عودة الطير المهاجر بقلم موروا مصطفى كاملة

خرشمه تصدق يستاهل 
ضحك شناوي وهمس
راجل من ضهر راجل يا حمزه يابني ربنا يسعدك يارب هو فين
خد ياسيدي ح يكلمك اهو
واعطي كارم الهاتف لحمزه وهو يبتسم له ونظر له حمزه وهو يصطنع الزعل 
انا تور ياعم كارم ماشي يا حاج نشوف الموضوع ده بعدين يا حجوج وامسك الهاتف ورد علي عمه 
مساء الخير ياعمي الف سلامه على شهد مالها ايه اللي حصل
قام شناوي بقص الحكاية مره اخرى لحمزه الذي كان يستمع له بانصات 
الف سلامه عليها ياعمي ان شاء الله اجي انا ودكتور وسيم نطمن عليها بكره نكون عندك بعون الله حضرتك بس ابعت لي المكان 
حبيبي ماتتعبش نفسك 
ولو ماتعبتش لبنت عمي ح اتعب لمين 
ربنا مايحرمني منك ياغالي يابن الغالي قولي بقى عملت ايه في شاكر
ضحك حمزه بقوه 
زي ما قال عمي كارم تور وهرسه انا بقى هرسته مقدرتش ياعمي اسمع كلام خاله نعمات وسهام واسكت ده خساره الواحد يقول عليه راجل بس ربنا مش ح يسيبه 
الله يسامحه يابني شيطانه راكبه وبكره يندم بس بعد ايه بقى ضيع منه ست زينه وزي الفل وضيع بنت مافيش منها
فأبتسم حمزه وهمس في خفوت
ماضعتش ياعمي جت للي يصونها المهم ياعمي سلم لي على خاله اعتدال وشهد وشاهين لغاية مانيجي والف سلامه عليها يارب
أغلق حمزه الهاتف ونظر للأعلى فوجد رحيق تنظر له وتشير له بالصعود سريعا فستأذن من الرجال بالأسفل وصعد للأعلى سريعا فوجد نعمات وسهام يرتدون ملابس الخروج وبجوارهم شنطة ملابسهم وصباح والبنات يمنعونهم من التحرك فوقف حمزه ونظر لهم
في أيه يا خاله ليه لابسه كده وراحه فين
كفاية كده ياحمزه يابني الحمدلله انه المره دي طب وانت هنا افرض كان جه وانت مش موجود كان عمل فينا وفي صباح والبنات ايه 
نظر لهم حمزه وابتسم 
حضرتك بتقولي ايه هو حضرتك فاكره ان دي اول مره لا ده كتير اذا كان هو ولا حد من الاديشه بس الرجاله اللي تحت دي عيون صقر اوعي تخافي انا مش موجود زي موجود عمي كارم وولاده وكل رجاله الحته جانبك وفي ضهرك اوعي تخافي يالا يالا ادخلوا غيروا هدومكم وحضروا لنا احلى عشا ثم الټفت الي امه ماما الحاج كارم وضب الشقه اللي فوق وقالي دي ح نقعد فيها انا وآدم بابا وسيم بس اللي ح يكون معاكم هنا حضرتك عارفه ماما نور ماتعرفش تنام غير في حضنه ولا اقولك هما يطلعوا معانا فوق احسن هما في اوضه واحنا في اوضه المهم بقى حضرولنا لقمه حلوه كده على ذوقكم سلام انا دلوقتي 
امضي حمزه اسبوعان مع أهله في مصر ومعه وسيم ونور وآدم وذهب خلالهم الي عمه شناوي في المشفى هو ووسيم واطمئن على شهد وعاد مره اخرى للقاهره وبعدها عادوا لأمريكا مره اخرى واندمج في دراسته وعين في مركز كبير في المستشفى الموجود بها وسيم  وبعد فترة من الوقت  فوجئ بتعينه في أكبر مستشفى من مستشفيات أمريكا ولكن في ولاية اخرى وسعد حمزه كثيرا ولكن عندما علمت نور وشاهد حمزه دموعها تلمع في عيناها قرر فورا رفض التعيين والبقاء معهم ولكن اقترب وسيم منه 
لا ياحمزه انا مش ح اقبل تضحي بمستقبلك سامع دي أكبر مستشفى في أمريكا اللي بتطلب منك تشتغل فيها فاهم يعني ايه ده حلم اي دكتور كبير فما بالك انك لسه صغير وطلبتك بالاسم انت وادم
