قصة لغز برمودا بقلم ايمان صالح
عربية مكورة مش عربية مربعة عادي يابني
محمد برمودا اللي بدأ يعرق تاني وملامح وشه بان عليها التغيير وحاول يستجمع أنفاسه تاني وقال لها
_ آااا أصلي بحب الكورة قوي وبشجع فريق برشلونا من حبي فيها عامل كل أملاكي بالشكل دة..
_بالشكل دة أزاي بقى لامؤاخذة يابني يعني كل حاجة عندك مكورة
ضحكت ماما جامد وبدأ هو كمان يضحك ويقولها
بابا لفت نظره كلامه ورد قال له
_يتيم أم بس يعني الوالد عايش أمال هو مش معاك ليه!
بدأ يعرق تاني ويتوتر وهو بيقول له
_لأ والدي هو كمان الله يرحمه الله يرحمهم هما الإتنين وسامحوني عشان السيرة دي بتتعبني وبتوترني ..
ردوا عليه أمي وأبويه اللي صعب عليهم طبعا وقالوا له
وبعد دقايق من الكلام والدردشة وصلنا البيت عشان أتفاجئ بمبنى برده مبني على شكل دائري مش مربع ولا مستطيل عادي مانكرش إني أول ماشفته إستغربت جدا لكن لما دخلته من جوة أنبهرت وفرحت بشكله قوي وحسيت براحة رهيبة كل حاجة من جوة برده واخدة شكل الدواير ومعمولة بطريقة فخمه وشيك مفيش قطعة عفش واحدة واخده شكل مربع ولا مستطيل الحجات كلها مرصوصة على نفس الشكل ومريحة جدا للعين لدرجة خلت أمي وأبويه من جمال البيت بدأو يسألوه أسئلة وأولهم ماما
_لأ ياأمي أنا اللي حطيت التصميم للبنايين وقلت لهم على كل تفصيله عاوزها في البيت وهما نفذوه زي ما أنا عاوزة بالظبط هاه عجبك أهم حاجة!
_جميل جدا ياحبيبي بس مش المهم رأيي المهم رأي العروسة هاه إيه رأيك داليا
رد محمد بفرحة وقال
_جميل كدة يبقى ننزل نشتري الشبكة مش لازم نستنى بقى..
بس بابا قاطعه بسرعة وقال له
_لا يابني ههههه انت مستعجل ليه! هتاخدنا في دوكة ولا ايه مش قلتلك عندها أخ لسة هيرجع كمان كام يوم وهنسأله وكمان نسأل عليك وكدة يعني أصبر بس شوية وماتقلقش كل حاجة هتمشي زي مانتا عاوز..
_خلاص يابني أتفقنا..
وبعد ماجه أخويه وسأل عليه وعرف إنه شاب كويس ومالهوش اختلاط بحد وكمان محدش يعرفه قد كدة أكار من المحل بتاعه والبيت اللي طلع جنبه وحتى كمان طلع مالهوش قرايب غير أبن خالته هو اللي بيشوفه الناس وبعد وقت عدى يجي شهر وزيادة إتخطبنا واللي حصل يوم خطوبتنا لو ماكنتش أتصرفت ولحقته كان هيبقى کاړثة تبوظلي جوازتي..
_إيه الحلاوةدي ياحبيبي بسم الله ماشاء الله عليك.
_إيه ياداليا اللي أنتي عملاه ده مش أنتي قلتي دي خطوبة عالضيق! فين الضيق دة
_والله العظيم مش أنا اللي عزمت ده بابا وبعدين فيه ايه دي خطوبتي بالراحة..
_لأ ياحبيبتي مفيش مشكلة بس فيه حجات لازم تعرفيها عني منها إني بكره الزحمة وعندي أساسا فوبيا منها يعني لو أتواجدت في مكان أكتر من عشرين فرد ممكن يحصل لي كرشة نفس وإغماء..
بصيت له بإستغراب شديد وقلت له
_أيه دة بتهزر صح هو فيه حد كدة
_أيوة أنا بتخنق ياستي ويارب تكوني أفتكرتي بقيت الحجات اللي قلت لك عليها..
_اللي هي!
_يانهارك أبيض! يبقى نسيتي..
في نفس الوقت بدأت تنزل المشروبات والحاجة الساقعة في كوبايات أشكال مختلفة وبسرعة مسكته الدوخة وبدأ يعرق ويفك في كرفتته من غير مايحصل سبب مقنع وبسرعة رجعت اهديه بالراحة..
_فيه إيه يامحمد مالك بس
