قصة لغز برمودا بقلم ايمان صالح
كلمني
_قلتلك مش بحب أي حاجة مربعة ولا فيها مربعات فيه أيه ياداليا!! مش فهمتك وقلت لك بلاش كتر أسئلة بكرة!
_ياسلام وأنا حرام أسأل يعني! انا بشوف حجات غريبة جدا من أول ماعرفتك لحد دلوقتي ومش فاهمة فيه ايه!
رد بعصبية وقال لي
_طيب طيب ماهو انتي لو ماطلعناش برة دلوقتي هتقولي ياريتنا طلعنا وسمعت كلامه..
_أوكي يلا يلا..
خدته وطلعنا برة المكان وعملت كأني رايحة عالحمام يعني وهوديه يغسل إديه ووشه وكدة ووقفنا نتكلم بعيد عن عيون الناس..
_فيه ايه بقى معلش! أيه اللي بيحصل كل ماتشوف حاجة مربعة ماتفهمني مالك بالظبط! هو انت مريض مثلا
_مريض ايه بقى أنتي هتغلطي ليه ماتعدي الدنيا وتسكتي ياداليا شوية دوخه وبتجيلي..
_لأ لازم أعرف السبب دلوقتى يعني دلوقتي..
_يابنتي كل الموضوع أني عندي فوبيا مربعات بس بخاف من أي حاجة مربعة أو بكرهها مش أكتر يعني..
_فوبيا مربعات يعني ايه أنا مش فاهمه حاجة خالص!
بدأ يبص لي ويقولي بطريقة حسستني ان اللي بيقوله ده مش الحقيقة
_إيه عمرك ماسمعتي عن حد بيكره أو بېخاف من المربعات! عادي نوع من أنوع الفوبيا فيها ايه!
أتضايق أكتر وقال لي بشخطه
_يوووه أنتي بتعيدي في الكلام ليه حاډثة حاډثة ياستي شفت حاډثة والحاډثة الشئ اللي كان بارز فيها واللي فضل في الذاكرة هو المربعات وهو ده كل اللى فاكره فيها أرتاحتي كدة
_بجد يامحمد يعني مش مخبي حاجة عني مش كدة
وأحنا واقفين ببص لقيت أخوية خالد طب علينا وأحنا واقفين فجأة خضنا وكان هيزعق لي لكنه مسك نفسه قدام محمد وقال لي
_إيه ياداليا فيه ايه بابا والمعازيم بيدوروا عليكم من شوية هو فيه حاجة
_لأ ياخالد دة كان عاوز الحمام وانا بس عرفته مكانه وراجعه للناس يلا خلص يامحمد وتعالى وانا هروح مع خلودي..
_بقولك ايه أنا مش مستريح للواد دة أنتي متأكدة إنك مرتحاله لو متضايقة بس عشرين في المية قولي وانا هخليه مالهوش دعوة بيكي وقتي..
قلت له وأنا بضحك عشان أداري معالم الإستغراب اللي على وشي
_ههههههه هو فيه ايه ياخالد مالك بالراجل هنبتدي غيره من أولها ولا أيه أنا محمد كلها دقايق وهلبس شبكته وهقرى فتحته أتلم بقى يارخم هههه..
ضحكت جامد جدا على كلامه اللي فصلني وقلت له وأنا بشاور بصباعي السبابة
_أياك تيجي جنب أوضة ولادي في المستقبل مفهوم
_يوووه! أنتي كمان هتحجزيها لولادك لأ بقى كدة ظلم هههههه..
_طب يلا يابني عشان بابا مايستغيبناش كلنا..
ودخلنا تاني عليهم المكان وبدأت أوشوش ماما بهدوء
_وحياتي عندك يامامتي خليهم يشيلو أي حاجة مربعة أو على شكل مربع هاه
_نعم ياقلبي! مش فاهمه المطلوب هي الشبكه محطوطة في علبة ايه لا مؤاخذة مثلثة! ماهي اكيد مربعة..
_لا ياماما على شكل قلب متقلقيش حولي بس تشيلي المربعات من المكان أرجوكي..
_ليه يابنتي فهمينيوبعدين صحاب العريس بيسألوا عليه هو فين راح
_هو جوة ياحبيبتي وبس ظبطي الدنيا وهو في الحمام وطالع..
_هو مابيحبش المربعات يابت
_آه ياماما مابيحبش..
_حاضر يابنتي إمشي يامربعات بلاها مربعات روحي يامربعات أنا بقولك ورزقي على الله دة شكله منخوليا رسمي رسمي..
_ياماما طب بس خلصي وغلاوتي..
_حاضر ياختي حاضر يابنتي أشتاتا أشتاتا..
ومشيت ماما وفجأة لقت محمد في وشها وساعة ماشافته وقفت تقول ياختاااي ياختي ياستاار وأنا وقفت أضحك وأداري الضحك ومش قادرة ولا عارفه أعمل إيه لكن بعد ساعات عدت الليلة ولبست شبكتي والحمد لله عدت أصعب ليالي حياتي وعدت الأيام والليالي وكنت في يوم مع محمد في البيت هناك وكان عدى على شبكتنا شهور طويلة وكان وقتها قرب الفرح كنت في الأوضه فوق بوضب شويه في الحجات اللي هتتغير واللي هيجاب غيرها ووأنا بقلب لقيت صورة لست جميلة جدا
