رواية نغم بقلم الكاتبه لبنى دراز الفصل الحادي عشر

زى ما انت شايف بسلى نفسى
وليد إيه رأيك ف رحلة 15و لا 20 يوم كدا ف إيطاليا نتفسح و نلفها كلها
شيرين بأستغراب .. ده بجد !
وليد ايه يا حبيبتى مالك استغربتى ليه .. أه بجد
شيرين من أمتى القرارات المفاجأة دى يا وليد
وليد مش قرارات مفاجأة و لا حاجة يا روحي ما هى دى المفاجأة اللى قولتلك عليها من فترة كنت بحضر لها
شيرين ليه برضوا
وليد يا حبيبتى انتى شايفة غالية نفسيتها تعبانة بعد م وت طارق و كلنا تعبنا كتير بعده قولت نطلع نغير جو شوية برة و نرجع و كدا كدا الشركة هتابعها من خلال النت يعنى ماعنديش مشاكل ظبطت كل الامور خلاص
شيرين طيب كويس و السفر أمتى
وليد بكرة الفجر
شيرين پصدمة .. ايه ! بكرة الفجر أزاى ! انا كدا مش هلحق أحضر الشنط
وليد يا حبيبتى خدى حاجات خفيفة ليكى و ل الولاد و الباقى نبقى نشتريه من هناك
شيرين هى نغم هتيجى معانا و لا ايه
وليد لأ يا روحي مش هينفع اولا نغم لسة ف عدتها ماينفعش تسافر ثانيا انتى عارفة العلاقة بينها و بين ماما متوترة ف خليهم يبعدوا عن بعض شوية الاتنين هيرتاحوا .. يلا بقى يا قمر قومى جهزى الشنط و انا هروح اشوف غالية خلصت و لا لسة و انزل اشترى شوية طلبات لزوم السفر
شيرين حاضر
و بالفعل قامت شيرين جهزت الشنط ليها هى و وليد و ل ولادها و استغلت فرصة ان وليد مش موجود و راحت ل نغم
ف أوضة نغم
قاعدة ف اوضتها و طلبت من هنية لبن ل ولادها و عصير ليها و اخدت ولادها ف حضنها و بتحكيلهم عن طارق و قد ايه كان حنين جدا عليهم و فجأة سمعت خبط ع الباب و أذنت
شيرين سمعت الأذن و دخلت .. و بابتسامة مساء الخير يا نغم
نغم بنفس الابتسامة .. مساء الخير يا شيرين
شيرين ل إياد و أسيل إيه ده إيدو و سيلو هنا سهرانين ليه يا حلوين
إياد مامى قول إيدو و سيلو نام معايا
أسيل عارفة شيري مامى قول بابى سافر الجنة عند ربنا
شيرين اه يا حبيبتى بابى سافر عند ربنا
إياد بزهق .. يووووه هو بابى ييجى أمتى مامى بقى
نغم واخدة ولادها ف حضنها و بټعيط و مش عارفة ترد
شيرين حبيبى اللى بيسافر عند ربنا مش بيرجع تانى
أسيل يعنى بابى مش ييجى تانى شيري
شيرين لأ يا روحي بابى مش هييجى تانى بس أحنا اللى هنروحله
إياد بفرحة .. بجد شيري و ل نغم تعيطيش مامى شيري قول نروح عند بابى
نغم بدموع .. أه يا حبيبى أحنا اللى هنروح بس مش دلوقتي
هنية خبطت و سمعت الأذن و دخلت .. أتفضلى يا ست نغم اللبن و العصير اللى طلبتيه
نغم شكرا يا هنية
هنية تحت أمرك يا ست نغم تؤمرى بحاجة تانى
نغم لأ يا هنية شكرا اتفضلى انتى و ل شيرين بعد ما نزلت هنية و بتمد إيدها ب كوباية العصير .. أتفضلى يا شيرين
شيرين بأبتسامة .. لا يا حبيبتى شكرا مش عايزة .. انا بس جيت اسلم عليكى قبل ما تنامى عشان مسافرين الفجر
نغم بقبضة ف قلبها .. مسافرين!
شيرين أه يا نغم هنسافر هنروح إيطاليا اسبوعين تلاتة كدا نغير جو شوية و نرجع
نغم جواها مش عارفة ليه قلبها اتقبض لما سمعت سيرة السفر .. مين اللى هيسافر يا شيرين
شيرين كلنا يا ستى أنا و وليد و الولاد و غالية
نغم پخوف .. ليه
شيرين لاحظت توترها و خۏفها .. مالك يا بنتى فى ايه قلقانة ليه كدا
نغم ابدا انا مش قلقانة و لا حاجة بس مستغربة مش أكتر
شيرين ماتستغربيش .. كل الحكاية ان وليد شاف غالية نفسيتها تعبانة من بعد طارق قال انه يسفرها تغير جو شوية و هياخدنا معاه كلنا و انتى بقى ياستى فكى عن نفسك شوية انتى و ولادك لغاية مانرجع
نغم ان شاء الله تسافروا و ترجعوا بالسلامة
شيرين مش عايزة حاجة من إيطاليا
نغم شكرا يا شيرين
شيرين سلمت عليها و ودعتها .. تصبحى ع خير
نغم و انتى من أهل الخير
و بعد ما خرجت شيرين رجعت اوضتها نغم شربت اللبن ل الولاد و شربت العصير بتاعها و نامت ع طول
_______________________
يوم السفر
دخلت غالية و وليد بشويش أوضة نغم و أخدو الولاد و هما نايمين و نزلوا بيهم بعد ما نزلوا شنطهم و حطوهم ف العربية
شيرين شافتهم نازلين ب الولاد و پصدمة .. أيه ده ! انتوا شايلين إياد و أسيل كدا ليه رايحين بيهم فين
وليد هش وطى صوتك
شيرين اوطى صوتى ليه يا وليد انتوا ناويين ع ايه
غالية ناوية ع كل خير يا مرات أبنى
شيرين بعدم فهم .. أنا مش فاهمة حاجة ممكن تفهمونى
وليد هناخدهم معانا أرتاحتى كدا
شيرين بصوت عالى شوية .. هتاخدوهم معاكم ازاى يعنى من غير علم أمهم و ل