قصة تحية المساء بقلم ياسمين احمد
انت في الصفحة 4 من 4 صفحات
مساحه 300 متر وجاب أثاث على أحدث طراز ودخل ولاده مدارس خاصه وجاب خدامه لأمه تراعيها وتعمل لها اللأزم خصوصا أن فدوى أشتغلت مع جوزها فى نفس الشركه أما أبوها فكان بيسمع أخبارها أول بأول من بعيد بدون أى تدخل منه ولما عرف أن بنته عايشه فى رغد ونعيم ومبسوطه وسعيده حس بالخجل من نفسه وقرر يروح يعتذرلها ولجوزها عن مابدر منه فى حقهم وأول مارن الجرس فدوى هى اللى فتحت الباب مش مصدقه أن أبوها واقف قدامها رغم أنه قاطعها 10سنوات كامله من غير أى سؤال أو حتى أتصال وهى بتلقائيه أترمت فى حضنه وفضلت تبكى فهو طبطب عليها قالها بخجل.
أدخل الأول يابابا وبعدين نتكلم.
مصطفى دخل شقه بنته وهو محرج وعينه على كل شبر من الشقه شقه ولا فى الأحلام ولا كان متوقع أن سامح اللى رفضه من عشر سنين فاتوا هيعيشها فى المستوى المادى المريح ده بعدها سامح راح له وصافحه بحرارة رغم اللى شافه منه وقال بأبتسامه عزبه.
سامح يابنى حقك عليا أنا ظلمتك وظلمت بنتى أرجوكم تسامحونى وياريت تنادى على الست والدة عشان أتأسف لها وأحب على رأسها أقولها عرفتى تربى وأبنك راجل من ضهر راجل.
والدة سامح راحت لمصطفى وقالت بهدوء المسامح كريم ياحج مصطفى وسامح أبنك زى مافدوى بنتى ويعلم ربنا أنا بحبها قد أيه وخلاص بقينا عيله واحده أما بخصوص اللى فات فأحنا قلوبنا بيضا وبننسى الأساءة وأنت راجل فاضل وبنتك فى الحفظ والصون وأهى عندك أسالها أنا بعاملها أزاى.
جم أحفاد مصطفى على صوت جدهم بلهفه وقالوا له جدو ..جدو وحشتنا ياجدو.
وأنتم أكتر ياولاد الغالى والغاليه ربنا يقدرنى وأعوضكم أنتم وباباكم ومامتكم.
العلاقه أتحسنت بين مصطفى وجوز بنته وحمد ربنا على النعم اللى هى فيها....حتى لما كان بيحصل شد وجذب بين اى زوجين وكانت فدوى تزعل كان سامح بيطيب خاطرها ويفكرها بكل اللحظات اللى تعبوا فيها عشان يتجوزوا بيهون عليها ومابيخلهاش تنام وهى زعلانه منه او العكس.....الدنيا مش كلها حلوة ومش كلها وحشه بس مع حبايبنا بنعدى كل صعب وعسير وقبل كل ده لازم يكون
عندنا إيمان قوى وراسخ أن ربنا مابيخلقش عبد وينساه واللى حاله بسيط النهاردة ربنا بيعوضه بالأفضل والأحسن .
تمت بحمد الله.
