قصة تحية المساء بقلم ياسمين احمد

وعامل أحترام لكبر سنك ومش هأقولك غير أتفضل من غير مطرود.
خرج مصطفى من عند سامح وعقله هيشت منه ورجع شقته زى التايه ماكنش قدامه غير أنه يتصل بأخوة يستنجد بيه إلحقنى ياوفيق البت هربت لأنى رافض أجوزها للواد اللى تقدملها.
وفيق قاله بطمأنه فدوى عندى يامصطفى ماتقلقش. 
مصطفى أتنهد بأرتياح وقاله الحمد لله أنها عندك.
وفيق قال لأخوة بحزم تعالى عشان عاوز أتكلم معاك شويه.
تمام مسافه السكه وهكون عندك.
نرجع تانى لسامح مامته مسحت الډم اللى على شفايفه وسألته بلهفه الراجل المفترى دة عمل لك أيه عشان شفايفك ټنزف ډم كده
أبدا يا أمى عطنى جوز أقلام على وشى وأتهمنى أنى مخبى بنته كل ده عشان عاوز أتجوزها!!.
ما أنا قلتلك يابنى سيبك منها فدوى لأول ولأخر بنت الدنيا مليانه بنات أتجوز غيرها وريح نفسك من ۏجع القلب ده.
مش بأيدى ما أنتى عارفه.
ربنا يجازى أبوها ويسامحه على اللى بيعمله فيك.
مصطفى راح لأخوة وأول مابنته شافته أستخبت ورا ضهر عمها وهى بترتعش فأبوها تقدم منها وكان عاوز يضربها لولا أن وفيق منعه وقاله بصوت قوى.
أقعد يامصطفى وبطل الدوشه والهيجان اللى أنت عامله دة.
بص لبنت أخوة وقالها برجاء روحى أقعدى مع البنات يافدوى وسبينى أتكلم مع أبوكى.
فدوى راحت تقعد مع بنات عمها ووفيق بص لمصطفى وقاله بضيق أنت هتعقل أمتى يامصطفى البنت جايه تتحامى فيا وأنت عاوز تضربها فوق بنتك بقت عروسه ونفسها تتجوز اللى قلبها مال له مش موافق عليه ليه
عشان واد دحلاب بيضحك على البنت بكلام معسول تقدر تقولى لو أتجوزها هيعيشها منين وأزاى ده حتى هدومه دايبه عليه وبيتهم من برة لايسر عدو ولا حبيب لو أتجوزته مش هتستحمل العيشه دى ده غير أن أمه قاعده معاه.
وفيق قاله بنرفزة أنت فكرتك عن الناس محدوده وسطحيه أوى يامصطفى الولد أنا سألت عليه طوب الأرض والكل قال أنه شاب متدين وعارف ربنا أوى ومش ذنبه أنه وعى على الدنيا ملهوش حد ويتيم الأب أعتبرة أبنك ياأخى وبعدين هو لسه فى بدايه حياته فطبيعى أنه يكون على قد حاله عارف الشاب ده بيفكرنى بمين بيفكرنى بيك زمان لما كنت فى بدايه حياتك وأتقدمت لمراتك وأبوها رفضك فى الأول بس لما أقنعته بوجهه نظرك وافق وجوزك بنته واحده واحده يامصطفى ربنا خلق الدنيا فى 6 أيام سيب بنتك تتجوز مش يمكن ربنا يفتحها عليه بعد الجواز أما بقى بالنسبه لأمه فمش هيرميها فى دار مسنين عشان سواد عيونك دى تعبت فى تربيته وطلعته راجل فماينفعش على أخر الزمن يرمى أمه ويرضيك.  
خلاص تعمل اللى هى عاوزاة بس فى الحاله دى أنا هخلى مسؤوليتى منها ومش هأصرف عليها ولا مليم تروح تتجوزة بس بعد كده ماترجعش ټندم وتقولى حقك عليا يابابا يارتنى سمعت كلامك.
فدوى كانت سامعه الحديث كله بين عمها وأبوها فخرجت من الأوضه وقالتله بحزم وأصرار أطمن يابابا عمرى ماهندم على أرتباطى بسامح أن شاء الله لو هأكل عيش حاف كفايه أنى هعيش معاه فى حب وسعاده.
عمها راح لها وطبطب عليها وقالها بثقه سيبك من كلام أبوكى أنا هروح لسامح ونحدد ميعاد جوازكم.
ربنا يخليك ياعمى ويبارك فى عمرك.
ويخليكى يافوفو يلا جهزى نفسك عشان نوصلك لبيت عريسك.
عمها راح تانى يوم لسامح وحددوا موعد للجواز رغم معارضه أبوها وأتعمل فرح على الضيق وطلعت بفستان زفافها من بيت عمها وحضر هو ومراته وبناته ومامتها...فى الأول فدوى كانت غير معتادة على الوضع الجديد خصوصا أنها أتجوزت على عفش قديم متهالك وأرضيه الشقه أسمنت فقط وسجاد قديم عفا عليه الزمن لكن مع تعامل وحنيه جوزها وحماتها رضيت بنصيبها وتعايشت معاه وعمرها ما أشتكت لأبوها عشان مايشمتش فيها وفى خلال 7 سنين خلفت ولد وبنت وكانت سعادتها لاتوصف وشويه بشويه بدأت الحاله الماديه لسامح بالتحسن ووضب الشقه وجدد الأثاث القديم بأثاث جديد وركب سيراميك للأرضيه وأصبحت جنه وفتح شركه بأسمه وبعد ماكان مندوب شركه أدويه بقى هو اللى بيورد الأدويه ويحفظها عنده ويسوقها بين الشركات وربنا وسع عليه وباع الشقه القديمه وأشترى شقه تمليك على