رواية نغم بقلم الكاتبه لبنى دراز الفصل الثامن
الله الأسمين أحلى من بعض إياد و أسيل خلاص يا أم إياد ماشى كلامك و يارب يارب يطلعوا توأم ولد و بنت
نغم يارب يا حبيبى يكتبلك اللى ف نفسك .. تؤ بس اتنين يا روقة و انا لوحدى كتير عليا
طارق بتمني .. يارب بس يرزقنا بالتوأم و أنا مش هسيبك لحظة و شرد بخياله و أتكلم بلاوعى .. مش هسيبك لحظة واحدة من وقت ما تولدى هنربيهم سوا ساعة بساعة و يوم بيوم و هيكبروا قصاد عينينا و نوديهم سوا المدرسة و أنتى تغيري من أسيل عشان هتبقى عايزة يتجوزوا و يوم فرحهم بقى هنبقى كبرنا بس هتفضلى أجمل نغم ف حياتى و ساعتها هعملك فرح تانى و أجيبلك فستان أبيض تانى و نعمل عرسان و نجدد شبابنا و نغيظهم .. ياااااه يا نغم أمتى ييجى اليوم ده خاېف أوى ما أشوفش اليوم ده
طارق بأمل .. يااارب يا حبيبتى .. يلا بقى نامى عشان انتى تعبتى النهاردة ولازم ترتاحى
و بالفعل نامت نغم من كتر تعب اليوم و طارق قعد جنبها يفكر ف اللى جاى لغاية ما غلبه النوم و نام و هو قاعد مكانه
ف شقة أحمد
بعد ما رجع من المستشفى هو و حياة اتصل بوالدته يبلغها بخبر الحمل
أحمد بسعادة .. الوووو يا أم أحمد يا قلب أحمد من جوة
أحمد زغرطى يا سوسو و طبلى و أرقصى بسرعة يلا و لا أقولك أزغرطلك أنا و انتى زغرطى معايا .. لولولولولى
سعاد بأندهاش .. مالك يا قلب أمك فيك ايه صوتك فرحان فرحنى معاك
أحمد بفرحة خلااااص يا قلب أبنك هتبقي تيتااااااا و قريب هتشيلى حفيدك بين إيدك يا أم أحمد
سعاد بفرحة .. و النبي بجد !! اتكلم يا واد قووول بجد والنبي مراتك حامل
أحمد و الله بجد يا أمى حياة حامل و كلها كام شهر و تشيلى معتز بين إيديكى يا حبيبتى
سعاد مبروك يا ضنايا ربنا يكملها بخير يا حبيبى إدينى حبيبتى أباركلها و أطمن عليها
حياة أخدت الموبايل من أحمد .. الوو ايوا يا ماما
سعاد مبروك يا قلب أمك ربنا يكملك حملك بخير يا ضنايا و تقومى بالسلامة
حياة بخجل .. الله يبارك ف حضرتك يا حبيبتى .. يتربى ف عزك و خيرك يارب
سعاد اسمعى يابت يا حياة انتى من هنا و رايح مش هتقعدى ف شقتك من بكرة تيجى و تجيبى هدومك انتى و أحمد و تييجوا تعيشوا معانا هنا لغاية ما تقومى بالسلامة و تشدى حيلك كدا فاهمة و لا لأ
حياة بضحك و فتحت الاسبيكر .. يالهههوى يا ماما ده كان سيادة السفير يجرى ورانا .. ده تلاقيه ما صدق ان أحمد مشي و سابله الاوضة هيرجع تانى و معاه بلوته كمان ههههههههههه
أحمد بضحك ل حياة و امه ع الموبايل ع فكرة بقى انا اللى ما صدقت خلصت منه و من شخيره ههههههههههه مش عارف انا دبلوماسي ازاى ده بالسيمونية اللى بيعملها كل ليلة و هو نايم هههههههههه
سعاد بس يا واد مالكش دعوة ب أسر و أسمع الكلام و هات مراتك وتعالى يلا هستناكم
أحمد لأ ياست الكل خدى راحتك ف اوضتك و سيبى أسر براحته و ماتخافيش ع حياتى هعرف أخد بالى منها و لو تعبت اوى هبعتلك تيجى او أجيبهالك
سعاد أسمع الكلام يا أحمد ما تتعبش قلبى معاك مراتك لسة ف اول حملها و ده حاجة جديدة عليها و محتاجة رعاية
أحمد صدقينى يا أمى انا قادر أراعيها مټخافيش عليها بس يلا انتى شدي حيلك و حضري حاجة معتز باشا زى ما وعدتينى قبل ما اتجوز
سعاد من عينى يا حبيبى انا عيونى ل معتز و أبو معتز و ام معتز بس انت خلاص يعنى قررت انه ولد و اختارت اسمه كمان
أحمد اومال انتى فاكرة أبنك أى حد أحنا بعون الله نشوط ف المرمى نجيب الهدف ع طول و بكرة أفكرك يا أم أحمد و هتكونى أول أيد تشيله أن شاء الله
سعاد ربنا يديلك اللى ف نفسك يابنى يارب و يسعدك يا حبيبى
أحمد و يسعدلى قلبك يا ست
