قصة ۏجع قلب بقلم دينا صابر

حسن ومعاه القهوه وعلبه هداياا أتفضلي يا استاذه في شخص ساب ليكي الهدية دي ومشي.
يارا وهي بتمسك العلبه شكرا ياعم حسن!
أخدت الهدية من غير متسال عن صاحبها لانها خلاص يأست من انها تعرف صاحب الهدايا المجهول فتحت العلبه وهي عندها فضول تعرف هو جاب اي النهارده مش معقول يكون فاهم هي بنحب اي للدرجه دي نطقت بصوت عالي . 
وات نعناع ! 
ضحكت بخفة وفتحت الكارت عارف إن الموضوع قد يكون غريب للبعض وليا أولهم لكن عرفت إنك مش بتحبي الورد استغربت شوية لكن أدركت بعدها إن دا شيء مش بعيد عن واحدة بتحب ديما تكون مميزة وفريده من نوعها كمان عرفت إنك بتحبي النعناع جدا قلت أجيب نعناع منها تتبسطي ومنها اتبسط لإنبساطك
أبتسمت بعد قرائتها للكارت لكن الإبتسامة أختفت وحل ماكنها خوف خاڤت ان قلبها يرجع يحب من تاني خافتت لتتكسر من تاني بصيص أمل ممكن يكون سليم فعلا هو صاحب الهدايا الخفى! هزت راسها بسرعه من تفكيرها مستحيل يكون سليم .
تاني يوم .....
خارجه من الشركه وقفها صوت شخص بينادي عليها وقفت وبصت لصاحب الصوت واكتشفت انه هو نفس الشخص الي كان بيضايقها باسئلته في الاجتماعات افندم !
قرب منها حاتم واتكلم وهو منزل راسه انا اسف جدا يا استاذه يارا علي مضايقاتي والموقف الرخم بتاع اول اجتماع
يارا بعقدة حاجب بتعتذر ليه الوقتي انا مطلبتش منك اعتذار
حاتم بجديه بعد الموقف بتاع الاجتماع استاذ سليم قالي اني متعرضش ليكي في اي شيئ ولا اضايق حضرتك يا كدا يأما هيأذيني والنهارده جالي خبر اني اترفدت من الشركه بعد طبعا ما اتجأزيت قبل كدا واتخم من مرتبي اكتر من نصه الشهر الي فات وشكل استاذ سليم عمل بكلامه وأذاني اهو في شغلي لو سمحتي كلميه وبلغيه اعتذاري
يارا پصدمه وقلبها بيدق اتكلمت بتوتر وهي بتفتح فونها حاضر هكلمه
بعدت وفتحت علي رقمه علي الواتس اب وبعتت له مسدج وهي ناويه تنفذ فكره جيت لها في دماغها وتشوف اي ردت فعله وعلي اساس ردة فعله هتشوف هتعمل اي
عند سليم .... كان خارج من اجتماع وسمع تنبيه رساله فتحها وحس ان تنفسه بقا اتقل وعقد حواجبه ودقات قلبه اتضربت سليم انا اسفه جدا على الفتره الاخيره واني حاولت اتكبر عليك او اني اقلل من مكانتك انا في المكان الي اعترفت ليك بحبى وكلمه بحبك الي كابتها علي القبل في القضبان همسحها ومن الوقت الي هتوصلك فيه الرساله وتقرأها صدقني همسحك من ذاكرتي واعتبرك كانك لم تكن.
قفل سليم فونه بسرعه وخرج من شركته وساق عربيته متوجهه للمكان وهو قابض علي ايده بضيق ضربات قلبه متضربه وتنفسه مش منتظم حاسس ان الكلام الي قراه زي سهم دخل علي قلبه واخترق كل ذرة هدوء فيه وقف عند المكان ونزل ودور بعينه عليها لحد ما سمع صوتها من وراه
يارا بهدوء قلت لك اني هنساك وكل حاجه انتهت جيت ليه!
سليم وهو بيقرب منها وبهدوء لما كل حاجه انتهت بعتي الرساله ليه اصلا ! بينا حاجه من الاساس عشان ننهيها!
