عودة الطير المهاجر بقلم موروا مصطفى كاملة

على اي حد
وقف شاكر ونظر الي كارم بابتسامه صفراء في محاولة منه لكسبه اليه ولكن ماكان يعلم أن كارم يعلم كل شئ عنهم وما فعلوه مع اخيهم
اهلا اهلا يا حاج كارم اللي مايعرفك يجهلك ياراجل ياطيب اتفضل ياحاج
نظر له كارم باستهزاء وسخرية
العزومه ماتجيش منك تيجي من أصحاب الدار 
نظرت له صباح ثم نظرت لولدها وهزت رأسها فتكلم حمزه
اتفضل ياعمي بيتك ومطرحك ونظر الي جيرانه اتفضلوا يا اعمامي بيتكم ومطرحكم ثم عاد ونظر الي اعمامه ووقف أمامهم ياترى يا عمي حضرتك جاي ليه بعد السنين دي انت وعمي 
ابتسم شاكر وتصور ان ماسيقوله سيجعل الرجال يشعرون انه رجل فاضل 
يا حمزه يابني انا مكان ابوك الله يرحمه 
نظر حمزه لهم شذرا واحتدت ملامحه بقوه وضغط على أسنانه حتى لا يخطئ في الكلام
مافيش حد مكان ابويا ولا حد يجرؤ يكون مكانه ياعمي ياريت حضرتك تقول جي ليه دلوقتي لان الناس دي وراها اشغالها واحنا كمان لنا حياتنا
ياحمزه ابوك خلاص الله يرحمه يابني ماينفعش تعيشوا هنا لوحدكم انا جي انا وعمي علشان ناخدكم معانا تعيشوا وسطنا 
هنا رد كارم وهو ينظر له
يعيشوا وسطكم ازاي يا شاكر بيه ح يعيشوا عند مين فيكم بقى وازاي وهما ٣ حريم وشاب تقدر تفهمني 
تنحنح شاكر ونظر لهم
ماهو يا حاج كارم علشان ده مش ح ينفع طبعا قررت انا اتجوز صباح وتعيش معايا ومع حريمي 
هنا وقف حمزه واتجه بكل ڠضب لشاكر الا انه وقف عندما استمع لصوت كارم 
أوقف مكانك ياولدي 
نظر حمزه لكارم وهو يشعر پغضب يكاد يقصف به فاشار له كارم ان يذهب اليه فاتجه له حمزه
حمزه انت مش واثق قيا وفي امك 
نظر له حمزه وهمس
ازاي ياعمى حضرتك تقول كده
خلاص يبقى تقعد وتسيبني اتصرف موافق
تحت امرك ياعمي
وقف كارم واتجه الي شاكر الذي وقف أيضا ومعه شناوي 
بقى انت عايز تجوز مرات شاهين الغالي 
شعر شاكر بالڠضب من ذكر اسم أخيه مقترنا بأسم صباح 
ماهو ماټ ياحاج كارم واحنا أولى بلحمه المرمى هنا ده 
وهنا لم يتحمل كارم كلمته ففورا رفع يده وضربه بونيه اسقطته أرضا ثم انحني عليه يمسكه من رقبته
 مين المرمى ياجعر عارف لولا أن اسمك على اسم الغالي كنت دفنتك مكانك اسمع بقى يا جعر انت والبأف اللي جره وراك ده لو فكرت مره تانيه تهوب ناحيه الست مرات شاهين ولا حد من ولادها عارف رجليك الاتنين دول وأشار الي ساقيه ح تلاقيني قطعهم لك ومقعدهم جانبك بقى انت ياجعر عينك على حريم اخوك اللي معداش عليه حتى شهرين اتفووووو عليك راجل من دون الرجالة قسما بجلال الله لو ماطلعت من هنا حالا لكون مطلعك على ضهرك 
وقف شاكر مكانه وهو يمسح الډماء من على فمه ونظر لكارم پغضب
وانت بتكلم بصفتك ايه.... يعني ايه كبير المنطقه هي مش برضه لها حق الرد
فأبتسم كارم بسخريه ونظر له 
تمام عايز تسمع بودنك يعني ماشي تعالي يا مرات الغالي 
فوقفت صباح مقتربه من مجلسهم ووقف بجوار ولدها  ونظر لها كارم 
أيه رايك يا ست ام حمزه في الكلام اللي سمعتيه 
نظرت صباح من خلف نقابها على شاكر وشناوي باحتقار
