عودة الطير المهاجر بقلم موروا مصطفى كاملة

وجلسوا جميعا سويا وكانت جلسة اكثر من عائليه وظلوا حتى اقتربت الساعه من الثالثه صباحا  فوقف وسيم وهو يشعر بالاحراج
انا اسف جدا قعدتكم مايتشبعش منها والوقت سرقنا اسف والله على التأخير كده 
ازاي تقول كده يادكتور ده حضرتك نورتنا مش كده يا حاج كارم
طبعا ياست ام حمزه وبعدين احنا كلنا أهل يا دكتور ده النهارده عندنا عيد 
ربنا يكرمكم يارب انا حاسس اني وسط اهلي والله حتى نور عمرها ماخدت على حد بسرعه كده انا حاسس اني لو قلت لها ح اسيبك هنا ح توافق نظرت له نور
لا يا وسيم انا مقدرش انام بعيد عن حضنك بس ممكن اجي بكره الصبح عادي يعني
ضحكوا جميعا على حركاتها البريئة ونظر وسيم لحمزه 
شفت سرقنا الوقت واللي جاي علشان ماتكلمناش فيه المهم دلوقتي هات لي شهادتك كده 
نظر حمزه بتعجب لوسيم
ليه يادكتور وسيم في حاجة 
هاتها بس واستني مني بكره او بعده تليفون اجيلكم تاني ماشي 
ردت سريعا صباح وعيونها تشير لأبتسامتها 
حضرتك تنورنا في اي وقت يادكتور لا محتاج اذن ولا ميعاد
ربنا يكرمك ياست ام حمزه 
واحضر حمزه أوراقه واعطاها لوسيم وانصرف وسيم ونور ومعهم كارم حمزه حتى السياره 
يجلس شاكر في غرفته وهو يدور حول نفسه مثل الأسد الحبيس في القفص كلما تذكر ماحدث
فكيف لتلك المرأة ان ترفضه وهو كان سينتشلهم من الفقر ويجعلهم يعيشون كملوك ودخلت عليه زوجته الأولى نعمات ونظرت له بشماته
رفضتك وخلصنا مالك بقى ح تفضل قالب لنا وشك سنين جري ايه ياراجل مش ح نفضها سيره بقى عن ست صباح دي بقي ياراجل متجوز اتنين وبتدور على التالته طيب بدل ما بتهري وتنكت في روحك كده ادينا حقوقنا الأول عجايب 
نظر لها شاكر پغضب وعيونه تطق بالشرار
بقى انتي ياحرمه بتقولي عليا كده ده انتي ليلتك سوداء بقى انا مش بديكي حقك طيب تعالي بقى انا ح وريكي حقك ح تاخديه ازاي 
نظرت له نعمات باستهزاء
وماله ياخويا وريني 
فقام شاكر بالھجوم عليها بقسۏة وعڼف حتى انتهى وقام عنها وهو يلهث من شدة عنفه فنظرت له باحتقار
هو ده اللي انت فالح فيه ڠصبانيه وقهر وۏجع لكن كلمة حلوه ولا لمسه ناعمه ماتعرفش تعملهم علشان انت قلبك حجر عارف انا بعمل كده ليه علشان كل مره اكرهك زيادة  لغاية ما أصغر ذره فيا تكرهك ساعتها تبقى انتهيت من حياتي للأبد والحمدلله انت قربت قوي  
وقامت نعمات من أمامه وهي تذهب إلى الحمام وتركته في حالة من الذهول مما قالته له فأشعل سېجارة وظل ينظر للفراغ أمامه حتى خرجت نعمات وعادت الي فراشها وتقوم بتبديل غطاء الفراش فنظر لها بتعجب فضحكت بسخرية
عايزة انام وانا حاسة بريحة نظيفة يا.... يا شاكر تصبح على خير واعطته ظهرها ونامت ودموعها تتساقط في هدوء فقد كان شاكر قديما هو حلم شبابها وعريس أحلامها حتى تزوجها وبعدها بقليل ظهرت حقيقته البشعه طمعه وجشعه وفراغة عينه فجعلها تشعر بالقهر وترغب في نزعه تماما من قلبها حتى تنهي حياتهم الزوجيه بلا رجعه
الفصل الثالث 
البارت الثالث
