قصة النظرات الطويلة بقلم ياسمين احمد

دكتور متخصص وبعد الكشف الدكتور طلع من الأوضه وشه مكفهر فعبد الله راح له وسأله بلهفه عن مراته.
طمنى يادكتور مراتى مالها
ماخبيش عليك يا أستاذ عبد الله مراتك بعد التحاليل والأشاعات اللى عملناها أتضح أنها مصابه بالكنسر وللأسف حالتها مش مطمئنه مقدرش أخبى عليك هيا قدامها شهور وجسمها مش بيقاوم المړض لأنه من النوع الشړس أفضل حل أنك تفضل جنبها لحد مايتولاها ربنا برحمته.
واقع الصدمه على عبد الله كان كبير أوى هو ماصدق أنه أتجوز عشان ينشغل بحياته لكن الأقدار كان لها رأى تانى فضل عبد الله جنب مراته أم ولاده يراعيها ويهتم بيها الكام شهر دول إلى أن توفاها الله ماكنش قدامه غير أنه يرجع مصر ويستقر فيها وفعلا رجع هو ولاده الأتنين وصاحبه وقدم ال بتاعه وعمل الأنترفيو مع مدير بنك مشهور والبنك دة مشترك بين السعوديه ومصر وبسبب كفاءة عبد الله وحسن تفانيه فى خدمه العملاء فضل يترقى فى منصبه لغايه مابقى مدير الفرع ومن مدير فرع لمدير بنك بعد أحاله المدير السابق للمعاش وحالته الماديه أتحسنت كتير وأشترى عمارة مكونه من 12 دور أخد هو الدور الأول علوى وملك العمارة كلها وأخد تمن الشقق حطهم ودايع لأولاده فى البنك وفات بالظبط على فراق عبد الله وليالى 14 سنه كامله كل واحد فيهم مايعرفش حاجه عن التانى.
وفى يوم الوضع أتذم بين محمد والد ليالى وبين الديانه وأقسموا أنه لو ماسددتش الفلوس اللى عليه هيسجنوة ...سبحان مغير الأحوال أبوها بعد ماكان له شنه ورنه وأسمه زى الطبل فى السوق بقى مستدين لتجار عاوزين فلوسهم منه بأى تمن وفى يوم قابل حد من معارفه فى البنك وطلب منه قرض على سبيل السلف وهيسدد القرض على مهله فقريبه أقترح عليه يروح لعبد الله طبعا أبو ليالى كان زى الغريق اللى بيتعلق بقشايه تنجده ولما راح له معرفهوش لأن عبد الله ملامحه أتغيرت وذاكرة محمد بقت ضعيفه فأول ماشافه عبد الله عرفه على طول لكن أبو ليالى للأسف معرفهوش وطلب قرض بدون فوايد عبد الله رحب بيه وصافحه بحرارة ومحمد قعد قدامه وقاله بصوت مهزوز.
أنا عاوز قرض يابنى الديانه حجزوا على كل محلاتى وعاوزين يسجنونى لو مدفعتش لهم الفلوس اللى عليا أرجوك ساعدنى أنا راجل كبير فى السن ومش حمل مرمطه.
عبد الله قاله بترحيب ماتحملش أى هم ولو على القرض فهو سهل وبسيط وماتقلقش بخصوص الديانه.
عبد الله راح للديانه وطلب منهم أنهم يصبروا لغايه مامحمد يقدر يسدد اللى عليه لهم وقد كان تم تسهيل القرض بكل سهوله ويسر ومحمد سدد كل ديونه وحمد ربنا أن الموضوع ماوصلش للسجن وراح لعبد الله وشكرة بأمتنان وخرج من البنك وبدأ  يسأل عنه والكل أكدله أنه أنسان شريف عفيف النفس لاغبار عليه ولما أتاكد أن مدير البنك هو نفسه الشخص اللى تقدم لخطبه بنته فى السابق حس أنه صغير فى عين نفسه وعين بنته وعين عبد الله ولما رجع البيت حكى لمراته فهى قالتله بعتاب.
