رواية نغم بقلم الكاتبه لبنى دراز الفصل السابع

بابا ان شاء الله لما كل حاجة ترجع زى الاول كلهم هيرجعوا تانى يترموا تحت رجلينا .. المهم انتم روحوا ل نغم و اتكلموا معاها الاول و شوفوا هتقول ايه
و فعلا محسن و منال قرروا يروحوا ل نغم الڤيلا عشان يخلوها تسدد لهم باقى الديون
_____________________
ف ڤيلا العامري
قاعدة غالية مع وليد و شيرين و طارق و نغم ف الجنينة الخلفية للڤيلا و فجأة دخلت
هنية نغم هانم فى ناس عايزين حضرتك برة
نغم بأندهاش .. ناس عايزينى أنا !
هنية أيوا يا هانم
طارق ما قالوش مين يا هنية
هنية لأ يا دكتور كل اللى قالوه انهم عايزين يقابلوا الست نغم
طارق طيب روحى يا هنية دخليهم الصالون و شوفيهم يشربوا ايه و أحنا جايين وراكى
غالية بتليقح .. اهو ابتدينا و الاوباش عرفوا طريق الڤيلا
طارق و هو بيقف عشان يدخل يشوف الناس اللى جاية .. بص ل غالية و سكت و ل نغم تعالى يا حبيبتى نشوف مين عايزك يمكن تكون حياة و احمد
نغم قامت و دخلت مع طارق و هى ساكتة
طارق وهما داخلين الڤيلا .. ماتزعليش من ماما يا نغم هى بس لسة مش قادرة تقبل فكرة أنى اتجوزت من وراها معلش اتحملى شوية لغاية ما تعرفك كويس
نغم بۏجع جواها .. ما تقلقش يا حبيبى هى زى أمى و عمري ما هزعل منها بالعكس انا مقدرة موقفها و عارفة ان اى ام مكانها هتعمل كدا
طارق وقف و باس جبينها .. ربنا يباركلى فيكى يا أجمل نغم ف حياتى
نغم يارب يا حبيبى و مايحرمنيش منك ابدا تعال بقى نشوف مين
و بالفعل دخلوا الڤيلا و شافوا ف الصالون محسن و منال
نغم بخضة .. عمى !!
محسن بجمود أيوا عمك يا ست نغم ايه ماكنتيش متوقعة اننا هنعرف طريقك و لا ايه
طارق بنرفزة خيييير 
منال ببرود .. كل خير يا دكتور احنا جايين عايزين مهر بنتنا او تدينا بنتنا وأحنا نديها للى يقدرها و يدفع مهرها
طارق ب غ ض ب .. أننننتى عاااارفة لو ماكنتيش واحدة ست كنت عرفت أربيكى كويس بس للاسف ما اتعودتش أمد أيدى ع ستات
نغم انتوا عايزين مني اييييه أرحمونى بقى و سيبونى ف حالى حرام عليكم
منال حراااام علينا أحنا يا نغم .. و انتى مش حرااام عليكى لما تبقى عايشة ف العز ده كله و سايبة عمك غرقان ف ديونه ايييه مافيش رحمة خالص فين حقه عليكى و صلة الرحم اللى وصاكى بيها ربنا
طارق بص لها بأندهاش و قبل ما يرد قاطعته
نغم ضحكت بۏجع و دموعها أصدق رد ع حالها .. صلة الرحم !! اللى هى فييين صلة الرحم دى اللى تخلي عم يرمى بنت أخوه اليتيمة و هى عمرها 8 سنين ف المدارس الداخلية من غير ما يسأل عليها ولا مرة .. فييين صلة الرحم دييييي اللى تخليه ما يفتكرش ان ليه بنت أخ غير لما وقع و فلس و ياريت افتكرنى عشان ندماااان انه سرقنى و أخد بيت بابا باعه .. لأ ده أفتكرنى عشان يبيعنى للى يدفع أكتر عشان يسدد ديونه
طارق ل نغم و هو بيمسح لها دموعها .. أهدي يا حبيبتى و ل محسن أنا قولتلك قبل كدا لو فكرت مجرد تفكير انك تقرب ل مراتى هيكون لى معاك تصرف ما يعجبكش
و برضوا ماسمعتش كلامى تمام
منال بزعيق .. أسمع يا دكتور احنا مابنت هد دش و مش هنمشى من هنا غير بحاجة من اتنين أما ب شيك ب 10 مليون أو بورقة طلاق نغم قولت ايه
غالية دخلت ورا طارق عشان تعرف مين الناس اللى جاية ل نغم و فجأة .. ل طارق هما دول الناس اللى ناسبتهم .. هو ده النسب اللى يشررررف يا دكتوووور و هى بتشاور ع نغم قوولتلك البنت دى طمعانة فيييك ماصدقتنيش أهوووو ظهرت نواياها و اهلها دول و لا الله أعلم يمكن مأجراهم عشان تستغلك و تاخد فلوسك
نغم بأنهيار ل عمها عااااااجبك كدا انت السبب ف كل اللى انا فييييه ده لو ماكنتش رميتنى زمان و حتى لو كنت سيبتنى ف حالى دلوقتي ماكانش طارق أتجوزنى