عودة الطير المهاجر بقلم موروا مصطفى كاملة

موافقة عليه
هنا صړخ أدم 
وربنا اروح ابوس الراجل المعفن اللي كان هنا علشان خلانا نكتب الكتاب انا خللت وربنا عايز اتجوز بقى 
ضحكوا جميعا واقترب وسيم محتضنا حمزه وأدم 
هو يعني ابن الايه ده خلاني ح احړق المفاجأة بس يالا بقى مش مهم بصوا بقى انا خليت كارم اشتري لنا عماره صغيرة كده من بابها والحمدلله خلصناها ومامتكم نور بقى كانت الفتره اللي فاتت دي بتشطبها لكم على ذوق البنات 
فنظر حمزه لسهام فوجدها تتضع يدها على وجهها 
كنتي عارفه ياعفريته طيب ازاي وانتي مش بتفرقيني 
نظرت له سهام بخجل
اخترت الألوان مع ماما نور وهي تولت الباقي مع ماما سهام وماما صباح
مبارك ياقلبي خلاص بقى يابابا نكتب النهارده وكمان شهر نعمل الفرح بس لازم اكلم عمي شناوي علشان أفهمه كل ده
فهمه ياحمزه على اللي قلته انا من الصبح ح ارفع عليه قضية واحنا مروحين ح اعدي على القسم اعمله محضر عدم تعرض انا ح اخليه يعرف مين هي سهام بنت نعمات 
نظر لها حمزه بحنان
اهدي ياروحي واللي انتي عايزاه ح نعمله ح اخد نسخه من الكاميرات وح نروح نقدم بيها محضر 
مضت سهام فيما قالت وبالفعل قامت بعمل محضر عدم تعرض وقامت برفع قضية ارفقت بها أوراق المحضر و شريط مسجل بما حدث كمل قامت بتقديم أوراق تثبت تلاعب شاكر في الورث ونهب اخواته الاثنين وسرقتهم وعدد من الأوراق الأخرى اثبتت فيها تدليسه وقيامه بغش التجار الذين يعملون معه وتهديدهم والتوعد لهم حتى ياخذ بأقل الأسعار ويبيع بأعلى الأسعار واستودعت العديد من الشهود حتى أخيه شهد ضده ولكن كان طلب سهام ان لا يسجن ولكن فقط يغرم جميع ماسرقه فترفق القاضي وقام بالحكم عليه بالسجن مع إيقاف التنفيذ لمرضه الذي إصيب به فبعد هجوم حمزه عليه وعودته للبلد تعب فجاءة فقام اولاده بأخذه الي المشفى و اكتشفوا اصابته بالسړطان في المعده وتم عمل استئصال جزء من امعاءه وحكم عليه أيضا بأرجاع كل شئ الي أصحابه وتركه أخيه ورحل عن المنزل بعد أن انتقل الى القاهرة ليكون بجوار اولاده فشاهين سوف يتزوج رحيق وشهد تزوجت بالفعل وتعيش بالقاهرة مع زوجها وعندها شعر شاكر بما فعله فقد خسر زوجته التي كانت تعشقه وتتمنى له الرضا خسرها بافعاله الشيطانية وكذلك خسر ابنته الوحيدة التي أصبحت علامه في سلك القضاء وخسر أخيه الذي كان سنده وضهره وكذلك اولاد أخيه الذي هضم حقهم في الميراث فأخذ يبكي بحرقه خاصة بعدما علم بذهب حمزه ووسيم له والأطمئنان على سير العمليه تمام وقام وسيم وحمزه بتغيير بعض الادويه بأدوية اخرى غير متوفره في البلد تؤدي الي شفاءه في أسرع وقت وعلم من رجاء زوجته ان نعمات وسهام يتصلون بها دائما للاطمئنان عليه فكان يبكي بكاء يقطع نياط القلب ونادي اولاده وزوجته وطلب منهم أخذه الي القاهرة في يوم قبل فرح ابنته وبالفعل اخذوه وذهبوا به الي منزل عمهم شاهين والذي جعله كارم بيت بأسره شاهين بأكملها وراءه كارم وهو يهبط من السيارة يسنده أبناءه بقوه وصعق عندما شاهد تغييره بتلك الطريقه فأقترب منهم بهدوء 
خير يا شاكر بيه 
نظر له شاكر باجهاد وبصوت منخفض همس له