نظر حمزه له واحتضنه
ايوه يابابا بس انت وماما نور عندي بالدنيا كلها انا مقدرش اسيبكم ده لولا انتم بعد ربنا عمري ماكنتش ح اوصل للي انا فيه ده 
اقتربت نور منه وهي تمسح دموعها وتحاول الابتسام
لا ياحمزه مستقبلك اهم حبيبي ودي سنه الحياة الاولاد بيكبروا ويسيبوا أهلهم بس اوع تنسانا يا حمزه اوع خليك دائما فاكر بابا وسيم وماما نور
احتضنها حمزه بقوه وهو يبكي ويضمها لصدره وهي تربت على ظهره برقه وكذلك وسيم يحتضنهم معا
عمري ما اقدر انساكم ابدا عمري ماهما بعدت او روحت عمري ما اقدر انسي امي وابويا اللي كانوا سند وضهر ليا ربنا مايحرمني منكم ابدا
انتقل حمزه الي الولايه الأخرى ومعه ادم وحاول كثيرا اقناع وسيم ونور للانتقال معه ولكنهم رفضوا لأنهم تعلقوا كثيرا ببيتهم وكان حمزه دائم الاتصال بأهله في مصر ويضم للمكالمة وسيم ونور وبذلك كانوا جميعا معا في كل شئ واعترف حمزه بحبه لسهام ابنة عمه ولكنها طلبت منه انتظارها حتى تثبت نفسها لتستطيع الوقوف أمام المدعو والدها وكذلك اعترف ادم لحمزه بحبه لتلك المچنونة الصغيرة رغد ولكن طلب منه حمزه التروي حتى تنتهي دراستها ومر عام وراء عام وكان حمزه يذهب هو وآدم في الإجازات الأسبوعية لرؤية وسيم ونور وفي عام نزل حمزه وأدم ومعهم وسيم ونور وقام حمزه بقراءة فاتحه سهام وكذلك ادم لرغد وكانت الايام تمر بينهم بكل سلاسه وحب حتى اتت الفترة التي جعلت الكل يشعر بالصدمة
تم الطلب من حمزه الذهاب إلى إحدى البلاد في مهمة سرية لإجراء جراحة عاجلة لشخصية كبيرة مهمة كثيرا ومنع عنه استخدام اي وسائل اتصال وبالتالي أبلغ اهله في مصر كما أبلغ وسيم ونور وقام بالذهاب لهم كعادته مع ادم وقاموا بالسلام عليهم وقص عليهم حمزه سفرهم هو و ادم لتلك المهمه وانه لا يعلم عنها شيئا الي اين يذهب او متى سيعود و قام وسيم ونور باحتضانه وكانت نور تضمه بقوه وهمست في اذنه 
حمزه خلي بالك من بابا وسيم اوع تسيبه وحده حبيبي
نظر حمزه لها بتعجب وظل يحدق بها ثم امسك يدها
ليه بتقولي كده يا ماما ربنا يديكي الصحة حبيبتي 
أمسكت نور وجهه بين يديها وقبلت جبينه وأخذت تمسح دمعاته الهاربه من عيونه
هو حد ضامن عمره يا حمزه انت اللي لينا هنا حبيبي لازم تاخد بالك من كل واحد فينا ربنا يديك الصحه ياقلب ماما نور
ويديكي الصحة يا امي يا قلب ابنك من جوه انتي.. وقبل حمزه يدها ورأسها وضمھا بقوه لصدره وكانت تحتضنه نور بقوه وكأنها تودعه وفي اليوم التالي انصرف حمزه وآدم الي المشفى التي سيتحرك منها لتلك المهمة الغامضه
تجلس سهام ورغد ورحيق معا في انتظار محادثة وسيم ونور فهم يقومون دائما بمحادثتهم في نفس التوقيت الذي كان حمزه يقوم فيه بالاتصال بهم وحضرت نعمات وصباح عندما تم فتح الخط وظلوا يتحدثون معا لنصف ساعة ولكن شعرت صباح ان نور بها شيئا
نور مالك ياقلب اختك فيكي ايه شكلك وصوتك تعبان 
فأبتسمت نور وعيونها تلمع بالدموع ونظرت لوسيم الذي يجلس بجوارها ومالت برأسها على كتفه 
ابدا ياصباح ياحبيبتي ماتقلقيش كده يمكن داخل عليا دور برد جامد شوية وكمان مفتقده زيزو قوي ودومي كمان 
