قصه قصيره بطليموس طلع معاش الكاتب محمد عبد الله كامل
الله عليك .. دأنت راجللي ..
إنما معدتش كده يا أخويا علي الفرنه بتاعة العيش .. كنت كبرت الرغيف ولا زودته شويه ..ولا حتي خليتهم يسوه حلو بدل العيش السحله اللي بنشتريه بالغلا والكوي
والله يا تفيده فكرت بس قلت نديلهم فرصه يفكروا مع نفسهم يمكن يتعلموا من الدرس ده .. إنما الناس خلاص فهمت أن الإستغلال ممنوع ..
ويخرج السيد يسأل .. أيوه .. خير
الوالد موجود .. عايزينه في كلمتين ..
ويأتي صوت بطليموس خليهم يتفضلوا ..
وينظر إليه ابنه متعجبا .. يتفضلوا فين دول ييجوا عشرين راجل ..وينظر اليهم السيد قائلا .. حاضر استنوه علي القهوة ..وهو حينزلكم ..
ويدخل الولد وهو يقول .. دول باينهم أصحاب المطاعم متجمعين علشان يتفاوضوا معاك ..
أه عارفه ..
تتسحب جري ومن غير ما حد يشوفك تقوله علي الحكاية دي وتقوله يجمع الجدعان المحترمين في الحته ويحصلني علي القهوة
فوريرة يا والدي ..
وينظر إلي إبنه الصغير أيمن .. ويسأله ..هو أنت مش عندك تليفون بيصور
أه بس الكاميرا بتاعة تليفون بطه أحسن
طب بتعرف تصور
عااال عاال أنت بقي تظبط التليفون علي التسجيل ..وتندس بين الناس دول وتلعب بالتليفون كأنه جيم يعني... وتصورلي كل كلمه حتتقال صوت وصورة .. ها تعرف ولا أنزل فاطمة وسط الرجالة
لاأ دي بسيطة خالص ..ويسحب تليفون أخته وينزل ليندس بين الرجال علي المقهي ..
ويرتدي بطليموس بدلته ويضع الطاقية علي رأسه وينزل لمقابلة الناس ..
ها خير يا جماعة .. الاولاد بيقول إنكم عايزيني ... خير إن شاء الله
أنتم مين ولا مؤخذه الأول .. متأخذونيش العتب على النظر
إحنا يا سيدي معلمين من الحي كله .. أصحاب المطاعم اللي خربت بيتها النهاردة بعملتك المهببه ..
عملتي أنا المهببه ... ليه هو أنا أعرف حد فيكم أساسا علشان أخربله بيت ولا دكان حتي
طب وأنا مالي ومال الكلام ده .. ما تكسبوا بما يرضي الله والناس تسيبكم وكمان تدعيلكم
يعني إيه بتراضوهم .. بتديهم رشوه يعني .. يبقي أكيد عينكم مکسورة وعلي رأسكم بطحة بتداروا عليها .
يا سيدنا البلد كلها كده ..أنت اللي باينك جاي من المريخ ..قصره .. هيا كلمه ورد غطاها .. الظرف ده فيه عشرة آلاف جنيه ... تحطه فى جيبك وتطلع الصبح تقول للناس أنك حسبتها غلط وأننا بنكسب بما يرضي الله
بس... عشرة إيه إللي بتتكلموا عليها .. بقا أنا أغير ذمتي بعشرة ..يفتح الله ..
أمال عايز كام
لأ ده بعدكم أنا مبغيرش ذمتي أبدا ..
يبقي تستغني عن عمر مراتك و أولادك .. أوعي تفتكر أننا حنسيبك تلعب بينا . يا روح ما بعدك روح ..
أنتم بتهددوني ..والله لأبلغ البوليس ...
ويخرج الكثير من الجلوس طبنجات ومطاوي ليرهبونه. .
فيتراجع قائلا ..
ما هو برضوا مش أصول مبلغ
