رواية نغم بقلم الكاتبة لبنى دراز الفصل الاول
دماغه بمعنى أيوا .. و من حسن حظك هتدخل تلاقيها ف وشك ع طول
أحمد بتهريج .. ده أحنا ليلتنا فل بالصلاة ع النبي .. وسع يا أبنى لما ندخل نعاين قصدى ندخل المحاضرة ههههههههههههه
طارق ربنا يهديك يا أحمد مش هترجع أنت الا لما تتعلق و تتدبس ف واحدة من اللى بتعاكسهم دول
أحمد حط أيده ع كتف طارق شوف يا طاروقة البنات دول عاملين زى طبق الحلويات المشكلة ايش فهمك انت بس
طارق بذهول .. طبق حلويات !! يخربيت تشبيهك
أحمد ده أحلى تشبيه يابنى و الله .. أسمع بس دلوقتي انت لو قدامك طبق حلويات و هتاخد منه حتة كنافة هتكتفى و لا هتدوق حتة جلاش كمان طب دوقت الجلاش معقول هتسيب الطبق من غير ما تدوق الزلابية و لا تدوق البسبوسة و يا روحى ع البسبوسة طرية كدا و دايبة ف العسل دوووب و لا صوابع زينبو يا لهوييييى عليها ههههههههههههه
ف المدرج
نغم و حياة دخلوا المدرج و قعدوا برضوا ف اول بنش مستنيين الدكتور لما يدخل و قالت
حياة لما نشوف سى المعتذر ده شكله ايه
نغم يا بنتى انتى انا عايزة افهم بس شكل الدكتور هيفرق معاكى ف ايه يعنى
حياة أكيد طبعا يفرق يا فالحة لو كان فرفوش كدا و بيحب يهزر هناخد منه المعلومة كدا و تلزق ف النافوخ ع طول اما لو كان زى المز ابو رجل مسلۏخة ده هستخبى منه و الله المستعان عليه بقى
و شوية و هى لسة بتتكلم شافت باب المدرج اتفتح و دخل منه أحمد و اول ما شافها غمزلها من غير ما حد ياخد باله
نغم بنفس الهمس .. ياريت تتلمى بقى ده تانى دكتور تقفشى معاه أبوس أيدك عايزين نخلص تعليمنا بسلام و ناخد البكالوريوس من غير ما نشيل سنين الله يخليكى
حياة الله بقى وانا مالى مش هما اللى واحد فيهم عامل فيها عبده المهم و التانى زى الفرقع لوز بيتنطط ع أجله و أخره شكله كدا هياخد بالشبشب
نغم و عينيها ع أحمد .. طيب اسكتى بقى عشان الدكتور ما ياخدش باله زى دكتور طارق و يطردنا هو كمان
أحمد و عينيه ع حياة ابتدا يخبط بالقلم ع الترابيزة اللى قدامه .. انتباه من فضلكم صباح الخير ف الاول كل سنة و انتوا طيبين عام دراسى سعيد عليكم ان شاء الله انا طبعا قبل ما أعرفكم بنفسى و أتعرف عليكم عايز اعتذرلكم انى ما قدرتش أكون موجود معاكم أمبارح بس ان شاء الله هكون معاكم ع مدار السنة و هنتقابل يومين ف الأسبوع ب مادتين و طبعا المادتين مكملين ل بعض و دلوقتي أعرفكم بنفسى و طبعى قبل ما نبتدى المحاضرة
أحمد خد باله من حياة و قبل ما نغم ترد قالها بجدية .. ممكن تقفى لو سمحتى
حياة بتسأل و هى بتشاور ع نفسها .. أنا
أحمد بجدية .. أيوا أنتى ممكن تقفى
حياة وقفت بزهق أفندم يا دكتور
أحمد ممكن أتعرف عليكى
حياة نعععم !!!
أحمد أتخضيتى ليه عايز أعرف اسمك ايه
حياة أسمى حياة محمد أبوضيف
أحمد طيب يا حياة شايفك من وقت ما دخلت و انتى بتتكلمى كتير و ملامحك بتقول انك معترضة ع كلامى
حياة أبدا يا دكتور مش معترضة و لا حاجة ثم حضرتك لسة ما قولتش حاجة يعنى عشان اعترض عليها
حياة أسفة يا دكتور مش هتتكرر و هى بتقعد .. جواها كل واحد راسم نفسه عشان دكتور طب و دينى لا ابقى دكتورة أنا كمان و أرسم نفسى زيكم بس ها
أحمد ابتدا يعرف نفسه .. أنا أحمد الاسيوطى بيقولولى صديق الطلبة لانى بحب اقعد