أرجوك ياحاج كارم سامحني على كل اللي عملته انا خلاص نهايتي قربت وعايز اترجى الكل يسامحوني ارجوك ابعت حد لحمزه يستأذنه اشوفهم كلهم لو سمحت يا حاج كارم وكان شاكر يتحدث وجسده يرتعش ودموعه تسيل على وجهه
حاضر يا شاكر ح اطلع بنفسي ليه ماتقلقش ان شاء الله خير الضفر مايطلعش من اللحم مهما حصل اتفضل ياشاكر اقعد لغاية ما اطلع لهم وأشار لصبيه بأحضار كراسي لهم 
كتر الف خيرك ياحاج كارم
صعد كارم لهم وكانوا جميعا مجتمعون للغذاء عند صباح وفتح له أدم الذي جذبه وهو يضحك
ادخل ياعمي ادخل ماما صباح وماما نعمات عاملين لنا شوية اكلات مش راكبه على بعضها بس ايه مش عايز اقولك ايشي حمام وايشي كوارع وحاجات غريبة بس الريحه واووووووووو ولا ماما نور عامله لنا شوية حلويات إنما ايه تستاهل بقك 
اخذ الكل يضحكون على أدم وهو يتحدث ودخل كارم ونظر لهم وهم مازالوا يضعون الطعام على المائده ثم نظر لوسيم فشعر به يريد أن يقول شيئا 
قول يا كارم في ايه ياخويا اتكلم
قص كارم كل ماحدث بالأسفل فوقف حمزه وهو يضع يده على شعره فهو يشعر انه مقيد لا يرغب بالاقتراب منه وفي نفس الوقت خائڤ ان يحدث له شئ ويظل يتحمل ذنب عدم مقابلته لأبنته ومن كانت زوجته فشعرت به والدته فأقتربت منه وربتت بيدها على كتفه وهي تبتسم
انزل ياحمزه شوف عمك حبيبي وطلعه على ما نغيير احنا هدومنا قومي يا نعمات وانتي يانور نلبس 
بالفعل نزل حمزه ومعه أدم وشاهين وصعق عندما رأي تدهور حالة شاكر فأقتربوا منه وعندما رفع شاكر رأسه وشاهد حمزه حاول الوقوف فجروا عليه وأقترب منه حمزه 
خلي حضرتك مرتاح ثم نظر لأولاده ليه جبتوه وهو تعبان بالشكل ده 
نظر له سليم بحزن
صمم يادكتور حمزه اتحايلنا عليه نكلمكم انتم تيجوا لكن رفض وصمم انه هو اللي يجي 
هنا نظر شاكر لحمزه والدموع تترقرق في عينه
سامحني ياحمزه سامحني يابني انا خلاص مغادر مش عايز امشي وانتم غضبانين عليا ارجوك يابني ابوس ايدك سامحني وخلي سهام ونعمات يسامحوني انا ظلمتهم كتير وظلمتك انت والست والدتك واخواتك كتير بس خلاص ربنا خد حق جبروتي عايز اقابله وانا مش شايل ذنوب على اكتافي عارف ان بكره فرحك على سهام وصدقني مش جي اعكنن عليكم لكن جي لاني مش ضامن العمر جي علشان استسمحكم 
شعر حمزه بۏجع شديد يقبض قلبه من كلام عمه فقد شعر بالفعل بوجعه وندمه الشديد فوضع يده على كتفه وابتسم
مسامحين ياعمي مسامحين حضرتك كمان سامح سهام على وقفتها في المحكمه لكن ده من ۏجعها وقهرتها على امها وعلى نفسها
مسامح يابني والله مسامح هي عملت الصح والحمدلله انه حصل علشان اكون أديت كل واحد حقه 
نظر حمزه لشاهين وسليم وشرف 
جاهزين ياشباب نطلع الراجل الكباره ده يتغدى شوية حبشتكانات كده إنما ايه أكل عرسان وصايا من ايد الست ام حمزه والست ام سهام ولا مش عايزين تباركوا لأختكم ومحدش يسألني حبشتكانات دي يعني ايه اه انا سمعتها كده 
وانحني حمزه يمسك طرف الكرسي وامامه شاهين وجعل سليم أمامه وشرف خلفه في حاله حدوث اي شئ وجرى أمامهم أدم يفتح باب البيت على مصراعيه من أسفل ومن أعلى وصعدوا به وهم يدخلونه من الباب وعندما رأته نعمات على تلك الحاله شهقت وهي تضع يدها على فمها والدموع تسيل على وجنتيها نظر لها شاكر وسالت أيضا دموعه وهو يتحدث 
