قصه قصيره بطليموس طلع معاش الكاتب محمد عبد الله كامل

هايف زي ده تدفعوه ليا .. أنتم ناسيين إني لازم أطفش من هنا ..أه معلوم .. ما الناس مش حتسيبني في حالي لازم ټنتقم مني
عندك حق برضه .. حنشوفلك شقة إيجار جديد وإحنا اللي حندفعلك الإيجار 
أيوووه وبعد شهر ولا إتنين تخلوا بيا وأتدبس أنا فيها 
يعني يرضيك إيه 
أنتم كام مطعم ولا مؤاخذه
يعني يمكن حسبة 15مطعم كبير على صغير
خلاص الكبير يدفع 100والصغير يدفع 50 وليكم عليا افركشهلكم خالص
بتقول إيه يا روح خالتك.. عايز كام ...
وينهض بطليموس وينظر إلى من سبه ويرفع يده ويهوي بها علي وجهه وهو يصيح .. إذا كنتم فاكرين أنكم ممكن ترهبوني وتخلوني أقبل الإهانه تبقوا غلطانين .. تليفون واحد وأخللي عيالكم تتيتم ..أنا صعيدي ..ومفيش صعيدي يقبل الإهانه .. 
ويهدئه الناس ويعتذرون اليه ولكنه يصر الأدب
أدب إيه 
اللي غلط لازمن يتأدب 
إزاي 
بالمال ينزل علي رجوله ويدفع عشرة الآلاف أدب علشان كل حي يلزم حدوده .. وينظر الجميع لبعض ..فهم كانوا يظنونه سهل الميراس ويسهل إرهابه وإجباره علي التراجع ولكنه ليس بالرجل الهين وعرف كيف يحملهم الغلط .. 
وينظر اليهم .. بكرة زي دلوقتي يكون معاكم مليون ونص .. والعشرة آلالاف بتاعة الغلط .. ولو محصلش قسما براس جدي ما حيكون فيكم محل سليم ..
ويقف ..ويغادر بعد أن يشير لولده بالبقاء والإستمرار في التصوير
بطليموس على المعاش
3
لم يرجع بطليموس الي بيته ولكنه توجه مباشرة إلي دكان رشاد العطار .. فهو يعلم أنهم قد أتحدوا ليرهبونه .. ولكن لن يكون وحده فيجب أن يعلم جميعهم أن الأمر قد بات يخص الجميع.. وعليهم إرهاب سكان الحي جميعهم .. لذلك هو لن يعود لبيته إلا وهم يعلمون أنه ليس بالصيد الهين .. قد يكون قله ومسلوع ولكنه في حقيقة الأمر يملك عقل داهيه ..
ويدخل محل العطارة ليجد رشاد يمسك بتليفونه ويحاول الإتصال بمن يثق أنهم لن يتركوه إذا قرر التحدي .. وما أن يراه رشاد ومجموعة الرجال الذين جمعهم حتي يلتفون حوله ...
حمدا لله على السلامه .. خير إيه إللي بيقوله أبنك ده .. إيه اللى حصل وإزاي تنزل تقابلهم لوحدك ! كده خطړ عليك يا صاحبي .. 
لأ خطړ ولا حاجة هما كانوا متكاترين عليا فاكريني حاخاف منهم .. لكن ها .. العرق الصعيدي نطر خلاص .. وخليتهم كلهم قاعدين حيرانين ..
طب إحكيلنا اللي حصل..
عايزيني آخذ 10000جنيه واقول للناس أني أنا كنت غلطان وإنهم ملايكة مظاليم .. لكن أنا هددتهم وفرضت علي كل مطعم منهم 100000 يعني حسبة مليون ونص .. ده غير عشر بواكي أدب .. ودول حقي لا مؤاخذه .. 
مليون إيه وعشرة إيه .. ومقابل إيه حيدفعوا المال ده كله !!!
عايزيني اتنازل عن كلامي مقابل فلوس .. نزلت المزاد وأجبرتهم علي دفع مليون ونص ومعاهم مهله لبكرة العصر .. 
ها ... طب والعشرة 
لأ ده واد سفيه منهم سبني .. قمت لطشته كف علي وجهه وفرضت علي عشر بواكي أدب .. 
ولو مدفعهمش
قسما بربي لقطع رقبته يصير واجب .. هما فاكريني هين ولا إيه 
لأ لا هين كيف دا انت سيد الرجال ..
ويقطع الحديث دخول رجلان من أصحاب المطاعم قائلين .. بتعمل هنا إيه يا أفندي ... فاكر المعلمين دول حيساعدوك علينا ..
ويقاطعه بطليموس .. بلا رط في الكلام ..وبدل ما تيجي فاكر نفسك كبير روح لم مالك أو إتداري علشان الدور بكرة عليك نربطك في الشجرة .. روح غور من هنا ..وبعد كده قبل