد زين بهدوء عليه فالهدوء متطلبا في هذه الحاله فقال
اقفل الباب بالمفتاح وتعالي قولي ايه اللي اخرك 
اغلق الممرض الباب وذهب الي زين بكل احترام وقال
خلود هانم قابلتني برا وسالتني اذا كان ممكن حضرتك تستجيب للعلاج بسرعه ولا لا وامتي حضرتك هتفوق وضرورة اني ابلغها قبل ما تفوق 
ظل زين يحدث نفسه ويلومها علي فعلته هذا الصباح لانه سرب القلق اليها ولكن لماذا تسال متي الافاقه هل تود فعل شئ قبلها ولماذا ضرورى ابلاغها قبل ميعاد الافاقه 
انتبه الممرض علي شرود زين لان التفكير في هذه الحاله يرهق العقل فاسرع قائلا
كلام حضرتك اتنفذ بالمللي هيا معرفتش حاجه ولا هتعرف ان شاء الله 
هز زين راسه وقال
شكرا ومعنتش عايزك تقف تتكلم معاها حتي لو هيا طلبت منك كده
ثم نظر له بسخريه قائلا
ومتتعبش نفسك وتدور هيا بتروح فين كل يوم لاني عرفت 
دخلت خلود الي غرفه زين القديمه لتاخذ حماما وترتدي ملابسها ولكنها ارادت الحديث مع احد ودت ان تتحدث لياسمين ولكنها خشت ان تسخر منها فعزمت امرها ان تتحدث الي خليفه
هاتفته واطمأنت عليه وطمأنته علي حالتها وسردت له ما حدث في جناح زين
خليفه انا حاسه انه فاق والممرض بېكذب عليا 
احس خليفه بتوتر وقلق خلود فاراد تهدئتها قائلا
الممرض ده قريب امي واستحاله زين هيفوق ومش هيروح يقول لها وفي الحاله دي هتبعدك عنه مش هتسيبك تروحي له بالنهار وبعدين بتروحي له ليه طالما خاېفه معنتيش تروحي له 
بكت خلود وقالت
ما اروحش طب ازاي البصه ليه بقت النفس اللي بتنفسه 
اطمئن خليفه من ناحيه خلود وحبها لزين وحاول التخفيف عنها قائلا
طب كفايه عياط بقي وركزى في الصفقه الجديده مش عايزين نخسرها علشان لما يفوق يسامحك 
تنهدت وقالت
حاضر يا
خليفه
ولكنها توقفت وابتلعت ريقها بمرارة
خليفه تتوقع زين ممكن يعمل فيا ايه لما يفوق
ثم تحدثت پخوف وقالت
ممكن يطلقني
حاول خليفه تهدئتها قائلا
اللي عاوزه ربنا هيكون يا خلود
تخطت هذا الموضوع وتحدثت بجديه قائله
ايه اللي هيحصل في الصفقه الجديده
ظهرت معالم الاستياء علي وجه خليفه وحاول الا يصدمها بالخبر فقال
انتي لازم في الصفقه دي يكون في تعامل بينك وبين شهيرة وحازم وعمي شرف 
نظرت له پصدمه وقالت
يعني هتعامل مع حازم
رد خليفه بتوجس من رده فعلها وقال
يعني مش بالظبط كده هيكون مع شهيرة اكتر 
ڠضبت خلود من قرار خليفه وقالت
خليفه انا ياسمين هانم شغلتني في الشركه علشان لا شهيرة ولا حازم ولا شرف يدخلوها تيجي انت بكل بساطه تقولي لازم يكون في تعامل ما بينا
خليفه حاول اخماد ثورتها فقال
للاسف الصفقه دي بالذات مجبورين يكونوا معانا ويا نكسبها سوا يا نخسرها سوا لان لا شركتنا ولا شركتهم تقدر تدخل لوحدها والقرعه رست علينا وعليهم في ورقه واحده ولو مدخلناش