رواية نغم بقلم الكاتبه لبنى دراز الفصل السابع

حد نكد عليك
طارق بسعادة .. يعنى يا غوغو عريس و معايا عروستى حبيبتى و مش هنبسط أكيد يا قلبى طبعا انبسطت جدا كمان
نغم بتوتر .. بتمد إيديها تسلم ع غالية .. أزى حضرتك يا طنط
غالية ببرود من غير ما تمد إيديها .. أهلا
نغم حست بأحراج و بصت ف الارض و سكتت
طارق اخد باله من الموقف .. و نده ع هنية
هنية جات جرى .. تحت امرك يا دكتور
طارق لو سمحتى يا هنية وصلى نغم ل اوضتى فوق
هنية حاضر يا دكتور و ل نغم اتفضلى يا ست العرايس يادى النور يادى النور و مشييت بالفعل مع نغم توصلها ل أوضة طارق
طارق استنى بعد ما نغم طلعت مع هنية و ل غالية .. و بعدين يا أمى 
غالية وبعدين ايه يا طارق
طارق معاملتك ل نغم يا امى
غالية و مالها معاملتى يا دكتور مش عاجباك ف ايه
طارق بكل ود مسك إيد غالية .. يا حبيبتى أرجوكى اعتبريها بنتك و أدى نفسك فرصة تشوفيها زى ما انا شوفتها صدقينى هتحبيها
غالية بتكبر .. أكتر من كدا ما تحلمش يا طارق .. مش كفاية انى هسمح لها تعيش هنا ف الڤيلا

طارق ف الحالة دى أنا أسف أقولك أنى كدا مضطر أخدها و نروح نعيش ف شقتى
غالية بحزن و تسيبنى يا طارق تسيب أمك اللى بتحبك و قلبها عليك عشان خاطر مراتك
طارق أنتى اللى هتخلينى أعمل كدا يا أمى .. نغم مراتى و كرامتها من كرامتى لو مش هتتعامل كويس هنا يبقى من الأفضل اننا نمشي و نعيش بعيد
غالية للدرجة دى البنت دى عملتلك غسيل مخ و قدرت تأثر عليك
طارق بنفاذ صبر .. ياااا أمى يااا حبيبتى نغم أبسط من كدا بكتير .. هى مش من البنات اللى بتلاوع ف الكلام نهائى بالعكس هى انسانة واضحة و كفاية أنى بجد بحبها و شايف راحتى وسعادتى معاها أرجوكى يا ماما لو فعلا مش عايزانى أمشي من هنا عاملى نغم كويس من فضلك
غالية بأبتسامة .. حاضر يا طارق عشان خاطرك بس يا حبيبى .. و جواها صبرك عليا يا اللى اسمك نغم ان ما خليتك تكرهى اليوم اللى شوفتى فيه طارق ما ابقاش اسمى غالية السواح
_______________________
ف شقة محسن الهلالى
بعد كام يوم قاعدة منال هتتجنن مش قادرة تستحمل العيشة اللى هى فيها و مش طايقة اى حد يكلمها و فجأة رن جرس الباب و فتحت و شافت
سامى داخل البيت مبسوط .. خلاص يا ست الكل .. كل حاجة هتتحل و نرجع زى ما كنا و أحسن
منال بغيظ .. شايفاك مبسوط خييير و ايه هو اللى هيتحل ده
سامى بأنبساط .. احنا كنا بنراقب مييين
منال أخلص يا سامى اتكلم ع طول مش بحب الالغاز
سامى يا ستى نغم رجعت م السفر من يومين و لغاية دلوقتي لسة ما خرجتش من الڤيلا هى و جوزها يعنى 
لو عايزة تروحى و تكلميها و لا حتى ن خ طفها و نساومه عليها انا تحت أمرك
منال بسعادة .. بجد يا سامى رجعت و ندهت محسن محححسسسن يا محسن
محسن خرج من اوضته اللى حابس نفسه فيها طول الوقت .. بزهق عايزة ايه يا منال خير
سامى كل خير يا بابا نغم رجعت من السفر .. دلوقتي ممكن نروحلها و نقنعها ان جوزها يسدد باقى الديون اللى علينا و لو رفضت نخ ط فها و نساوم عليها جوزها
محسن انت أكيد اټجننت .. ده مستحيل يحصل ابدا احنا لو فكرنا بس نقرب منها جوزها مش هيسكت و طالما راجل أعمال أكيد له معارف كبيرة تساعده لو طلب منهم مساعدة
منال بنرفزة .. و أحنا كمان مش قليلين يا محسن و أكيد معارفنا أكتر
محسن يا حبيبتى دلوقتي المعارف مع اللى موجود ع الساحة و أحنا أشهرنا أفلاسنا و كل الناس بعدت عننا
منال بغيظ قصدك ايه يا سي محسن
محسن قصدى يا منال ان كل المعارف و الناس اللى كانت حوالينا كانت موجودة عشان مصلحتها و بس ولما فلسنا خلاص بعدوا و لو فكرنا مجرد تفكير نتصل بحد منهم هيقفل موبايله ف وشنا
سامى ولا يهمك يا