كان نفسي اقدر اقوم واوطي ابوس رجلك يا نعمات زي ما سهام قالتها مره وده حقك ياغاليه اللي شفتيه مني مش قليل سامحيني يانعمات مش ح اقولك علشان العشره لاني قهرتك وۏجعتك لكن ح اقولك وحياة قلبك اللي دق ليا وحبني وانا ماستهلش حبك ده سامحيني يابنت الناس انا خلاص مفارق ومش عايز اروح وشايل ذنب حد ظلمته سامحيني علشان ربنا يخفف عذابي كان نفسي افارق وانتي على ذمتي يانعمات بس 
اقتربت نعمات منه سريعا وجلست أمامه على قدمها وهي تمسك يده فهي رغم الامها وۏجعها منه إلا أنه حبها الوحيد فرفع يدها مقبلا اياها ودموعه ټغرق يدها فقامت نعمات تمسح دموعه بيدها
ماعاش اللي يخليك تبكي كده ياشاكر سامحتك ياغالي رغم الۏجع والقهر بس انت غالي قوي ياشاكر
ورفعت نعمات عيناها لابنتها التي كانت تقف في أحضان زوجها وهو يهمس لها أن تغفر وتسامح فهو مهما فعل والدها وعندما وجدت امها تنظر لها وتشير لها برأسها حتى تأتي ودفعها حمزه بخفوت حتى اتخذت خطواتها ببطء وشاكر يراها تأتي له فلم يصدق فوقف محاولا الذهاب لها ولكن كاد يقع لولا امسكته ابنته فارتمي في احضانها يبكي بقوه وهو يقبل يدها ورأسها وفقط يطلب عفوها عنه 
بالله عليكي يابنتي سامحيني بلاش تخليني مفارق وانتي بتدعي عليا مش بتدعي لي فأحتضنته سهام بقوه وهي تبكي
عمري مادعيت عليك يابابا حتى لو حصل مش من قلبي ده انت ابويا سامحني على وقفتك في المحكمه 
لا يابنتي انتي عملتي الصح ياريت كان حد عمل كده وفوقني من شيطاني اللي كان ركبني لكن كل شئ بأوان 
الحمدلله يابابا انك رجعت لكل واحد حقه ربنا يسامحنا كلنا
يعني مسامحه ياسهام مسامحه يابنت الغالية
مسامحه يابابا مسامحه يا حبيب الغاليه فضړبتها نعمات بيدها فضمھا شاكر بقوه
لا يانعمات اوعي تضربيها دي حبيبة ابوها اه عرفت متأخر بس الحمدلله اني عرفت تقبلي اموت وانتي على ذمتي يانعمات 
وقبل ان تجيب نعمات وقفت سهام وهي تمسح دموعها
توافق طبعا يالا ياسليم انت وشاهين انزلوا هاتوا المأذون وانا ح البس العروسه الحلوه دي بس ليا شرط 
نظر لها شاكر بحب
اشرطي يابنتي اشرطي وانا موافق
تشد حيلك كده وتواظب على العلاج ماشي ياعريس
ضحك شاكر بقوه 
موافق يا أحلى عروسه يالا ياولاد انزلوا اسمعوا كلام بنوتي العروسة الحلوه دي
وقفت نعمات وهي تنظر خجلا 
قبل أي حاجة يا شاكر لازم رجاء تكون موافقه 
قام فورا شاكر بالاتصال برجاء وابلغها كلام نعمات فاستمعوا جميعا لزغروطة طويلة من رجاء تعبر بها عن موافقتها فأمسكت سهام الهاتف من ابيها
طنط رجاء حضري نفسك بعد كتب الكتاب سليم ح يرجع علشان يجيبك انا فرحي بكره وعايزاكم كلكم معايا 
عيني ياغاليه يابنت الغاليه اجيلك على رموش عيني وصاحت ح استناك ياسليم اوع تتأخر 
حاضر يا امي انا ح اتحرك على طول 
توصل بالسلامه ياضنايا وحشتيني يانعمات وحشتيني قوي يابت فضحكت نعمات
انتي كمان وحشتيني يارجاء
يالا بقى انجزوا علشان الواد يجي ياخدني 
حاضر ياحبيبتي مع الف سلامه
مضى شهران وكانوا جميعا قد تزوجوا و بعد رجوع نعمات مره اخرى الي شاكر صممت سهام على جلوسه معهم في البيت حتى ترعاه مع أمها ورجاء وكان شاكر طوال الوقت يجلس وهو يحتضن سهام بين يديه ولا يستطيع احد ان يبعدها عن حضنه سوي عند رجوع حمزه واسترد