رواية نغم بقلم الكاتبه لبنى دراز الفصل الثالث

صب ية .. انت أكييييد اټجننت ازاااى تفكر انك تتجوزها
طارق قولتلك وطى صوتك شوية
وليد بصوت واطى .. تقدر تفهمنى بقى ازاى هتتجوز البنت دى من قلة البنات يعنى يا طارق ده أنت ألف مين تتمناك
طارق بحبها يا وليد و مش عايز غيرها و لا مش من حقى أحب و اختار شريكة حياتى
وليد أكيد طبعا من حقك تختار شريكة حياتك بس نغم يا طارق مالاقيتش غيرها و تحبها
طارق هو الحب بإيدينا يا وليد مين فينا له سلطة ع قلبه و يأمره يحب و لا ما يحبش
وليد يابنى أعقل انت لما وصيت عليها تشتغل عندنا قولت بتساعدها عشان غلبانة و ظروفها صعبة مش عشان تتجوزها
طارق و أفرض ظروفها صعبة و يتيمة يا وليد هل ده يعيبها يكفى انها وصلت رغم ظروفها دى وقدرت تدخل كلية الهندسة و تحقق حلمها و حلم أهلها
وليد بس يا طارق دى ......
طارق بمقاطعة .. مابسش يا وليد هتقف معايا و لا أشوف حد تانى
وليد انا بصراحة مش عارف
أقولك ايه
طارق باركلى و قول انك هتيجى معايا
و بالفعل وافق وليد يروح مع طارق عند المأذون عشان يشهد ع جوازه من نغم الهلالى
ف شقة طارق
بعد ساعتين وصل طارق و وليد و أحمد عند نغم و حياة و وقف تحت العمارة و طلع موبايله رن عليها عشان ينزلوا و قفل الخط
نغم بخجل .. الووو
طارق انا تحت مستنيكى .. انزلى
نغم حاضر هنزل أهو
و بالفعل نغم بعد ما قفلت الخط نزلت هى و حياة اللى شافت
أحمد واقف جنب طارق .. يااااالهههوى عليا يا بركة دعاكى يا أما
حياة برفعة حاجب .. انت عرفت طريقنا هنا كمان نروح منك فين بس يا فرقع لوز افندى انت
أحمد بمعاكسة و هو بيرقص حواجبه .. هنروح للمأذون يا قمر و حط ايده ع قلبه عقباااالى يااارب
طارق بنفاذ صبر .. و بعدين يا أحمد اتلم شوية و ل نغم مستعدة و لا تحبى نأجل شوية 
نغم بتوتر .. بتهز دماغها .. أيوا مستعدة
طارق بتوضيح .. قبل ما نروح للمأذون هنروح نتصور انا و انتى و باقى الاوراق هيخلصها المأذون بمعرفته تمام
نغم اللى تشوفه حضرتك
طارق ضحك بصوته كله ههههههههههههه برضوا حضرتك .. ماشى مضطر اقبلها بس لغاية بعد كتب الكتاب
حياة بمرح ل طارق هو دكتور فرقع لوز ده جاى معاك ليه ها ليه
طارق بنفس ضحكته اللى جننت نغم .. أه لو تعرفى دكتور فرقع لوز ده بيفكر ف ايه دلوقتي ههههههههههههه
حياة تنحت شوية بتحاول تفهم طارق يقصد ايه
أحمد ل حياة لألألأ صحصحى كدا و ما تتنحيش ده كتب كتابى عليكى النهاردة برضوا
حياة پصدمة .. ايه !
أحمد بهمس بقول انا هتجوزك النهاردة برضوا
حياة و حياة أمك ده اللى هو ازاى يعنى
أحمد اللى هو انا غيرت من طارق و قررت أعمل زيه قولتى اييييه
طارق بضحك .. أهدى يا حياة أحمد بيحبك و عايز يتجوزك فيها ايه دى و بهمس ل حياة و بصراحة انا عايزك تتجوزيه و تربيه و هز دماغه خليها ف سرك 
حياة تنحت من الصدمة و بصت ل نغم أض ربينى ابت انغم
نغم ماتقلش صدمة عن حياة و ساكتة
وليد بضحك من شكلهم .. مالكم يا بنات فى ايه متنحين ليه كدا .. يلا كل واحدة تركب مع عريسها خلونا نخلص الليلة دى و نرجع
و بالفعل نغم ركبت العربية مع طارق
و حياة ركبت معاها و رفضت تركب 
مع أحمد لانها مش مستوعبة اللى قاله و فجأة قرر أحمد يركن عربيته 
ويركب معاهم
طارق بغيظ .. انت يابنى مش معاك عربيتك ناطط ف عربيتى ليه
أحمد سوق يا حبيبى و انت ساكت يلا
طارق انزل ياض اركب عربيتك
أحمد مش نازل .. أنا ق ت يل العربية دى ايه رأيك بقى
حياة جواها يا لحححوي الحلويات ده عايز يتجوزنى انا .. و بهمس سمعه أحمد بس لأ يتجوزنى أزاى يعنى هو سلق بيض
أحمد بتفكرى ف ايه بس يا قمر و انا أريحك
حياة بصت له بقرف .. ما بفكرش
أحمد ل طارق .. سوق يابنى قبل المأذون ما يحمض
كلهم ضحكوا عليه و بالفعل طلع طارق بالعربية وصل الاستوديو اتصوروا سوا كلهم صور جماعية للذكرى و خرجوا راحوا عند المأذون بعد ما اتصلت نغم بشخص قريبها عشان يكون وكيلها و أخيرا كتبوا الكتاب و رجعوا الشقة تانى
نغم بقلمى______________لبنى دراز
نغم انننننت عايز مني اييييييه جاى وراااايااااااا لييييييه
طارق.............
يتبع