قصة رب صدفه بقلم لبنى دراز

تن ت حرى 
إسراء يأست من حياتى من صغرى كل الناس بتبصلى ع أنى سلعة رخيصة و متاحة للجميع
أحمد بأستفسار .. أزاى يعنى!
إسراء مستنى إيه من أب و ام بيتباهوا بجمال بنتهم الوحيدة و بيعرضوها للى رايح و اللى جاى
أحمد مش فاهم يعنى ايه باباكى و مامتك بيعرضوكى !
إسراء انا ببساطة بنت وحيدة و زى ما انت شايف ربنا حبانى بجمال صارخ أبويا و أمى غاويين يعملوا حفلات كتير و يعزموا العيلة و أصحابهم دايما و طبعا لازم أكون أجمل بنت ف القعدة ولازم أخ طف أنظار الموجودين كبار و صغيرين
أحمد بيتابع كلامها بأهتمام .. وبعدين
إسراء كنت بحضر الحفلات و العزومات دى ڠصب عنى مجبرة من بابا و ماما عشان يقدروا يتمموا صفقاتهم و أشغالهم
أحمد لحظة واحدة .. هو باباكى رجل أعمال
إسراء أيوا بابا و ماما عندهم شركة استيراد و تصدير و طبعا أى صفقة او مناقصة عشان تتم كان لازم يبقى في قبلها و بعدها حفلة و كان طبعا لازم أكون موجودة .. أتعرضت ل إهانات كتير اوى و محاولات كتير من ......
أحمد بذهول .. قصدك انك أتعرضتى للت حر ش
إسراء بدموع .. أيوا كتييير و كل ما كنت أقول ل بابا فلان قال كذا او حاول يعمل معايا كذا .. تخيل كان يرد يقول أكيد ما يقصدش انتى بس اللى محبكاها شويتين
أحمد و مامتك رأيها أيه
إسراء الغريبة انها كانت بتقول نفس كلامه.. عادى يا إسراء مايقصدوش بطلى تحبكيها عيشى حياتك و أنسي .. حسيت أنى سلعة بالنسبالهم مش ايه يحصلى المهم شغلهم و بس .. المهم انهم يكبروا و أسم شركتهم يكبر ف السوق و بس و بعد فترة اتنقلنا من شقتنا اللى كنا فيها ل ڤيلا فخمة ف منطقة راقية جدا فيها صفوة الصفوة
أحمد وبعدين كملى سامعك
إسراء دخلت الجامعة و برضوا نفس النظرة من شباب الجامعة و نظرة الغيرة من البنات لغاية ما قابلت شاب حسيته مختلف عن الباقى ڠصب عنى اتشديت ليه و بعد فترة أكتشفت انه ساكن ف نفس المنطقة اللى روحنا فيها و ان باباه صاحب بابا و اتكررت مقابلتنا جوة و برة الجامعة أرتحت معاه ف الكلام و أطمنت له حبيته و هو كمان اعترفلى بحبه و طلب إيدى من بابا و اتخطبنا و بعد فترة قررت اصارحه بكل حاجة كانت بتحصل معايا
أحمد أكبر غلط يا اسراء مش كل حاجة تتقال خصوصا لو الحاجة دى خاصة بيكى
إسراء للأسف ده اللى أكتشفته متأخر و كانت الصدمة اللى قضت ع اللى فاضل من روحى لما رن موبايلى و كان .....
فلاش باك
هيثم صباح الورد ع أحلى عيون
إسراء صباح الخير يا هيثم
هيثم حبيبتى لسة كسلانة و قاعدة ف سريرها ليه
إسراء أبدا انا مش كسلانة و لا حاجة يا كابتن بالعكس انا صحيت بدرى و خرجت جريت شوية ف الجنينة و لسة طالعة اوضتى
هيثم بخبث طيب قومى بسرعة و انزلى قابلينى عشان عاملك مفاجأة تجنن
إسراء مفاجأة ايه دى
هيثم تؤتؤتؤ نو يا بيبى لو قولتلك عليها مش هتبقى مفاجأة يلا ألبسى و انزلى عشان تشوفيها بنفسك
إسراء حاضر يا حبيبى هستأذن بابا و أنزل
عودة للوقت الحالى
أحمد و نزلتى روحتى معاه !
إسراء بأنهيار .. و ياريتنى ما نزلت
أحمد پخوف .. طيب أهدى و خدى نفسك و بلاش تكملى
إسراء ع نفس وضعها و بشهقات و صوت متقطع .. ال ال ح ح حيوان قال قال أنه هيفرجنى ع الشقة اللى هنتجوز فيها و لما روحت معاه أتهجم عليا و حاول ....... و لما قدرت أبعد عنه و بزعق معاه تخيل بيقولى هى جات عليا انا بعمل زى غيرى ده حتى أنا خطيبك حبيبك و أولى بيكى من الغريب
أحمد أزاى الحيوان ده بدل ما يحميكى من اى حد هو اللى يحاول ېأذيكى !
إسراء ماحسيتش بنفسى غير و أنا بض ربه بالفاظة ع دماغه و خرجت جرى ماشوفتش قدامى غير كل اللى حصل ف حياتى من خذلان وفضلت ألف طول اليوم لغاية ما لاقيت نفسي جيت هنا و رميت نفسي ف البحر حاولت أنت
حر
أحمد أحمدى ربنا انه كشفلك حقيقة البنى أدم ده ف الوقت المناسب
إسراء الحمدلله يا أحمد انك كنت موجود هنا بالصدفة و انقذتنى كان زمانى موتت و خسړت دينى و دنيتى شكرا ليك بجد ع اللى انت عملته
أحمد نصيحة منى بلاش تثقى ف اى حد مهما كنتى بتحبيه و تحكيله كل خصوصياتك لان مش كل اللى بتحبيهم بيحبوكى و يتمنولك الخير فى منهم للاسف اللى بيغيروا و اللى بيحقدوا و اللى زى خطيبك بيمثل عليكى الحب
إسراء عندك حق يا أحمد أنا خلاص هتعلم من غلطى و أتعلم أختار صح .
و قامت إسراء أستأذنت من أحمد و مشييت تعيد حساباتها و غابت فترة كبيرة و أحمد زى ما هو كل يوم بيروح يتمشى ع البحر بس من بعد ما قابل إسراء فى حاجة جواه أتغيرت و حس انه محتاج يشوفها تانى و ف نفس الوقت حصل نفس الشعور عندها و أفتكرت انه قالها هو موجود كل يوم ف نفس الوقت و المكان ده و نزلت جريت راحت تشوفه و فعلا قابلته و كل واحد فيهم أخيرا لاقى نصه التانى و أرتاحوا بعد عذابهم و اتجوزوا و عاشوا حياتهم بسعادة و كانت فعلا رب صدفة خير من ألف ميعاد
رب صدفة بقلمى_______لبنى دراز