قصه قصيره بطليموس طلع معاش الكاتب محمد عبد الله كامل

ميه .. والخضرة توزن كيلو وحباية بصل كبيرة تيجي نص كيلوا وتوم كام فص وييجي رغيفين تلاته يبلهم ويحطهم عليها علشان تمسك .. كله علي بعضه يزيد عن ثلاثة كيلو كمان .. إنما أنت عايز تقول إيه
أقولك .. دلوقتي 3كيلو عجينه تبقي 3000جرام ..صح
صح
نقسم 30006 اللي هو وزن القرص اللي وزناه مع بعض بما يرضي الله .. صح ..يبقي 500قرص طعميه صح 
يانهار أسود .. يعني الحرامي ده بيشتري الكيلو بعشرين ويحط عليهم جنيه خضره وعامل بخمسة جنيه وكهرباء جنيه وزيت 3جنيه 
يعني يكلف 30جنيه ويبيعه 500 جنيه ..لا بيقعد يلطم وبشتم في الحكومة والتجار الجشعة وهو أبو الجشع كله!!!
إستني بس .. إيه الأسعار اللي أنت قلتها دي .. دي مختلفه عن اللي قولتهولي في الأول 
دي أسعار الجملة .. أنت فاكره بيشتري بالكيلو .. دي عنده مخازن فيها أطنان .. 
كمان 
أمال أنت فاكر إيه ...
طب والفول 
ماله نوزنه هو كمان ..
لا ده ليه حسبة تانيه .. 
طب دبرني الله يخليك ..حاكم أنت خليت عقلي شت مني ..
أقولك ..ده بيغرفه بمغرفه تاخد حوالي عشرين مللي .. 
ميللي إيه ولا مؤاخذه
ميللي .. ميللي لتر .. معيار للسوائل ..
أاااه زي اللبن يعني ..
إسم الله عليك .. ده عنده قدرة خمسين لتر .. حجمها كده تاخد جواها خمسين لتر سوائل 
مايه يعني 
يعني نحط الفول قد عشرة كيلو وفوقها الماية .. صح
لأ ولامؤخذه ..بيحط فول صحيح منقوع وفول مدشوش وشوية قمح مجروش وشوية عدس
حلو أوي كل ده بكام 
شوف بقي بالنسبة للجملة الفوله الحلوه تعمل 1820جنيه للكيلو في الشوال 
والمدشوشة تعمل عشرة أو خمستاشر والعدس يعمله حسبة 25جنيه جملة .. 
يعني كل دول عشرة كيلو منهم يعملوا كام
8 كيلو فول صحيح اكسترا 120جنيه 
2كيلو مدشوشه كسر 30 جنيه
غله وعدس حسبة عشرين جنيه
طب والتسوية 
الغاز الأنبوبه الكبيرة تسوي 3قدر فول ب 100جنيه 
والعامل 5جنيه في القدرة 
يبقي كله 
120فول 30 دشيشه 33غاز 5عامل 188جنيه أول عن أخر .. 
تمام .. وإحنا قولنا إن القدرة 50لتر يعني 50000مللي نقسمهم علي 20 يبقي 2500مغرفه والمغرفة بجنيه يعني القدرة بتكسب 2500جنيه 
وينظر بطليموس إلي العطار الذي يكاد أن يجن من تلك الأرقام 
ويزعق بأعلي صوته صائحا ..جااااي ... جاااي ياخلق هووووه جااااي .. ويتجمع الناس حوله سائلين .. مالك يا حاج حافظفيه إيه 
الراجل الغشاش الجشع بيشتري مني الفول بجنيه ويبيعلي لحسه بعشرة جنيه ويقولي بيكارمني وهو بيكسب في القدرة الواحدة 5000جنيه 
ويسأل أحد الواقفين ... أنت جبت الكلام ده منين يا حاج ..ما كلنا علي باب الله 
أااه وبنكسب بالحلال مش الطعمياية 6جرام بجنيه 
طعمية إيه اللي 6جرام .
أهو شوفوا بعنيكم .. هات القرطاس يا حاج .. ويتناوله ويضعه علي الميزان الحساس ويري الجميع أن وزن الطعميات الخمسة 28جرام .. ويقرأ عليهم بطليموس الأرقام ويهيج الجميع وينتفض بطليموس وهو يحثهم للذهاب معه ليتخلص الجميع من جشع هذا الرجل صاحب المطعم .. ويتجه الجمع الي المطعم ويتكاتف الجميع ليرون ما سيحدث .. فينظر البائع الي بطليموس قائلا .. ها جاي تاخد الطعمياية الناقصة فيقرأ بطليموس ما هو مدون فى الورق أمامه فينفعل ويقول أنت جاي عامل تجمهر علشان تسرقوني ..طيب أنا حأوريكم ويتجه نحو طاسة الزيت يريد أن يقلبها ليرهب المتجمهرين ولكن الشباب يسحبونه للخارج ويطلب منهم بطليموس أن يربطوه في جزع الشجرة ويكتب الشباب علي جبهته حرامي جشع .. 
ويمسك العطار بتلابيب عامل قلي الطعمية ويطلب منه أن يعدل وزن القرص وحجمه بل