قصة حجر النرد بقلم ابتسام رشاد
انت في الصفحة 1 من 7 صفحات
حجر النرد
حجر النرد مكعب له 6 جهات مترقم من 1 ل 6 واحنا ستة اصحاب.. اتعرفنا على بعض من أيام المدرسة الإعدادية وقتها كنا بنلعب السلم والتعبان... كنا بنيجي في حصة الإنجليزي بنقعد في الديسك الأخير في الفصل ونلعبها سوا كنا فاكرينها روشنة وكده... كبرنا وبقى عندنا 22 سنة وانا معايا حجر نرد لقيته زمان محتفظ بيه مع مجموعة صور لينا احنا الستة احتفظت بيهم جوه صندوق خشب صغير.
انا اسمي عمرو خريج زراعة وأصحابي هما مصطفى وخالد ومعتز وياسر واحمد كلنا خلصنا الجامعة ولسه قدامنا جيش وحالنا زي حال شباب كتير لسه بندور على شغل وأجلنا الجيش سنة احنا تقريبا بنفكر بنفس الطريقة حتى كلنا دخلنا زراعة معادا احمد هو الوحيد مننا خريج تربية... احنا بنتجمع كل يوم عند واحد مننا وبنسهر سوا لحد ما في يوم كانوا متجمعين وسهرانين عندي الشقة اللي احنا ساكنين فيها في الدور الأرضي وكمان انا أوضتي ليها باب عالشارع كنت بدخل اصحابي منه.. علشان اخواتي البنات وكده وفي اليوم ده واحنا متجمعين سحبت الصندوق الخشب من تحت السرير وفتحته قدامهم ومسكت حجر النرد بس الغريبة إن الحجر لازق في الصندوق زي ما يكون حاجة اتدلقت على الصندوق وخلته يلزق في قاعدة الصندوق مسكت حجر النرد وسبت الصندوق على الأرض وزقيته برجلي.. صقفت علشان أخليهم يركزوا معايا وقولتلهم
قبل ما اكمل كلامي قام مصطفى من على الكنبة وجه ناحيتي علشان ياخد مني حجر النرد وهو بيقولي
_وريني كده يا عمرو إيه اللون الأزرق اللي على النرد اللي معاك ده!
وأول ما أخده من إيدي الحجر وقع منه واتدحرج على الأرض وفي اللحظة اللي وقع فيها النرد الكهربا قطعت وطى مصطفى يحسس على السجادة وانا بدور معاه على الحجر دقايق ورجعت الكهربا بس مصطفى قالنا
_يا جماعة في حاجة غريبة حصلت لما الكهربا قطعت وانا موطي على الأرض بدور على النرد سمعت صوت همسلي في ودني وهو بيقولي انت اللي رميت النرد وأنت اللي هتاخد أول مهمة ولو منفذتش المهمة ھتموت المهمة رقم تلاتة هي إنك هتجيب جمجمة بني آدم مېت وتوديها جوه كشك سيد البقال وتحفرلها وتدفنها.. معاك أسبوع واحد لو منفذتش المهمة ھتموت وبعد ما سمعت الجملة دي جسمي قشعر واتهزيت صوته مكنش بيهزر.. انا خاېف هو انتوا بتضحكوا على إيه! انتوا اللي عاملين عليا الحوار ده صح! ما انا عارف المقالب بتاعتكوا.
_يا ابني هو حد جه جمبك محدش مننا اتحرك من مكانه.. وبعدين كل ده حصل في الدقيقتين دول.
_انتوا مش مصدقيني بس انا سمعت الصوت وانا متأكد من اللي سمعته اعمل إيه دلوقتي ده قالي لو منفذتش المهمة خلال اسبوع ھموت.
اتدخلت انا وقولتله
_مهمة ايه اللي تنفذها دي يا مصطفى وهتجيب ازاي جمجة وكمان توديها الكشك المهجور بتاع سيد البقال ده حتى كشك قديم وفاضي وملوش سقف يمكن بيتهيئقك.. كبر دماغك.
_أيوه بس..
كلنا أقنعنا مصطفى ان اللي سمعه ده كان تهيؤات بس ملامح وشه بتأكد اللي سمعه... وعدت الأيام وفي اليوم السابع جالي تلفون من أحمد قالي
مسألتوش عن أي تفاصيل إيدي بقت بتترعش حسيت الموبايل هيقع مني افتكرت اللي حصل الأسبوع اللي فات لما النرد وقع والكهربا قطعت وقتها مصطفى قالنا إن فيه حد كلمه وكلفه بمهمة الجمجمة وكمان بعدها بيومين قالي إنه شاف كابوس حلم إنه بيدي جمجمة لشيطان بقرون طويلة ولما صحي مڤزوع كلمني وحكالي.
روحت المستشفى وكنا متجمعين وكلنا بنعيط مش مصدقين إزاي مصطفى ينتحر وإيه السبب اللي يخليه ينتحر.
صلينا عليه وډفناه وحضرنا العزا في اليوم ده بعد ما العزاء خلص جم كلهم معايا على بيتنا مكناش بنتكلم.. احساس الصدمة وإنك تفقد صاحب عزيز عليك شعور صعب أوي افتكرت الأسبوع اللي فات لما رميت حجر النرد في الدرج عندي وقتها فتحت الدرج وخرجت منه الحجر ومسكته في إيدي وانا ببصله والدموع ماليه عنيا..
