غدر الزين بقلم مروة البطراوي الفصل الثالث والعشرين
هتختار اولادها لانك مرضيتش بيها زمان.
شرف بسخريه
انا اصلا بايعها من زمان ...انا بس اضايقت ان اخويا اتجوزها ومقدرتش اتكلم زمان ...حاولت كتير اطردها بره البيت بعد ما اخويا ماټ بس مقدرتش
بس زى ما انتي شايفه قدرت هي بالعابيها انها تخرجني انا وانتي وشهيرة بره الفيلا ...وكل كوم والبت التافهه اللي اتجوزها زين ...دي مش بعيد تقضي علي كل اللي بنيته .
بطل تظلم الناس بشكوكك فيهم ...البت خلود بت تتاقل بالذهب وقفت الشركه علي رجلها ايام تعب زين
تعرف اهو من كتر شكك في الناس ...بنت شكت فيك انتي كمان وصدقت عليك الكلام اول ما سمعته
عامل تعامل يا سي شرف
نظر شرف امامه بجمود وظل يفكر في فكرة طاهر وخطته هو يريد تنفيذها لسبب واحد ...كسر ياسمين بسبب افعالها في الماضي واعترافها الصريح لتفيده بعلاقتهم السابقه
نظر لها زين وابتسم بسخريه وقال
يعني هو انا انكتب عليا الحرمان من المتعه الشخصيه ...وبعدين ما انتي عندك خليفه ...اكيد اخد باله من البيت والشغل كمان ...والله هو مش اخويا برضه.
في هذه اللحظه هبط خليفه وركض نحو زين واحتضنه وقال
ربت زين علي كتف خليفه وقال
طبعا انت ابن حلال يا خليفه ...ربنا يباركلي فيك يا احلي اخ ربنا رزقني بيه .
نظرت ياسمين الي خلود نظرات حاقده وقالت
وانتي بقي اتبسطتي يا حبيبتي كويس
الحمد لله ...زين مخلاش ولا فرصه الا ما خلاني فيها مبسوطه ...بجد شكرا لحضرتك انك خلفتي واحد زى زين حبيبي ...
مال خليفه علي اذن زين وقال
اووووبس يا عم ...خد مراتك واخلع ...امك مش هتسيبكو في حالكم ...خصوصا بعد ما خلود غاظتها ...دي موريانا المرار من ساعه ما سافرت مع خلود .
امي ارجوكي ...اي كلام ناجله لبكره ...انا جاي سايق وتعبان ...وانتي عارفه لما بتعب ببقي عامل ازاي ...تصبحي علي خير يا امي
واخذ خلود من يديها وصعد بها الي جناحهم الحاص ودخلا لتزفر خلود بحنق وتقول
مش عارفه مالها ومالي ...حاطه نقرها من نقرى ليه ...ما كانت كويسه معايا لما كنت قاسې معايا.
ربت زين علي ذراعها وقال
هي بتحبني اوى ...ومبتحبش تشوفني زعلان ...ولما شافتك زعلتيني الفترة اللي فاتت فحبت تعاملك بنفس طريقتك ليا
تنهدت خلود وقالت
متاكد ان ده بس السبب
زين بارتباك
اااه ...طبعا ...هيكون في ايه تاني
هزت خلود راسها وقالت
طيب ...ربنا يهديها ويهديني انا كمان
اعطاها زين ظهره بحجه تبديل ملابسه ...واخفاء معالم الكذب من علي وجهه
