قصة حجر النرد بقلم ابتسام رشاد

ماټ والكشك اتسكن هو ماټ بس عفاريته لسه صاحيين فيه ناس تقول إن روحه هي اللي بتطلع وفيه ناس  بتقول إن عفاريته هما اللي بيطلعوا وسكنوا الكشك ده وعلشان كده محدش بيقرب منه.
_بس انا عمري ما سمعت  الكلام ده حتى أبويا وأمي عمرهم ما جابوا لي سيرة! انا حتى كنت بلعب هنا انا والعيال وكنا بندخل الكشك ده.
_يا ابني سيد ماټ من زمان أوي هو أصلا بنى الكشك  واشتغل فيه خمس سنين وماټ واتدفن وحكايته اتدفنت معاه أما أنا فاكرها علشان بقف على العربية دي من أيام المرحوم أبويا من زمان أوي وياما سمعت حكايات عن الشارع ده.
_تعيش وتفتكر يا عم خليل.
رجعنا أنا وياسر على أوضتي اللي قاله عم خليل خلاني أفتكر أيام زمان لما كنت بلعب مع العيال في الشارع وافتكرت حاجة مهمة أوي مش عارف إزاي نسيتها انا زمان كنت في مرة بلعب في الكشك ده وكنا بنحفر انا والعيال وقتها وانا بحفر لقيت حجر نرد هو ده نفسه حجر النرد اللي معانا دلوقتي. لأن وقتها شلته في الصندوق الخشب اللي احتفظت بالصور جواه ما انا متعود بحتفظ بحاجات كتير صغيرة زي كده.
_انت بتتكلم جد! يعنى انت لقيت النرد في الكشك زمان ودلوقتي كل اللي بيحصلنا من تحت راسك انت.
_أنا متفاجئ زيي زيك بس هنعمل إيه يعني احنا لو نفذنا المهمات الستة هنخلص من كل اللي احنا فيه.
_انت مصدق نفسك يا عمرو احنا وقعنا في حفرة ملهاش نهاية هنفضل مكملين ومش هنعرف نخرج منها.
_بقولك إيه اسمعني احنا هنفذ المهمات وكل حاجة هتنتهي وعلشان انتوا مايحصلكوش حاجة انا اللي هرمي النرد انتوا هتساعدوني وبس.
كلهم وافقوا ان انا اللي هرمي النرد في المهمتين اللي فاضلين أما انا كنت متردد ومتوتر أوي اتجمعنا بالليل ومسكت النرد ورميتة وكانت المفاجأة إن الواجهة جات على رقم 6 يعني دي أصعب مهمة فيهم كلهم ولما الكهربا قطعت سمعت الصوت اللي محدش هيسمعه غيري قرب من ودني وقالي انت صاحب أصعب مهمة في الست مهمات ولو منفذتهاش ھتموت بعد اسبوع واحد المهم هي إنك هتقتل واحد من اصحابك ومن دمه  هتطبع كف إيدك على حيط من حيطان كشك سيد الكلام اللي سمعته خلاني أحس ان الدنيا كلها متجمدة حوليا حتى لما الكهربا رجعت وأصحابي بيكلموني مكنتش سامع صوت حد منهم من الصدمة مكنتش مركز في أي حاجة غير الكلام اللي سمعته ده يعني إيه أقتل واحد من أصحابي يعني إية أقتل أصلا قعدت أبص لأصحابي من غير ما أتكلم ما انا بردو مش قادر أستوعب اخدت دقايق على ما قدرت أرد عليهم 
_انا جاتلي المهم اللي مستحيل أنفذها أنا مطلوب مني أقتل واحد من أصحابي واحد منكوا انتوا كده وإلا انا اللي ھموت بعد اسبوع واحد.
كلهم فضلوا يبصولي مش قادرين يردوا معقولة واحد مننا ھيموت بعد كام يوم والدور جه عليا إن انا أختار وأخترت إن انا اللي أموت ياسر اتدخل وقالي
_احنا لسه قدامنا حل مينفعش نستسلم بالسهولة دي أكيد هنلاقي حل.
_طب هنعمل إيه يا ياسر أنا مفيش قدامي حاجة أعملها.
_هنروح لعم بتاع عربية الفلافل ونحكيله كل حاجة وأكيد هو هيقدر يساعدنا ويصدقنا كمان.
استنينا لحد الصبح وانا أصلا مجاليش نوم والصبح روحنا كلنا لعم خليل وحكيناله حكايتنا من أولها وقولنا له على چريمة القتل اللي اتطلب مني أنفذها بس عم خليل الغريبة إن عم خليل صدقنا وقالنا
_انا مصدقكم يا عمرو ما هو اللي بيزرع خير بييدومله واللي بيزرع شړ بيدومله.. وسيد زرع الشړ وسابه يطرح في الأرض ويئذي الناس أنا هاخدكم لواحد شيخ يعرف ربنا ان شاء الله هيعرف يساعدكم ومش هياخد منكم ولا جنيه بس روح انت يا عمرو هات حجر النرد اللي بتقول عليه ده وتعالى.
_حاضر حاضر هجيبه بسرعة.
روحت البيت جبت حجر النرد ورجعت تاني عند عم خليل عم خليل نده للولد اللي معاه
_ولا يا محروس.. خد بالك من العربية وشوف طلبات الزباين لحد ما أرجع.
مشينا مع عم خليل وركبنا مواصلة روحنا قرية كده قريبة مننا أخدنا عند واحد اسمه الشيخ عبدالله عم