قصه قصيره بطليموس طلع معاش الكاتب محمد عبد الله كامل

ما تدخل لازمن تستأذن من صاحب المكان ..ولا فاكره هفيه وحيخاف منك إياك
وينتفض رشاد كالملسوع ويمسك بتلابيب الرجل .. كيف تتهجم علي المحل كده والله العظيم أشقك نصين ..
ويتدخل بطليموس .. لا خلاص يا معلم رشاد .. بس كده الأدب بقي أدبين .. عشرة عليه وعشرة علي السفيه الثاني ..
ويخرج الرجلان وهم يجرون أزيال الخيبه يصفقون من الدهشه .. كيف هذا الكائن الملعۏن يتجرأ علي عتاولة الرجال في الحي ..
ويدخل السيد نجل بطليموس وبيده الموبيل .. وهو في حالة من الأثارة لا مثيل لها .. وهو يقول .. أما يا بابا حتة حركة بتاعة التسجيل دي إنما في الجون .. دول قالوا كلام يودي في داهيه بعد ما مشيت
طب رجع من الأول وخلينا نشوف إللي حصل ..
ويبدأ عرض الأجتماع علي المقهي قبل حضور بطليموس .. وهم ينسقون الأدوار بينهم .. وبعد وصول بطليموس وحواره معهم ثم بعد إنصرافه وهم يرسلون من يتبعه ثم الټهديد والوعيد بالخطڤ والضړب والحړق لمحلات اللي يحاول يساعد بطليموس .. 
ويدق رشاد كفيه وهو يقول للدرجة دي الفجر .. عايزين يحرقوا المحل .. لااا الموضوع ده ما ينسكتش عليه .. 
ويرد بطليموس .. عايز تعمل إيه يا معلم 
اۏلع فيهم قبل ما يمسوا طرف باب دكاني ..
طب ولو فيه حل أسهل ويجيبلك حقك وانت حاطط رجل علي رجل ...
الحقني بيه الله يكرمك ..
طيب أصبر شويه ..ويمد بطليموس يده في جيبه ليخرج كارت ويتصل بصاحبه وهو يقول .. أيوه يا سعادة الباشا .. اللي إتوقعته حصل 
ما أنا عارف وكنت مراقب الاجتماع بتاع القهوة
برضه مش غريبه علي فطنه حضرتك .. بس المهم لازم أبعتلك هديه دلوقتي
هدية .. بتاعة إيه 
تسجيل حي صوت وصورة لكل حاجة حصلت
يابن اللذينا .. إزاي عرفت تعمل كده ..
بعدين بعدين .. المهم عايزك تيجي بس من غير ما حد يشوفك ..
لأ لا أجي إيه .. مفيش وقت للكلام ده .. الرقم ده عليه واتس إبعت الفيديو عليه .. 
والله فكره ..بس لامؤخذه يعني الرقم بتاع بنتي وأنت عارف
لأ لا أطمن خالص ..انا حأمسح رقم البنت .. 
ويعطي السيد الرقم ليرسله في لحظات الي الظابط محي ..
وبعد حوالي نصف ساعة يتصل محي قائلا طمن المعلم رشاد وقوله يحط في بطنه بطيخه صيفي ... والمحل في أمان في عهدتي أنا شخصيا . وانت تتعامل عادي بكرة ولو جمعوا الفلوس خدها منهم وأحفظها عندك لغاية ما نتقابل .. 
يعني خلاص كده نروح ننام 
ناموا وأطمنوا .. وعلي فكرة أنت ما طلعتش سهل يا أستاذ تحتمس 
بطليموس .. دولا فراعنا إنما إحنا إغريق .. ويضحك الجميع
بطليموس على المعاش
4
ويرجع بطليموس بيته وهو منتشي بما يفعل .. برضه الدهن في العتاقي.. ويلتف حوله الجميع ويترك هو ولديه يقصان ما حدث للأم والبنات .. 
وتقدم تفيده قطعة ساخنه من البسيسه التي أعدتها خصيصا له .. ويمضي الليل يصحو بطليموس لصلاة الفجر في المسجد القريب .. ويسمع وهو جالس بعض الهمهمات ممن يجلسون حوله ويراهم وهم يشيرون عليه وهو جالس يبتسم .. فقد أدرك أن الضابط محي قد قام بعمل اللازم. . ومنع مؤامرة حړق دكان المعلم رشاد ..
ويخرج من المسجد قاصدا جامع الست يصبح عليها ويجدد العهد . ويصلي ويرتاح شويتين .. ياااه علي السلام النفسي اللي بيحس بيه وهو قاعد في حما الست الطاهرة .. ويتذكر ما حدث يوم أمس وليلته ...
والنبي يا ستنا لو حكيته لحد