بعد مرور عدة ايام وجد حمزه وسيم يقوم بالاتصال به ويبلغه انه قادم اليه هو ونور في المساء وطلب منه أن يبلغ كارم وزوجته أيضا برغبته في رؤيتهم وبالفعل قام حمزه بإبلاغ والدته وإبلاغ كارم أيضا برغبة وسيم في الحضور ورؤيته وبالفعل أتي المساء وتجمع الكل لدي صباح التي كانت قد قامت بصنع العديد من ال ساندويتشات والحلويات وجلست مع الجميع تضايفهم 
نورتونا والله انا مبسوطة قوي انكم زورتونا تاني 
رد وسيم وهو يبتسم 
انا مش عارف اقولك احنا كمان والله ياست ام حمزه مبسوطين قد ايه بوجودنا وسطكم انتم أسرة بجد جميلة جدا 
نظرت نور الي صباح وهي تبتسم بسعاده
عارفة صباح انا لغاية النهاردة كنت باكل من الاكل اللي أخذته منك وعملت اللي قلتي عليه كنت باكل كميات صغنونه خالص ثم لوت وجهها بشكل طفولي  ووسيم كان قاعد لي زي الاسد لو زودت يزمجر 
ضحكوا جميعا عندما وجدوا وسيم يزمجر بفمه بضحك واقترب منها وهو يضع رأسها تحت يديه 
بقى انا بزمجر يا نوري فرفعت رأسها له وهي لازالت تحت يده ثم هزت رأسها وهي تضحك فقبلها وسيم على رأسها ماشي ياروحي عموما انا بزمجر علشان صحتك يانوري
وانا مبسوطة بزمجرتك ياوسيمي 
اعتدل وسيم وجلس بهدوء ونظر لحمزه ووالدته
اسمع ياحمزه وحضرتك كمان ياست ام حمزه وعايزك تحضرنا ياحاج كارم 
شعر الجميع بالقلق من كلام وسيم ونظروا جميعا له باهتمام ونظر له كارم وبدء هو الحديث
اتفضل يادكتور كلنا سامعين حضرتك
بص ياحاج كارم لما اتعرفت على حمزه في المطعم اللي شغال فيه لفت نظري كلامه بالانجليزي بطريقة روعه ولما سألته وعرفت درجاته وعرفت من اساتذه انه عبقري ولعلمك ياحمزه انا روحت مدرستك بنفسي وسألتهم بشكل شخصي والكل اجمع انك عبقري وكنت عرفت منه انه نفسه يكون دكتور سامحوني اتصرفت من نفسي وقدمت أوراقه للجامعه اللي انا فيها وبحكم منصبي ومعرفتهم وثقتهم في اختياري قرروا يمتحنوا حمزه امتحان في بعض المواد بعد اسبوعين من دلوقتي ولو نجح فيه بتقدير امتياز ح ياخد منحه دراسية كامله من كله على حساب الجامعه وانا واثق من جوايا ان حمزه قدها

التمعت عيون حمزه وشعر انه يحلم ويطير في الهواء ولكن فجاءة تذكر والدته وأخواته البنات فأحني رأسه للأسفل  وحزن وجهه وشعر وسيم به كما شعرت به والدته فقامت من مجلسها وجلست بجوار حمزه ورفعت رأسه
حمزه حبيبي انا عارفه انك طاير من الفرحه لكن قلقان علينا... لا ياحبيبي شوف مستقبلك ومايهمكش حاجة 
واقتربت الفتاتان منه أيضا وتحدثوا بنفس كلام والدتهم ف
نظر وسيم لهم وابتسم على حب هذه العائلة لبعضها البعض ووقف مقتربا منهم وجلس أمامهم على ساقه ووضع يده على ساق حمزه
حمزه اسمعني اسمعوني كلكم انا ونور اتحرمنا من أن يكون عندنا اولاد وانا اول ماشفت حمزه ورحيق ورغد حسيتهم ولادي وعلشان كده سعيت ان حمزه يتعلم احسن علام دلوقتي المنحه دي ياحمزه ان نجحت في الامتحان و  اخدتها ح تاخد مبلغ كبير علشان حياتك هنا اكلك وشربك واقامتك المبلغ ده ح نسيبه هنا للاسره لكن انت هناك ح تبقى اقامتك معايا انا ونور ح تعيش وسطنا أبننا فهمت حبيبي ايه رايك في كلامي
نظر حمزه له وأبتسم 
انا مش عارف اقول لحضرتك ايه يا دكتور وسيم لكن الموضوع كده اتحل فلوس لكن اسيب امي واخواتي البنات ازاي هنا وممكن يتعرض لهم عمي تاني 
هنا وقف كارم وانتفخت اوداجه پغضب وهو ينظر لحمزه 
