رواية نغم بقلم الكاتبه لبنى دراز الفصل الثاني

خاڤت مني ع ولادها يا عمى و بعدين لو زى ما بتقول حضرتك .. عشر سنين و انا ف المدرسة مافيش مرة فكرت تيجى تزورنى و لا حتى تتصل تطمن عليا
محسن خلاص بقى يا نغم انسي يا حبيبتى ما يبقاش قلبك اسود و تعالى عيشي معايا
حياة بنفس الهمس .. يا حنييين ده ايه الحنية اللى طفحت عليك مرة واحدة دى و جواها خاېفة نغم توافق انها تروح مع عمها
نغم ل محسن أسفة يا عمى ما أقدرش اجي اعيش مع حضرتك و أسيب حياة لوحدها ده غير ان البيت قريب من الجامعة و الشغل ف معلش سامحنى مضطرة ارفض طلبك
محسن بحزن مصطنع .. شغل ايه بس يا نغم يا بنتى سيبي الشغل ده و شوفى عمك هيعملك ايه .. أنا مش هخليكى محتاجة حاجة و ان كان ع كليتك هنقلك ف جامعة قريبة و اخواتك يوصلوكى كل يوم بالعربية
حياة بذهول بنفس الهمس .. بنتك! و ده من أمتى يا مسيء أفندى 
نغم معلش يا عمى سامحنى انا خلاص رتبت أمورى هنا و مش هينفع 
اتنقل من الجامعة و لا اسيب الشغل
محسن ده أخر كلام عندك يا نغم
نغم أيوا يا عمى ده أخر كلام
محسن ماشى يا نغم انا ماشى بس افتكرى انى جيتلك يا بنت أخويا سلام .. و هو ماشى
حياة ما تقعد تشرب حاجة يا عمو
محسن مشى من غير ما يرد ع حياة
نغم بدموع .. انا كنت أرتاحت ليه بس افتكرنى ليه دور عليا
حياة اقولك حاجة ابت انغم بس بطلى عياط الاول شالله يخليهملك
نغم و هى بتمسح دموعها .. قولى يا حياة عايزة تقولى ايه
حياة عمك ده مش سالك .. طقم الحنية اللى بيرشه ده وراه إنة
نغم ليه بتقولى كدا يا حياة
حياة امممممم أحساسى بيقول كدا .. و قامت وقفت و حطت إيدها ورا ضهرها و بتلف حوالين نغم .. تعبيرات وشه باينة اوى ان وراه حاجة بس ايه هى بقى الحاجة دى الله أعلم
و بالفعل فضلت نغم طول الليل بالها مشغول ب عمها و ايه اللى فكره بيها
نغم بقلمى______________لبنى دراز
طارق تتجوزينى
نغم.........
يتبع