معلش يانور ربنا يعدي الايام دي على خير يارب ويرجعوا بقى 
احتضن وسيم نور مقربا اياها الي صدره مقبلا رأسها بحنان
ان شاء الله ياست صباح فترة وتعدي ويرجع ينور دنيتنا تاني عارفين انا بفكر انزل مصر خالص كفاية كده غربة ح اجيب حمزه وآدم  و نرجع بلدنا بقى بلدنا اولا بعلمنا ونعمل مستشفى كبيرة ونعمل فيها جزء خيري ايه رأيك يانور 
ابتسمت نور بقوه وهي تصفق بيدها وتقبل وسيم من وجنته
ايوة يا وسيمي ايوة نرجع بلدنا بقى انا زهقت من الغربة بس بص بقى يا نسكن مع صباح ونعمات والبنات يا تاخد لنا فيلا كبيره او عماره ونقعد كلنا مع بعض 
ضحك وسيم وضم نور الي صدره وهو بيعثر شعرها برقه 
نور قلبي تؤمر وانا انفذ ح اكلم الحاج كارم ويحاول يشوف لنا حاجة من الاتنين دول وكمان قريبه منهم علشان انا مقدرش ابقى في مصر ومشوفش كارم ده ممكن يعلقنا انا وحمزه زي الدبيحة ويزفنا ده مچرم وربنا. واخذوا جميعا يضحكون واغلقوا المكالمه على وعد بتكرارها غدا في نفس الموعد
يجلس حمزه وآدم في الجناح المخصص لهم وهم يتصفحون بعض المجلات والمراجع الطبية وبعد قليل نظر ادم الي حمزه 
عارف ياض يا زيزو رغم الواحد مخڼوق من انه مش بيعمل المكالمة بتاعة كل يوم اللي بتخلي الواحد يقدر يكمل الا ان الحبسة دي جت علينا بفايدة احنا قراءنا كم كتب وشفنا كم عمليات إنما ايه خلت الواحد حاسس انه بقى مرجع لوحده بس بالرغم من كل ده كلهم وحشوني ياااااااااااه امتى نخلص من الحبسة الهباب دي 
نظر له حمزه وهو يرفع حاجب وامسكه من تلابيب قميصه وهو يجز على أسنانه  
حلو قوي ياض يازيزو دي عارف انا ح يجي يوم واۏلع فيك يازفت انت 
ضحك أدم بقوه وهو يحاول ان ينزع يد حمزه التي تمسك به حتي نجح في ذلك
واهون عليك يازومي تولع في جوز اختك 
اهو علشان زومي دي ح اۏلع فيك انت والمچنونة التانية دي 
لا عيب عليك تولع فيا تولع في الدنيا لكن مالكش دعوه برغد دي روحي فداها 
نظر حمزه لأدم بحب واقترب  منه  
للدرجة دي بتحبها  يا ادم 
تنهد ادم وهو يشعر بقلبه ينبض بقوه لمجرد ذكر اسمها امامه
واكتر يا حمزه من اول مره شفتها لما جت اول مره زياره لأمريكا حسيتها خطفتني بقيت مش عارف قلبي بيدق بالشكل ده كده ليه وكل مره اشوفها يحصل فيا كده انا عديت الحب ياحمزه 
ضحك حمزه وهو يضربه على كتفه 
خد بالك ياغبي دي اختي يا حمار اللي بتتغزل فيها ادامي
اختك اه بس حبيبتي انا يا حمزه.......... بقولك ايه ياجدع انت احنا اول مانخرج من الهم ده عايز اتجوزها اه  
مش اتفقنا يا ادم لما تخلص وكمان نكون عرفنا ح تستقر فين انت وهي
اي مكان ياحمزه انت فيه انا معاك
استمر غياب حمزه وآدم شهران دون تواصل فلا احد يعلم عنهم شئ ولا هم يعلمون عن أحد شئ حتى انتهت فترة نقاهه ذلك الرجل واطمئن انه أصبح سليم فأجزل العطاء لحمزه وآدم بسخاء شديد وقامت طائرتة الخاصة بإعادتهم الي عملهم بعد أن قام المتحدث الصحفي الخاص بتلك الشخصية بالادلاء بتصاريح كاملة عن صحة مرضه وكيف قام الشابان المصريان بمعالجته بعد أن فشل بعض الأطباء والبعض الأخر رفض إجراء العملية فأصبحت الصحافة تتكلم عن ذلك