هو انا قليل قوي كده في نظرك ياحمزه كتر خيرك يابني يالا ياحاجة خلينا نمشي 
وقف حمزه سريعا وارتمي في أحضان كارم بقوه وهو يبكي
لا اوع تقول كده ده انت ابويا اوع يا بويا اسمعك تقول كده ده انت غالي قوي وكبير قوي 
احتضنه كارم وهو يقبل رأسه بحنان 
كويس انك عارف كده يبقى تذاكر وتجتهد وتنجح في الامتحان وتسافر تكمل علامك وامك واخواتك في وسطنا محدش يقدر يهوب نواحيهم نقطع رجله وعمك ده لو فكر بس يهوب ناحية هنا قبل مايخطي المنطقه ح يكون عارف مقامه كويس

نظر حمزه لوالدته وأخواته فوجدهم يحركوا رأسهم بالموافقة فجري عليهم واحتضنهم بقوه وظلوا كلهم يبكون في أحضان بعضهم البعض حتى استكانوا و هداءوا
واجلسهم حمزه ثم اقترب من وسيم ووقف امامه
دكتور وسيم انا مش عارف اقول لحضرتك ايه لكن اوعدك أني اذاكر وانجح وان قبلت وجت لي المنحه ح اطلب من حضرتك اشتغل هناك علشان اقدر اكمل مصاريف امي واخواتي 
ابتسم وسيم ووضع يده على كتف حمزه 
حمزه حبيبي المبلغ ح يبقى كبير صدقني وكمان بالدولار ولما يتحول مصري ح يبقى مبلغ معتبر ومش ح يحتاجوا اي حاجة ولو بتفكر تشتغل علشان تصرف على نفسك هناك ح ازعلك وح الغي الفكره كلها لاني عايزك تعيش معايا انا ونور وتاخد بحسنا زي ما بنقول وح تروح وتيجي معايا من الجامعه وكمان عايزك هناك تذاكر وتذاكر انا واثق انك ح تاخد الدراسه كلها في فتره صغيرة وح تبقى أصغر دكتور علي مستوي أمريكا ومصر متفقين يا دكتور حمزه
ظل حمزه ينظر لوسيم وعيونه تدمع وفجاءه ارتمي في احضانه يضمه بقوه وهو يبكي وجعل الجميع يبكون معه وفجاءه سحبته نور واحتضنته هي أيضا ونظرت له بحب وهي تبكي
حمزه خلاص بقى كفاية عياط انا مش بحب العياط كتير انا بحب الضحك وانتم كمان مش لازم تعيطوا بكره حمزه ح يكون أشهر دكتور في العالم 
قبل حمزه رأسها ونظر لها ولوسيم 
لو فضلت اشكركم من هنا لآخر عمري مش ح يكفي ربنا ما يحرمني منكم ابدا احتضنه وسيم
يبقى بكره ح ابعت لك المواد اللي المفروض تذاكرها ومن بكره مش عايزك تروح الشغل وعايزك يا ست ام حمزه تديني عنوان الشركة اللي كان شغال فيها المرحوم شاهين انا ليا صرفه معاهم 
نظر حمزه بارتباك لوسيم
بس انا مش ح اقدر اسيب الشغل انا ح اذاكر ماتخافش عليا بس مش ح اقدر اسيب الشغل لغاية ما يبقى اتوافق عليا وجت فلوس المنحه كمان 
حمزه اولا لازم تقعد لان الوقت قصير والمواد كتير وصعبه والامتحان ح يبقى لايف اما بخصوص شغلك انا عارف ليه عايز تشتغل حبيبي بكره ان شاء الله فلوس نهاية الخدمه بتاعه ولدك ومعاشوا عن كل الفتره اللي فاتت ح يكون عند والدتك ماتقلقش اما فلوس المنحه فأنا لما اعرف هي كام ح اديها للست ام حمزه هنا ولما تروح انت هناك ح اخدها منك ها كده كله تمام 
وقبل أن ينطق حمزه نطقت صباح 
موافق يا دكتور وسيم  من غير ولا كلمه 
خلاص متفقين هاتي ورقه بقى واكتبي اسم الشركة وهاتيها لي 
حاضر حالا
بعد أن اخذ وسيم تلك الورقه من صباح جلسوا جميعا وكان حمزه يجلس في المنتصف بين والدته وأخواته البنات يحاوطه بيده ويضحكون جميعا معا وبعد مضى وقت ليس بقليل استأذن كل طرف وانصرفوا 
ظل شناوي يراقب شاكر دون أن بشعره بذلك حتى إذا شعر بوجود خطړ