قصة حجر النرد بقلم ابتسام رشاد

اتخنقت واتغظت أوي قومت ضارب حجر النرد في الحيط وشوفته لما رد تاني ووقع على الأرض في اللحظة دي الكهربة اتقطعت وبعدها حسيت بتنهيدة مع صوت بيهمسلي في ودي وبيقول
_انت اللي هتقوم بالمهمة رقم 1 وهي إنك هتجمع دم ست حيوانات كلهم مع بعض ويتضافلهم دم بني آدم... وتروح كشك سيد البقال وتحفر وتحط الإزازة ولو منفذتش المهمة دي ھتموت بعد اسبوع واحد.
جسمي قشعر بس النور رجع فورا بس أنا مكنتش قادر استوعب اللي سمعته بصيت لحجر النرد  اللي وقع على السجادة وكانت الواجهة بتاعته على رقم 1 وقتها فهمت إن المهمة رقم 1 من كانت نصيبي انا يعني لو منفذتش ھموت زي مصطفى ومعنى ان مصطفى اتطلب منه مهمة غير اللي اتطلبت مني ده يدل على إن فيه ست مهمات مطلوب يتنفذوا وكل رقم هيوصلني لمهمة تانية.
وطيت أخدت النرد من على الأرض وأصحابي باين عليهم الحزن وبيعيطوا دول حتى محسوش إن الكهربا قطعت ورجعت قولتلهم
_يا شباب فاكرين الأسبوع اللي فات لما مصطفى الله يرحمه قالنا ان فيه حد همسله في ودنه وقاله على طلبات غريبة ولازم يجيبها وإلا ھيموت اللي انا عاوز أقوله دلوقتي انا كمان حد همسلي في ودني وقالي على طلبات غريبة أوي ولو مجبتهاش ھموت بعد اسبوع.
احمد قالهم
_الموضوع شكله بجد كل ما الكهربا بتقطع بيحصل كده لواحد مننا انا معاك يا عمرو وهساعدك نجيب الحاجة اللي اتطلبت منك بدل ما نخسرك زي ما خسرنا مصطفى
_يا احمد مش موضوع الكهربا بتقطع السر في حجر النرد.. الحجر ده كل ما حد يدحرجة ويرميه بيحصل معاه كده.
خالد قالي
_يا عمرو متهزرش انت بتقول إيه معقولة حجر النرد يحصل من وراه ده كله هات كده أجرب.
حاول ياخده من إيدي وانا مش راضي أديهوله واحنا الأتنين بنشد  مع بعض لحد ما أخده مني واصلا انا كنت خاېف يحصله حاجة من ورا النرد بس انا سبته ورجعت لورا أما هو حرك النرد بين إيديه ورماه على الأرض وكلنا كنا واقفين مستغربين وبنبص لحجر النرد ومستنيين نشوف إيه اللي هيحصل!
خالد مسكه وحطهولي في إيدي وقالي
_يعني محصلش حاجة أهو بلاش تتريق على صاحبك اللي ماټ.
_انا مش بتريق انا بتكلم جد.. النرد وراه سر ولو منفذناش المهمة ھنموت كلنا واحد ورا التاني.
أما ياسر سألني
_عمرو انت تقصد إيه تقصد ان حجر النرد اللي معانا ده بيجيب الجن والشياطين ويخليهم يتحكموا فينا طب وايه الطلبات الغريبة دي!
_اسمعني يا ياسر اسمعوني كلكم دلوقتي احنا ننفذ المهمة اللي اتطلبت مني ننفذها سوا للأخر ونشوف بعد كده إيه اللي هيحصل.
خالد قال
_انا ماشي صاحبكوا لسه مېت وانتوا فايقين أوي وماشيين ورا كلام فارغ.
بعد ما خالد مشي كلهم مشيوا وتاني يوم اتجمعنا بس مكنش خالد معانا جبت ازازة فاضية وجبت فيها دم طيور من عند واحد فرارجي هي حاجة غريبة فعلا بس عملتها ورجعت لأصحابي تاني واتفقنا اننا هنتقابل بالليل علشان نروح عند كشك سيد البقال.
وبالليل قولت لأحمد وياسر
_انتوا الأتنين تعالوا معايا بس مش هناخد معتز مش هينفع نروح كلنا.
الحتة دي بالذات أكتر حته ضلمة في الشارع كله وكمان حواليها يعتبر المنطقة مقطوعة والمكان نفسه ميطمنش.. كنت واخد معايا جروف ولما قربت من كشك سيد شغلت كشاف الموبايل أما ياسر وأحمد رفضوا يدخلوا وخافوا من الضلمة.
لكن انا جمدت قلبي ودخلت كشك سيد وكان من جوة المنظر يقرف.. كله تراب وخيوط العنكبوت في كل حته المكان هادي أوي وانا كمان كنت خاېف وبسأل نفسي إيه اللي جابني هنا.. يارتني ما كنت صدقت الهبل اللي سمعته ده بعد ما لفيت في الكشك بكشاف الموبايل حطيت الموبايل مقلوب على قالب طوب موجود في الكشك وسبت جمبه الإزازة اللي فيها الدم وبدأت أحفر وأحفر وحطيت الإزازة في الحفرة وردمت عليها تاني.
لما خلصت أخدت الموبايل بتاعي والجروف ومشيت رجعت لقيت أصحابي لسه مستنييني.. ما صدقت لقيتهم كان قلبي بيدق جامد من الخۏف بقيت أمشي بسرعة وسبقتهم بخطوات وهما لحقوني أحمد سألني
_فيه إيه يا عمرو ايه اللي حصل
مردتش عليه وكملت مشي لحد ما بعدنا عن كشك سيد وقفت وقولتله
_بس