رواية نغم بقلم الكاتبه لبنى دراز الفصل الثاني
لو تحبوا تبتدوا من دلوقتي مافيش مانع
نغم معلش لو ممكن بس من أول الشهر
وليد تمام مافيش مشكلة .. بس ليه
حياة لغاية بس ما نصفى حسابنا من المكتبة اللى شغالين فيها
طارق خلاص يا وليد جهزلهم العقود و خلص كل الورق خليهم يمضوه و كلها اسبوع ع اول الشهر
وليد ماشى كلامك يا طاروق و رفع سماعة المكتب وفاء تعالى و حط السماعة
طارق قام وقف قبل ما تدخل وفاء انا رايح مكتبى و ل نغم و حياة قبل ما تمشوا عدوا عليا
نغم و حياة حاضر يا دكتور
وفاء دخلت أفندم مستر وليد
وليد خدى الانسات جهزي لهم عقود تعيينهم و نزليهم شئون العاملين و خليكى معاهم لغاية ما يخلصوا كل الورق و يمضوه و هاتيه امضى عليه
وليد وفاء أعملى حسابك انهم هيبقوا معاكى ف المكتب من اول الشهر وانتى اللى هتدربيهم
وفاء تمام يا مستر ما تقلقش .. بعد أذنك
و بالفعل نغم و حياة خلصوا ورق تعيينهم ف شركة العامري وبعدها عدوا ع طارق و شكروه و مشيوا مبسوطين بشغلهم الجديد
ف الحارة
نغم و حياة رجعوا اوضتهم بعد ماخلصوا مشوارهم ف شركة العامري و كملوا يومهم ف المكتبة و قابلتهم
أم أبراهيم حمد الله ع السلامة يا بنات
حياة الله يسلمك يا أم أبراهيم يا چلدة
أم أبراهيم بزعل بقى كدا يا حيات بتشتمينى و انا قد أمك اخص عليكى
حياة بغيظ .. لأ اقصد بقى و بعدين انا اسمى حياة مش حيات ركزوا بقى ف نطق الاسم
نغم ل حياة ما تتلمى بقى شوية مش هفضل أمشى ألم من وراكى
أم أبراهيم نصيبك يا نغم يا بنتى تبقى حيات أختك سبحان الله البطن قلابة
حياة بغيظ ..شوووف برضوا الولية .. يا ولية انتى اييييه مابتفهميش ما قولنا اسمى حياة حياااااااااة ب الته المربووووطة ياختي
أم ابراهيم الله و انا مالى مربوطة و لا مفكوكة هو انا هناسبها
حياة هتناسبيها ! والله ما فيه حد مفكوك غيرك و محتاجة ربط ل صواميل مخك أخلصي يا ولية راجعين من الشغل تعبانين و لسة عندنا مذاكرة .. معطلانا ليه خيييير
نغم بأستغراب .. قريبنا !! ما قالش مين
أم ابراهيم معرفش يا نغم يا بنتى هو قال انه عمك باين كدا أسمه محسن الهلالى
حياة بذهول .. يالهوى عمو محسن عرف مكانا ازاى ده
نغم مش عارفة تعالى نطلع نشوف فى ايه و ل أم ابراهيم .. شكرا يا خالتى بعد أذنك و سابوها و طلعوا
أم ابراهيم أذنك معاكى يا حبيبتى
و بالفعل طلعوا السلم جرى يشوفوا عم نغم جاى ليه و اول ما شافوه
نغم بتوتر .. ازيك يا عمى
محسن بسعادة مصطنعة .. نغم بنت اخويا وحشتينى يا حبيبتى طمنينى عنك
محسن كدا برضوا يا نغم تدوخينى عليكى المدة دى كلها .. ليه ما عرفتنيش مكانك لما اتخرجتى من المدرسة
حياة قعدت قصاد نغم و عمها ربعت رجلها فوق الكنبة اللى ع السطوح برة الاوضة و شبكت صوابع إيدها الاتنين ف بعض و حطيتهم تحت دقنها و بتراقب تعبيرات وش محسن و ساكتة
نغم ل محسن .. أعتقد يا عمى قبل ما أخرج من المدرسة المديرة اتصلت بحضرتك تبلغك انى خارجة قولتلها انك مسافر و مش هترجع دلوقتي
و أضطريت أخرج انا و حياة و دورنا ع سكن لغاية ما لاقينا الاوضة دى و قعدنا فيها
محسن كنت مسافر يا حبيبتى و أدينى رجعت و بعدين طنطك منال هتتجنن عليكى و نفسها تشوفك يا نغم
حياة بهمس لنفسها .. يا حرام تصدق صعبت عليا يا مسيء أفندى انت
نغم بأستنكار .. طنط منال هتتجنن عليا ازاى يا عمى .. و هى اللى خليتك تدخلنى مدرسة داخلية بحجة ان ماينفعش أعيش معاكم وسط الصبيان
محسن خاڤت عليكى يا حبيبتى انك تكبرى وسط الولاد و ما تعرفيش تاخدى راحتك خصوصا انك عارفة ما عنديش بنات
يعنى كنتى هتبقى لوحدك
نغم خاڤت عليا و لا
