قصة حجر النرد بقلم ابتسام رشاد

خليل حكاله حكايتنا بس عم خليل مكملش معانا وسابنا ومشي أما الشيخ عبدالله قالي
_هات حجر النرد اللي معاك.
أديتهوله وقولتله
_اللي بيحرك النرد ويرميه على الأرض هيظهرله عفريت ويديله مهمة.
الشيخ أخد مني الحجر وحطة بين إيديه وبدأ يقرأ كلام بصوت واطي مكنتش عارف أحدد هو بيقول إيه بالظبط دقايق وقالنا
_سيد صاحب الكشك كان دجال وكان مسخر لنفسه ستة من الشياطين وبيتحكم فيهم ويؤمرهم علشان ينفذوا طلباته وكان بيستدعيهم من خلال حجر النرد اللي معاه وتقريبا كده هو هو نفس الحجر اللي معاكم ده.
قولتله
_يعني احنا كنا بنستدعي الشياطين.
_اه بس انتوا الشياطين هي اللي سيطرت عليكم وبقت تتحكم فيكم.
_وهنعمل إيه يا شيخ عبدالله!
دخل الشيخ عبدالله جوه أوضة تانية ورجع لنا ومعاه علبة كده وقالي
_اسمع يا عمر العلبة دي جواها دم هتاخده وتروح كشك سيد وتسيب بصمة إيدك پالدم وبعدين تجيب حفنة تراب من تراب أرضية الكشك وتيجي. 
سبت أصحابي وروحت لوحدي عملت كل اللي قالي عليه الشيخ عبدالله ورجعتله تاني ومعايا حفنة التراب وكانوا أصحابي لسه مستنييني عنده أديتله التراب وهو خلطه مع رماد وقالنا
_يله علشان تيجوا معايا نروح كشك سيد.
روحنا معاه وهناك بدأ ينزل التراب اللي خلطة بالرماد كله نزله على أرضية الكشك وحړق حجر النرد جوه الكشك بعدين أخدني على جمب وقالي
_اسمع يا عمرو انا عملت اللي قدرت عليه انا كده قيدت الشياطين اللي كانوا بيتحكموا فيكم وعاوز  اقولك انهم هما اللي قالوا سيد لأنه فقد سيطرته عليهم وانصحك انت وأصحابك متقربوش من الكشك ده مرة تانية وان شاء الله اللي حصل ده مش هيتكرر معاكم مرة تانية وبلاش من الألعاب دي دي تعتبر ألعاب محرمة بتجلب الجن والشياطين.
_حاضر.. حاضر يا شيخ عبدالله اللي تؤمر بيه.  
وفعلا قدرنا نخلص من المشكلة اللي وقعنا فيها خسرنا اتنين من أصحابنا اللي حصل مكنش سهل علينا من بعد ما الأمور هديت واتفرقنا مبقيناش نتقابل زي الأول كل واحد فينا بقاله حياته الخاصة فعلا محدش بيكمل للنهاية كلنا فترات في حياة بعض.. أما انا فتحت محل وبشتغل فيه محل أنتيكات بجمعها وببيعها في البازارات الكبيرة ما انا من زمان غاوي أجمع الحاجات القديمة وأحتفظ بيها. 
تمت