شوفت بقى يامحمد الولد طلع محترم أزاى ووقف جنبك فى محنتك الواجب أنك تروحله وتعتذرة عن اللى بدر منك فى حقه زمان وشوف مايته أيه.
عندك حق ياسعاد أنا غلطت فى حقه كتير وأهنته وهو طلع بنى آدم محترم ووقف معايا واقفه رجاله وكمان طلب من الديانه يصبروا لغايه ما أسدد الفلوس اللى عليا أبن أصول فعلا.
والد ليالى سمع بنصيحه مراته وراح لعبد الله البنك وطلب منه يقعد معاه فى مكان عام.
أستاذ عبد الله عندك مانع نتكلم شويه بعد ماتخلص شغلك
عبد الله قال مرحبا لا طبعا ماعنديش أى مانع.
بعد أنتهاء العمل فى البنك محمد عزمه فى كافيه وكانت النظرات الطويله هى السمه المشتركه بين عبد الله ووالد حبيبته لغايه مامحمد قطع الصمت ده وقال بنبرة مهزوزة.
عبد الله أنت شاب ممتاز وعصامى وأتحملت كتير سامحنى يابنى لأنى ظلمتك لما حاولت أفرق بينك وبين بنتى وبعدتكم عن بعض وعرفت أنك أتجوزت ومراتك توفاها الله وعندك منها ولدين أنا مش هأجبرك على حاجه بس لما حكيت قدام ليالى عنك
لقيتها بټعيط ودموعها مغرقه وشها ليالى لسه بتحبك ياعبد الله بس أنا اللى كنت أنانى مش طالب منك غير أنك تفكر قدامك 10 أيام بحالهم وحتى لو مش موافق تتجوز بنتى مش هلومك لأنى أنا المخطىء فى حقكم وبتمنى أنكم تسامحونى لأنى جنيت عليكم وأدينى بدفع التمن أهوه.
عبد الله طبطب على كف حماه وقاله أولا ياعمى فكرت خلاص أنا لسه بحب بنتك وحبها مامتش من قلبى وجاى معاك دلوقتى عشان أشبكها وبعد أسبوع هنتجوز ولا عندك أعتراض على المبدأ ده
حماه ضحك وقاله لا طبعا ماعنديش أى أعتراض طالما هتكونوا مرتاحين مع بعض.
عبد الله خطب ليالى وبعد أسبوع أتجوزها وهى أخدت أبنها وبنتها لبيت جوزها وعاشوا حياه هاديه فيها الوفاء والحب والمودة والرحمه وبعد سنه ونص من جوازهم ليالى خلفت منه بنوته جميله وعبد الله كان طاير من السعاده وكان قاعد جنبها فى المستشفى فهى حطت رأسها على صدرة وقالت بأبتسامه ساحرة.
عارف ياعبد الله أنا بحسد نفسى على السعاده اللى عايشها معاك مش مصدقه لغايه دلوقتى أن أتجمع شملنا من تانى وأتجوزنا وخلفت منك حاسه أنى بحلم رغم قساوة الأيام.
عبد الله طبطب على كتفها وباسها من رأسها وقالها ماتزعليش على اللى فات ياليالى ربنا له حكمه فى كده أن كل واحد فينا يبعد عن التانى ويتجوز جوازة على غير رغبته وبرضه له حكمه أننا نرجع لبعض ونتجوز ويبقى ليا بنوته جميله زيك والحمد لله بقى عندنا 5 أبناء ربنا يعينى ويعينك على تربيتهم.
توفيق جوز ليالى السابق أتجوز من بنت خالته ورغم قسوته على ليالى لكنها دعت له بالهدايا والسعاده مع مراته الجديده.
تمت بحمد الله.