رأي ايه يا حاج كارم هو انا بعد الغالي انكشف على حد وما بالك بقى ب واحد مايساويش حتى ضفر شاهين يا حاج كارم يحرم عليا اي راجل في الدنيا بعد شاهين هو كان راجلي في الدنيا وح يكون راجلي في الأخره ان شاء الله راجل 
الټفت كارم الي شاكر الذي أصبح وجهه اسود من شده الڠضب
سمعت بودنك يا عم العيال اتفو على الرجالة اللي بشنبات جي عينك على مرات اخوك ياراجل يا دنى كان عنده حق الغالي لما حكي لي عنك وعن طمعك وجشعك وحقدك عليه رغم انك غني ومقتدر لكن طمعت في ورثه ورغم انك متجوز اتنين طمعان في مراته امشي من ادامي والا قسما بالله اطلعك النهارده على تربتك 
خرج شاكر سريعا وهو غاضب بشده ونظر لصباح وحمزه 
كنت ح اديك ورث ابوك بس ولا مليم ابقى وريني ح تصرف عليهم منين وخرج سريعا 
وقف شناوي ينظر بحزن لزوجة أخيه وولده فهو كان للأسف ضعيف الشخصية أمام أخيه واقترب منهم وهو يحني رأسه للاسفل
حقك عليا يا مرات الغالي والله لو في أيدي حاجة كنت عملتها بس انتي عارفه انه قادر ومفتري ووضع يده على كتف حمزه سامحني يابني مش في أيدي اعمل حاجة ده محراك شړ لكن اوعدكم تفضل عيني عليه وانبهكم لأي خطړ منه بس من ناحية الفلوس هو ماسك كل حاجة لكن كل ما اقدر اخبي حاجة عنه ح ابعتها لك ياحمزه
نظر له حمزه وشعر بكسرته وضعفه فأبتسم له 
ولا يهمك يا عمي مستوره الحمدلله انا بشتغل والحمدلله عايشين كويس بس ربنا يكفينا شره
نظر شناوي الي كارم واقترب منه 
حاج كارم اسمح لي اخد رقمك علشان لو في حاجة ابلغك تلحق اهل الغالي بس ان شاء الله ربنا يهده ومايقدرش يعمل حاجة بس والله ياحاج كارم ماكنت اعرف انه ح يعمل كده ولو كنت اعرف انه ح يطلب الطلب الغبي ده ماكنتش هاودته وجيت معاه ربنا عالم شاهين الله يرحمه كان غالي عليا ازاي بس ربنا يسامحه شاكر 
نظر كارم لشناوي وأبتسم وهو يضع يده على كتفه
خلاص يا شناوي ولا يهمك احنا جانبهم ماتخافش عليهم هما في عينينا ومحدش يقدر يهوب ناحيتهم
ربنا يستر ح انزل انا قبل ما عفريته تطلع وان شاء الله لو في اي حاجة ح اكلمكم على طول سلام عليكم
وعليكم السلام ورحمه الله وبركاته 
انصرف شناوي حتى يلحق بأخيه شاكر وقف كارم وهو ينظر إلى حمزه ويضع يده على كتفيه ويحتضنه بقوه 
خليك عارف ياحمزه اننا جانبك وفي ضهرك يا حبيبي اوع تقلق او تخاف على والدتك واخواتك وانت في شغلك احنا هنا كلنا جانبهم
شكرا يا عمي ربنا ما يحرمنا منكم 
يالا حبيبي روح انت على شغلك وحريمنا قاعدين مع الست الوالده واخواتك البنات
حاضر ياعمي
ونظر حمزه الي امه واقترب منها مقبلا رأسها ويدها 
عايزه حاجة من بره يا أمي محتاجة حاجة أجيبها وانا راجع 
تسلم لي يا ابن الغالي ياضي عين امك يا حمزه ربنا يفتح لك طريقك حبيبي
تسلمي لي يا أمي دعواتك معايا يالا اسيبكم انا سلام عليكم
ردوا جميعا السلام وانصرف حمزه تاركا امه وأخواته مع بعض من حريم المنطقة وذهب الي عمله الذي كان قد تأخر عليه ولا يعلم ماذا سيقول لصاحب المطعم وهل سيغفر له تأخيره لساعتين
الفصل الثاني 
البارت الثاني 
