الشارع lلملعۏ'ڼ
السواق مدفوعه يا شپح
عبد الله بس أنا مدفعتش
السواق.. الله على الدماغ قولي الصنف... ده أنت هوبا
عبدالله بصيت تاني من الشباك لقيتنا في نفس المكان كأن الشارع ما بيخلصش ولا بيتغير ونفس الراجل الكبير موجود بيضحك ليا حطيت وشيى الناحية التانية يارب أوصل بقى
وبعد دقائق سمعت نفس الصوت ونفس الهمسات وفجأة لقيت صوابع على كتفي وضوافر طويلة غمضت عيني ووجسمي بدأ ېڼټڤض وسناني بتخبط في بعض ببص فى المرايا شفت نفس وش أبو عين واحدة صړخټ وفجأة
تابع
#الشارع_الملعون
#بقلمي_ليلةعادل
الفصل الثاني
وأنا قاعد في الميكروباص وعمال أدعي ربنا .. يارب أوصل البيت بسرعة ، سمعت نفس الصوت ونفس الهمسات ..
عبد الله عبد الله .. وفجأة لاقيت صوابع على كتفي وضوافر طويلة غمضت عيني وجسمي بدأ ېڼټڤض وحسيت ببرودة في كل جسمي ببص فى مراية العربية .. شوفت نفس الوش أبو عين واحدة صړخټ وفجأة فتحت عيني لاقتني على الأرض نايم في شقتي قومت بسرعة وأنا مفزوع وخايف وعرقان وجسمي مثلج بيترعش وبنهج و قعدت أجري في الشقة زى المجڼون يمين وشمال قعدت على كرسي لاقيت كوباية مياه جنبي شربتها بدأت أهدى و استعذت بالله من lلشېطlڼ.. الحمد لله كابوس. أعتقد lلکlپۏس أفضل من الحقيقة ، بعد ثواني لاقيت بنت زي القمر معدية قصادي وطفل
صغير جاي جري عليا بيقول لي صباح الخير يا بابا دعكت عنيا وفجأة لاقيت كل عفش الشقة متغير ، الشقة كلها متغيرة مكان حلو ونضيف شقة كبيرة زي اللي بتيجي في التلفزيون وعفش غالي اوي ، ايه الحلم اللي مش عايز يخلص ده سمعت نفس الهمسات تاني بس المرة دي حاجة بتقول لي بص من البلكونة لاقتني بروح على البلكونة كأني بتشد زي المغناطيس لاقتني في نفس الشارع نفس الضلمة نفس الشجر نفس الرجل العجوز بيبص لي وبيضحك وبيلعب بعملة حطيت ايدي في جيبي وطلعت عملة من جيبي ، و جريت على باب الشقة أول مافتحت لقتني بالشارع الضلمه كأن في فجوة بين عالمين بين الشارع وبين الشقة يعني ده عالم وده عالم والباب هو حلقة الوصل بينهم فضلت ثواني متنح ببص ورايا وببص قصادي ، مشيت خطوات ووصلت للراجل العجوز اللي مش عارف مين ده ، بس لما وصلت بصيت بعيني كان واقف بظهره نفس الشپح ابو عين واحدة ،بس المرة دي قويت قلبي ووقفت بصيت فى وش الراجل العجوز قولت له عايز أفهم... بصلي وابتسم ابتسامة مخيفة وفجأة اتحول لشاب جميل لكن على قد ما هو شكله جميل على قد ما كنت من جوايا مرعوب وحاسس بالرڠب كل ما عيني تيجي بعينيه
عبد الله : أنت مين؟
العجوز : ماتسألش أنت من المختارين هتعيش النهارده بالمقام سنة وهتعيش حياتك بالمقام يوم وإختار بس فى ثمن فى الاختيارين
عبد الله : مش فاهم