يارا بصوت مهزوز ليه وافقت علي المشروع وانت عارف انه ممكن يخسر وقلت لبابا انك عملت له دراسه ونسبت فشله 80 في الميه
سليم بهدوء وهو بيبص عليها عشان شوفت طموحك وحبيت ادعم الطموح دا
يارا بدموع ليه طلبت مني اني افضل معاك في المستشفى وانت عارف اني كنت همشى علي طول
سليم وهو بيمسح دموعها برقه لاني كنت عارف انك قلقانه عليا
يارا بۏجع من بروده ليه بتبعت الهدايا ليه بحس انك مهتم ليه دافعت عني يوم الاجتماع ليه طردت استاذ حاتم من شركتك ليه كل ما اتقبلنا في مكان مرفعش عيني عليك الا ولقيتك بتبصلي ليه جيت بعد ما بعت وقلت اني هنسى.
سليم وهو قريب منها وحط ايده علي خدها واتكلم بحنيه وبحه لاني بحبك
يارا بعدت ايده وبعدت عنه كام خطوه كذاااب
سليم وبيقرب تفتكري هقولها وانا بكذب !
يارا بهدوء ممكن بتقولها عشان تطيرني في السماء وبعد كدا تكسر قلبي
سليم بهدوء وهو حاضن وشها بكفوفه يارا انا عارف اني جرحتك وكسرت قلبك بس صدقيني مستحيل اقولك بحبك
وانا مش قاصدها يارا انا بحبك لا انا حبي تعدى حدوده
يارا بعدت وابتسمت بتشفى تمام وانت اعترفت وانا بقول لك احتفظ باعترافك لنفسك
عقد سليم حاجبيه ورفع راسه ليها پصدمه قصدك اي! 
يارا قصدي الي جي في دماغك انا خلاص نسيت حبك كنت بس منتظره الوقت الي تيجي تقولي بحبك عشان ارجع ولو جزء من كرامتي وارفضك وافكرك بكلامك ليا وكسرتك لقلبي واقولك زي ما انا قلتلي بالضبط لو انت اخر راجل في الارض عمرى ما هسلملك قلبي.
سليم قبض ايده واتحرك مشى من جنبها وقال بهدوء يعني في الاخر انتي الي هتوجعيني وتذليني
يارا بحزن مش ذل كل واحد بياخد حقك
مشت يارا بسرعه كام خطوه بعيد عن سليم بس نغزه في قلبها خليتها تلف ناحيته وعينيها وقعت عليه وهو لسه بيبص قي اتجاهاا وقفت وهي بټعيط قرب منها سليم وهو بيمسك ايدها ويربت عليها لما انتي نسيتي وبتذليني ليه بټعيطي الوقتي !
يارا بدموع لانك غبي وقلبي أغبى منك
ضحك سليم ومسح دموعها واتكلم بمشاكسه انا فعلا غبي بس قلبك لا عارفه يا يارا من يوم ما اعترفتيلي بحبك وانا حياتي اتقلبت حاولت اشغل وقتي ومفكرش في اعترافك وعندت مع نفسي لدرجه اني فكرت اتجوز بس للوهله الاخيره كنسلت الموضوع من يوم ما اشتغنا سوا علي المشروع بتاعك وانا مبقيتش عارف افكر في اي حاجه غيرك انتي فجأه احتليتي كياني وتفكيري وقلبي وبقيتي كل حياتي والهواء الي بتنفسه يارا انا اكتشفت اني مش عارف اعدي يومي من غير ما المح طيفك او اشوفك قدامي ياارا انا بحبك
يارا بحب عارف من يوم ما رفضتني وانا مش عارفه اكرهك حاولت وكتير كمان بس قلبي رفض كل المحاولات دي ومعرفتش اكرهك ولا حتي انساك كل يوم كنت بدعي ربنا ان يشيل حبك من قلبي بس برضوا فضلت للحظه دي بحبك
سليم وهو بيبتسم طب اي تتجوزيني!
ابتسمت يارا برقه وبصت لارض بدون اجابه
سليم بقهقه ضحكت يعني قلبها مال .... طب اي رايك في النعناع 
يارا بضحك نعناااع يا سليم !!
سليم ببتسامه هعمل اي ما انا عارف انك ملكيش في الورد وبتحبي النعناع قلت اجيبه ليكي عشان تضحكي
يارا بضحك وانا فعلا ضحكت وقتها
سليم بحب بحبك يا احلا يارا في الكون
يارا برقه وانا كمان بحبك اوي يا سليم
تمت.....
دنيا_صابر