وصل شاكر وشناوي الي بلدهم وكان شاكر في قمه الڠضب ويشعر انه يكاد ينفجر من الغيظ بعد اهانته بتلك الطريقة من صباح وذلك الكارم والذي وقف له كالجبل دخلوا الي المنزل الذي يقطنون به سويا فكل واحد منهم يقطن في دور ولأن شاكر متزوج من اثنان فأخذ دور شاهين وأسكن به زوجته الثانية وكان متزوج من نعمات وهي الزوجة الأولى ولديه منها سهام ورجاء وكانت الزوجة الثانية ولديه منها  سليم وشرف  اما شناوي فهو متزوج من اعتدال ولديه من الأبناء شاهين و شهد
قابلت رجاء زوجها شاكر وفور ان راءها قام ببث غضبه عليها ونهرها بقوه ودفعها من أمامه فنظر له أخيه شناوي وهو يضرب كف بكف 
ياريت بقى تنسى أفكارك اللي كنت مخبيها جواك يا شاكر وخليك في مراتاتك الاتنين واولادك وابعد تفكيرك عن مرات شاهين مالكش دعوه بيهم انا سكت كل الوقت ده علشان مش بحب المشاكل لكن لغاية ولاد شاهين ومراته وخلاص مش ح اسكت وصدقني لو حصل وقربت منهم انا اللي ح أقف لك ومش انا وبس خلي بالك ح قوم عليك كبار البلد كلهم وساعتها قابلني لو عرفت ترفع راسك تاني فاهمني يا شاكر سلام ياخويا
ترك شناوي أخيه وصعد لشقته وجلس على الأريكه فأقتربت منه زوجته اعتدال
مالك ياشناوي فيك ايه يا خويا
نظر لها شناوي والتمعت عيونه بالدموع
سكت كتير لشاكر والنتيجة ايه شاهين ماټ واندفن واحنا مانعرفش والبيه طلع سحبني وراءه النهاردة علشان عايز يتجوز مرات شاهين حرمه من ورثه وخلي ابنه يشتغل وهو صغير كده علشان يصرف على امه وأخواته وكل ده مش مكفيه عايز كمان يتجوز صباح مرات الغالي 
نظرت له اعتدال وهي تربت على كتفه
طول عمره ياشناوي عينه منها وده اللي خلي اخوك ماكانش بيجي هنا كتير واخر مره لما جه يطالب بورثه قاله ياتقعد معانا هنا يا مالكش ورث كان عايزه يقعد علشان يعرف يملي عينه منها اخص على كده 
نظر لها شناوي بذهول مما سمع 
انتي عرفتي الكلام ده امتى وليه ماقلتليش 
والله ياشناوي رجاء اللي لسه قايله لي النهاردة دخلت لقيتها مفحومه من العياط ولما سألتها قالت لي الكلام ده 
أصبح وجه شناوي اسود من غضبه الشديد ووقف فورا فأمسكت به زوجته
الله يخليك ياشناوي اوع تتهور اخوك مفتري 
بقى الواطي الدون متجوز اتنين وعينه على مرات اخوه وانا زي الأهبل رايح معاه طيب وديني لطربقها على دماغه 
أمسكت اعتدال يد زوجها بقوه وهي ترجوه
لا ياشناوي لا ياحبيبي اوع اخوك مفتري ومخه مش في دماغه وبعدين لو بعدك عنه وفكر يأذي الست صباح وأولاده مش ح تعرف ياشناوي خليك قريب منه علشان تعرف تحميهم منه
وقف شناوي قليلا ينظر لزوجته ويفكر في كلامها ثم عاد وجلس مكانه
انتي صح يا اعتدال لو عاديته ح يبعدني عنه وح ابقى مش عارف بيعمل ايه اذا كنت مش ح اقدر اديهم حقهم من مال ابوهم يبقى على الاقل اقدر احميهم حتى لو من بعيد
ايوه كده ياشناوي استهدي بالله حبيبي وادخل خد دش وصلي ركعتين علشا بالك يهدي ويرتاح
توجه شناوي الي الحمام بعد أن قامت زوجته بتحضير ملابسه وقام بأخذ حمامه وجلس يصلي ويقرء في كتاب الله حتى يهدئ 
مرت الأيام والاسابيع وكان حمزه قد اثبت جدارته في العمل بقوه وكانت الدراسة على وشك الاقتراب وفي يوم كان يقوم بعمله في تقديم الطعام الي رواد المطعم حتى استمع