العرافه
ووجدت زوجه ابيها ( نسرين ) تجلس تشاهد التلفاز
نظرت لها نسرين عندما دخلت لطيفه عليها الغرفه
نسرين بضيق من وحود لطيفه فهى لا تحبها ترى ان زوجها فرضها عليها وأنها غير ملزمه بها "إيه ده ايه اللى جابك بدرى كده
صدمت نسرين من رد لطيفه بذلك البرود - نعم ياختى يعنى ايه سبتى الشغل ومشوكى ليه
مازالت لطيفه على نفس الوضع "عملت مشكله مع واحده زميلتى واه صحيح انا فركشت خطوبنتى "
-لأ يا نسرين سمعتى صح وصح أوى كمان واعملى حسابك إن من بكره انا هاخد نصيبى من معاش ابويا ولو فكرتى تعترضى صدقينى مش هيحصل كويس
لطيفه فقت من القرف فى الشغل وانتى قاعده قدام المروحه بتتفرجى على التلفزيون كلامى مش هعيده تانى واه مش هنزل بعد كده غير شغل يليق بيا
ارادت لطيفه رد لها الصاع صاعين "البايره دى اللى اتجوزت واحد اكبر منها ب ٢ سنه مش انا ومالكيش دعوه اتجوز متجوزش شئ مايخصكيش
اقتربت نسرين بغيظ من لطيفه وارادت ضربها لكن لطيفه دفعتها للخلف
وقفت نسرين متعجبه من حديث لطيفه اتلك هى لطيفه التى كانت تعاقبها على أتفه الاشياء من وراء تلك القوه يجب أن اتأنى جيدا فى التعامل معها أنا لا اعلم من أصبح يدعمها
حسنا اذا سأجرب واقدم للعمل فى بعض الشركات الكبرى يمكن أن يكون الحظ بدأ يحالفنى
قدمت لطيفه فى عده شركات وعندما كانت تقوم بالمقابله كانت تتحدث بثقه كبيرة
وبالفعل تم قبولها فى شركه من الشركات التى قدمت بها
علمت نسرين من لطيفه أنها توظفت فى شركه كبيره مما ذاد الشك داخلها بخصوص لطيفه انها تعرفت على أحد الشخصيات الهامه
قامت نسرين بالاتصال على ابنتها نورين
نورين فتاه لا تفضل المشاكل فتاه سلبيه تتعامل مع لطيفه كصديقة لها لكنها لم تدافع عنها ولطيفه تعلم ذلك فتسلط نسرين عليها جعلها ذات شخصية مهزوزه
اجابت نورين على والدتها
- الو يا نورين يا حبيبتي عامله ايه
- الحمد لله يا ماما إنتى عامله ايه
-مقهوره شفتى البت لطيفه اشتغلت في شركه كبيره
-طيب مبروك انتى زعلانه ليه كده مرتبها أكيد هيكون احسن
- مش ده اللى قاهرنى اللى قاهرنى ردها عليه كلمه بكلمه وبقت تتحدانى اقطع دراعى من هنا لو مكانت عارفه حد وماشيه معاه وهو اللى مقويها وجايبلها الواسطة عشان تشتغل
- مايمكن خطيبها
نسرين بتريقه "سابته ياختى "
- بصى يا ماما أنا رأيى سبيها فى حالها عشان تعرف تجهز نفسها وتبعد عنك وتسبلك الشقه ولو زى مابتقولى واحد واصل يبقى كده لطيفه مش هتطالبك بحاجه
نسرين يارتنى ماتصلت بيكى انا بكلمك عشان احړق دمى بقولك ايه كلميها وحاولى تعرفى اخبارها وتعالى بلغينى باللى عرفتيه وأنا الفترة دى هتجنب المشاكل معاها
-فكرى بس فى كلامى واوزنيها
اغلقت نورين مع والدتها واتصلت بلطيفه كى تهنئها
رأت لطيفه شاشه الهاتف تضئ برقم اختها فإبتسمت لأنها متأكدة من أن نسرين هى من ارسلتها فأجابت لطيفه على الهاتف
